بسم الله الرحمن الرحيم

قصيدة فزاع جسر الصداقة , اشعار فزاع , شعر جسر الصداقة , ابيات من كلمات حمدان ال مكتوم (فزاع)

الضـايق اللي سـاريٍ لـيله ولا حَصَّـل طريق
تلـعــب به الايّـام بيـن يْـميـنهـا وشْـمالـها

يا غَـارقٍ بالهَم لا تطـلب نجاتك من غريق
الصبر مفـتاح الـفرج ، والـناس هـذا حالها

وانا ترى مَتني يشيل مْن الحِمِل ما لا يطيق
مالي ومـال الـحِـمله اللي كل كـتفٍ شـالها

والدلّـه اللي ماتـقهوي ضيفها ، قِل للبريق
يرسل تعـازي ضـوّها لا فاحت بْفـنجـالها

أيّامنا بين الشهر واليوم ، والباقي سحيق
الايّام كم يبغى لها ، والناس كم يبغى لها

قمريّة الأحزان لا غَنَّت على الغصن الدقيق
ما تْعـاتب الـمحزون لو غَنَّت وَلا غَنَّى لها