بسم الله الرحمن الرحيم

قصيدة محمد بن فطيس ذا الليل كن نجومه شوي واشتات , اشعار بن فطيس , شعر ذا الليل كن نجومه شوي واشتات , ابيات من كلمات محمد بن فطيس





ذاالليل كن نجوومه شووي واااشتات مــن كـثـر مــا راقبتـهـا قـبــل ذالـلـيـل

فيـهـا عــن الـبـارح وقـبـلـه تـفـيـوات اعّـدهـا مـــن يـــوم غـيـبـت ياسـهـيـل

ذالليـل لبسـه صمـت وفراشـه سـكـات كــنــه يشـجـعـنـي لــجــر الـمــواويــل

لـكــن يـكــدر صـفــوة الـجــو دقــــات دقـات منفصـلـه وهــي مــا لـهـا ذيــل

اروح ادورهــــا بـسـمـعـي تـصــنــات وتطـلـع عـقـارب سـاعـة بـايـدة حـيـل

مسـيـرهـا دقـــات واكــثــره وقــفــات هي ريضه وانا ارقـب الصبـح واخيـل

الزبـده ان اللـيـل ذا مــا بــه اصــوات كنـي لحالـي والعـرب مـن ورى النيـل

النـاس مـدري وينـهـم كنـهـم امــوات كنـهـم تمـالـوا فــي وكـنـي مــع سـيـل

سيل الهجوس اللي الـى جاتنـي جـات كتها علـى عقلـي مـن الماضـي تهيـل

تظهـر مـن الشـاعـر تنـهـات وابـيـات والـلـي مـهـو شـاعـر يظـهـر منـاديـل

تعـيـد لـــي ذكـــرى غـــرام الـبـدايـات وتـحـلـل ايـــام مـضــت فـيــه تحـلـيـل

وتاخذ بصدري مثل كـل ليـل صـولات ومضمونها معروف راعـي المظاليـل

اللـي فتحـت الصـدر لـه مــن سنـيـات وخـذ فـي فـوادي ركـن لازال مـا زيـل

قـافـي لــو يـوصـف لـزيـنـه حـركــات قــامــوا بتـقـلـيـده بـنـيــات ذالـجــيــل

وعينـه الــى مـنـه صدقـنـي بنـظـرات دريـت ويـن الضـعـف فــي يارياجـيـل

ابختصـر وصفـي لـه بخمـس كلـمـات دله....صبـاح و ليل...سيـف وفناجيـل

قطعـت مـن شـانـه طــوال المسـافـات الميـل متـر يسيـر لاشتـقـت لــه مـيـل

يشتـاق لـي مـره وانــا عـشـر مــرات ويعطـي وانـا معطيـه هـيـل بــلا كـيـل

اعـرف قولـة هـاك ولا اعــرف هــات ويخطـي علـي بالصـد واصـد واشـيـل

عـنـده عـلـى تبـريـر صــده مـهــارات وعـنـدي لقـبـل اعــذار صــده تعالـيـل

حـبـه قـعــدت ابـنـيـه عـــدة سـنــوات وفرقـاه فـي كسـرة عصـا دون تعليـل

فجـئـه ولانــي بـيــن دمـــع وتـنـهـات وقـد كـل مـا قـد فـات ذكـرى واقاويـل

وقعـد بيـن اســج ..مــا اســج فـتـرات عقلـي يحاسبنـي وقلـبـي مــع الخـيـل

قلبي يقول اللي مضـى كـذب مـا مـات لـونـه مـيـت مــا قـعـد جـرحـك يسـيـل

يـقـعــد يـذكـرنــي ديــــار ومــحـــلات ويعيـد لـي مـا فــات جمـلـه وتفصـيـل

ويقـول لـي معـذور والا انـت بـالـذات مالك عـذر فـي طيحتـك فـي المحابيـل

وعقلي يقول اللي مضى ماضي وفات ما من ورى طرد المشاعـر محاصيـل

اعطـيـتـه عـيـونــك وشــــح يـتـلـفـات وخــلاك شـربـك هــم واكـلـك بهـاذيـل

هيهـات زيـد تشـوف لـه زول هيهـات انــــس الـمـدابـيـر وتــلــق المـقـابـيـل

اقـنـعـنــي الــعــقــل بـــكـــلام ودلالات انــي عـلـى درب الـخـطـا والمهـابـيـل

الـحـزن مــا يـذبــح كـــلام ودعـايــات هــذا انــا مــا مــت فــي تـالـي ابـريـل

والصـد مهمـا كــان حجـمـه سـلامـات هـذا الـبـدو مــا مـاتـوا لغيـبـة سهـيـل