بسم الله الرحمن الرحيم

قصيدة سعيد بن مانع على فكره , اشعار سعيد بن مانع , شعر على فكره , ابيات من كلمات سعيد بن مانع القحطاني


اشتاق لك وانت قدامي على فكره
يعني تصّور بغيباتك وش أخباري ..!!

ملامح السعد قبل أعرفك منكّره
واستوضحت يوم شفتك يابعد داري

أبواب قلبي على من جاه منسكره
وأعذاري انك هنا .. يامسمن اعذاري

ياعين حرٍ نداوي معتلي وكره
ياجملةٍ ما تعب تكرارها القاري

يزين فيك البحر والقاف والفكره
لولاك ماشفت حيٍ يطرق أشعاري

جاورت روحي .. وقلبي صرت محتكره
والقلب قلبك وخذ راحتك ياجاري

سلمتك رشا الهوى والدلو والبكره
وانا لك البير وأغرف كامل اسراري

وان كانك تسوق لي من الغلا بكره ؟
قد سقت لك من صميم الخافق أبكاري

سويت فيني جميل أعجز على شكره
علمتني ان الليالي متعة الساري

وعلمتني كيف أحب وكيف ما أكره
وان التفائل يلبس حظي العاري

إلا بقا شي ياغالي : على فكره !
ترى حياتي بدونك مالها طآري