بسم الله الرحمن الرحيم

قصيدة سعيد بن مانع العين تشبح , اشعار سعيد بن مانع , شعر العين تشبح , ابيات من كلمات سعيد بن مانع القحطاني


العين تشبح .. والآيـادي قصيـره
والشوق يذبـح .. والجفيّـا جنايـه
والفكر يسبح .. فالآمانـي الغزيـره
والشخص يربح .. لا غشته الهدايـه
ياقلب لا تحزن عسى الأمر خيـره
لا زلـت ياقلبـي بخـط البـدايـه
إن القناعـه للقـلـوب البصـيـره
وإن الطمع يعمي بصرهـا عمايـه
لان السحب وإن كان ماهي مطيره؟
يكفي إنها من حر شمسـك حمايـه
وترى مجـاراة العقـول الغريـره؟
بدايـةٍ ولا لـهـا أيــة نهـايـه
لأن السنـا مافـاد عيـنٍ ضريـره
والصم ماتخشـع ليـا ذكـرت آيـه
والفقر ماهـو فقـر درهـم وليـره
الفقر فقـر النفـس ياأهـل الدرايـه
وإن كان معناتـه بويمنـىً فقيـره؟
ماهو على قول الرفيـدي (عوايـه)
ماهي عواجـه فالرجـل او معيـره
دامـه يعـرف المقديـه والكفـايـه
والمرجله صعبـه ولاهـي يسيـره
ماهيـب تنسـب للشكـل والكنايـه
كبر النسـر ؟ ماينفعـه فالعسيـره
وصغر الصقر ؟ ماعوّقه دون غايـه
وربوعك ربوعك بعسـر وستيـره
بالسعد سعـد ... وللرمايـه رمايـه
فالرجل كانه دون ربع وعشيـره ؟
ماله مـع الرايـات فالرجـم رايـه
والكيّس اللـي يعتبـر درس غيـره
من تجربه تنشـاف .. ولاّ حكايـه
يمشي على حكمه وحكمـه شهيـره
(إن العـلاج آخيـر منـه الوقايـه)
وترى قضا الحاجه بأتـم السريـره
تحميك من قـوم الحسـد والوشايـه
إجعـل شعـارك فالحيـاه المريـره
.. ماكل شخص آقول له محتوايه ..
حتى لـو لسانـه يقطـر بشيـره ؟
ماهوب شـرط إنـه لقلبـه مرآيـه
والحـب نعمـه لا ونعمـه كبيـره
أترك سواليفٍ تجـي مـن روايـه
وهاك القليل اللي صمل عن كثيـره
إن كنت في معنـاه رايـب وتايـه
الحب ؟ والإخلاص مُقـرن بغيـره
أقوى أساس يجـي لأجمـل بنايـه
والشعـر منتـوج العقـول المنيـره
هوايتـه ياطيبهـا مــن هـوايـه
والذكـر يبقـى كالجبـال القريـره
إمـا طمـان الذكـر ولاّ عـلايـه
ياقلب لاتحزن عسى الأمـر خيـره
لا زلـت ياقلبـي بخـط البـدايـه
عقلي تـراه مقـدر بحكـم جيـره
واوصاك من خوفه عليـك ودرايـه
ذي توصيته .. بحسب ماأملا ضميره
وأرجوك ياقلبـي تحفـظ الوصايـه نرجسيه