بسم الله الرحمن الرحيم

قصيدة سعيد بن مانع غزه , اشعار سعيد بن مانع , شعر غزه , ابيات من كلمات سعيد بن مانع القحطاني


الهاجس اللـي فـز وأيـاة فـزه
فزة شجيعٍ حاودتـه الضـواري
مما على اذني كل يـومٍ وحـزه
أسمع طواري شينها من طواري
وياخافقٍ كـن الشبـاري تحـزه
صبرك عسى تثلم حدود الشباري
ياوجد حالي كيف تنهان غزه ؟؟
وحنا بفعل اجدود أهلنـا نمـاري
نعم لنا ماضـي شريـفٍ منـزه
لكنّ حاضرنا من العـز عـاري
وين الذي صوت العزاوي يهـزه
وين العروبه بين بايع وشـاري
ياحر مانت بحر من دون عـزه
تضحك على لحيتك حتى الحباري
ولذيب وينـه والعـوا ماأستفـزه
للحين في ليل المهونات ساري ؟؟
الى متى يبطي العلـم مانـرزه ؟
والى متى واحنا لهوانـا نـداري
هيـا بنـا لأخواننـا نـدز دزه
الخوف قطعهـم بتيـه الغـداري
في الجو نفاثـه وفالقـاع هـزه
والدم من أخواننا نهـر جـاري
هيـا بنـا راس المدمـر نجـزه
راس الكفر نركز عليه السواري
نقطع نبا صهيون واللـي يـوزه
والكل منا يصيح : هذا شعـاري
رمح بيمينـي فالمناحـر اكـزه
وكفاني الأبيض بقبضة يسـاري
اما حياةٍ تنصـر شعـوب غـزه
ولا عسانا مع مـراح الـذواري