بسم الله الرحمن الرحيم

خلية القرفة لذيذة جدا بالصور

المقادير + الطريقه :
للعجين :
5 كاسات دقيق الكويت + 1 أصبع زبده لينه ( تفرك مع بعض )
في زبديه [ 2 كاس حليب سايل + 2 ملعقة كبيره خميره فوريه + ذرة ملح + 1 فنجال سكر]
نحركهم مع بعض لين تتجانس الأشياء ( ثم نصبه على الدقيق )
ونعجنها ( أذا عجانه أعجنيها لمدة 6 دقايق )
نخليها تتخمر لمدة ساعه كامله



بعدين نجيب العجينه ونقصصها لكور متساويه تقريباَ



بعدين ناخذ الكوره ونفردها بأصابعنا شوي ونحط الحشوه ( جبن أو جالكسي )
بعدين نسكرها ونحاول نخليها شوي مستطيله ..



بعدين نقلبها في قرفه ..



بعدين نبدأ نصفها في أي صينية ..



نخليها متباعده شوي لان أذا خلصنا نخليها ترتاح نص ساعه ..عشان تنتفش زياده ..



هذا بعد ماخليتها تتخمر نص ساعه وشوفو كيف الفراغات أمتلت لأنها أنتفشت ..
ندخلها الفرن من تحت فقط , لا تحمرونها من فوق لأنها بتكون قاسيه ..



بعدين أذا طلعنها نصب عليها أي صوص
أنا حطيت توفي + نستله + هيرشي .. ( لكم حرية الأختيار )





وبالعااافيه يااارب ..
ملاحظه : العجينه جداَ لذيذ وهشه مررره لا تفوتكم جربوها ..