قدام ياسبع الامارات
قدام ياسبع الامارات قدام . . أهل الكرم والخير واهل العداله
أرواحنا في عزة الدار تنسام . . رصيدنا يوم المواجه بسالة
الله يعز الدين ويعز الاسلام . . ويعز حكام البلاد ورجاله
عدونا له سيف قطاع الانسام . .والضيف ياحيه وياسعد فاله
الله يديم الامن عامٍ ورى عام . .وتعيش دولتنا بخير وسهالة
نصحى على حب الامارت و انام . . نعشق بكر زايد ونعشق عياله
تحققت بجهودنا كل الاحلام . . كلٍ تميز بالعمل في مجاله
يادارنا حبك لنا فخر ووسام . . مانستمع لأهل الحسد والجهالة
نرفع علمج بعزمنا فوق الاعلام . . من حب داره يالتزم بالوفى له