بسم الله الرحمن الرحيم

قصيدة طلال الرشيد ياطاهرة , اشعار طلال الرشيد , شعر ياطاهرة , ابيات من كلمات طلال الرشيد

ياطاهرة





يا بنت أنا ماني كذا .. و ظنونـك تكـذّب عليـك




كلّي عيوب و ما قوت تخجلني ظنونـك وأتـوب




أكذب عليك و دوم أخونك و ألبس الأبيض و أجيك




و أعشق معك ألفين وجه و يمتلي صدري قلوب




أحلى الكلام أقول لك لـو قلتـه البـارح لذيـك




ياقف على شفاهي معك مراهـقٍ صـبٍّ لعـوب




أكذب و لا أدري ليه أكـذب أعشقـك ماأرتجيـك




أخاف من صدق الحقيقة في الهروب من الهروب




و الله أحبك و أعشقك و أعرف زمان لي أبيـك




لكنهـا هـذي الحيـاة اتعلمـت منـا الذنـوب




العين عجزت تعتقـك .. القلـب عيـا يشتريـك




في السجن خيّالٍ وفي .. في الصدر رجالٍ كذوب




هذي الحقيقة ما يجي في الكون أطهر من يديـك




و أنا الذي أنقض وضوء الغيم و الماء و الهبوب




أنقض عيوبي فوق متني و انتي لعيبـك شريـك




و باكر تبسم لي وجيهٍ لـك يعبّسهـا الشحـوب




يا طاهرة حنـا كـذا و المظهـر يكـذّب عليـك




يمكن يجي يومٍ يجي نخجل من ظنونـك ..نتـوب