عندكم جرأة.. زي كذا..؟؟..<< قصة حقيقية..!!..

**روح الموده** · 20-08-2005, 04:18 AM

عندكم جرأة.. زي كذا..؟؟..<< قصة حقيقية..!!..
السلاااااااااااااام عليكم ورحمة الله وبركااته

كيفكم بنات ؟؟؟ والله وحشتوني كثير..!!..

>>>>>>>>>>>>> الشباب مو واحشينها أبد ..
المهم انا جاية وجايبة لكم حكاية حقيقية .. من يوم ماسمعتها وانا قاعدة افكر من فين جابت هذي البنت كل هالشجاعة والجرأة..

خلوووونا ندخل في القصة..

اسمعووووااااا...

كان ياما كان ..مو في قديم الزمان.. قبل كم طعش يوم..
اتصلت علي صديقتي وتقولي..: نوناااا دريتي؟؟
انا: لاايش صاير.. هاتي يالله ايش عندك؟؟
هي:..؟؟؟؟؟؟؟...صديقتي انخطبت..
انا: والله.. مبروووك.. والله تستاهل
انا وياها في نفس الوقت: عقبالك والله
وانا وياها برضه في نفس الوقت: انا اللي قلت الاول..
المهم خلوكم مننا.. وأكملكم الحكاية.....

........
صديقتي: بس تدرين نوناااا كيف انخطبت..
انا: ليش في طرق ينخطبون فيها الناس هنا وانا ماعرفهاش ياماما..
هي: اتكلمي عدل لأسكت ولا أحكيلك شي..
طبعاً انا اسمع الكلام بسرعة..مو فضول طبعاًً...
انا: يالله خلاص قولي..
هي:<<<< ترا القصة بلسان صديقتي.. وبطلة القصة صديقة صديقتي..ok
المهم تقول... ان هذي البنت..تقدم لها عريس... << وعلى فكرة هذي البنت مرة تستحي.. >> والعريس اللي متقدم لها ماشاءالله حسب ونسب واخلاق.. يعني على قولة ابوها العريس مايتسيّب.. بس البنت رافضة الزواج.. فأبوها استغرب ليش ترفض .. وراح وسألها.. ليش ماتبغي تتزوجي..؟؟.. فالبنت وبكل براءة : لا .انا ابغى أتزوج.. بس م ابغى أتزوج هذا..انا أبغى أتزوج.. ابن عمي..!!.. << ايش رايكم تقدرون تردوا كذا؟؟؟>>.. واللي مستغربته انا ردة فعل ابوها.. تعرفوا ايش سووا...

.........

...

...

طبعاً الولد اللي تبغى تتزوجه بنته يعتبر ولد اخوه.. وكان هذا الولد مسافر يدرس برا البلد..

فرااح الوالد ومتصل على ولد اخوه .. وخطبه لبنته .. والولد وافق.. وانخطبواا لبعض

والبنت فرحانة مررة .. ربنا يهنيها ويسعدها..

فصديقتي تقولي: اني اروح وأدور لي على عريس واروح اقول لأهلي أبغى أتزوجه .. انتم شنو رايكم.. اروح اجازف..؟؟..

اخاف انطق بأول حرف وابوي ينفيني من على وجه الارض..

بالله قولولي ايش رأيكم في شجاعة هذي البنت.. مع انها على ماتقول صديقتي انها تستحي وماتتوقعي منها كل هذي الجرأة.. بس ماشاء الله عليها..
والشي اللي مستغربته للحين .. موقف ابوها...

يالله أبغاكم تلملمو.. كل جرأتكم وشجاعتكم.. ووروني تقدرو تسووا زييها.. بس تراني مو مسؤوولة عن العواقب..

**الــمــ صادق ــشــاعــر** · 20-08-2005, 04:25 AM

هههههههههههههههه

متحمسه مرة شكلك بس جربي حضك يا تصيب يا تخيب وان صابت زين وان ما صابت

الله يعينك على وجع الراس و ال ق ل ق خخخخخخخخخخخ

ادري انه موضوع بناتي بس معليش ع القطه:frown:

**روح الموده** · 20-08-2005, 06:59 AM

اهلين صادق

اجرب بس على مسؤوليتكـ

>>>>>>>>> عشان تتكفخين ..

**ناني طعمه** · 20-08-2005, 09:25 AM

ههه حبيبتي.. تسلمين.. والله..
بس احينا الجرءه الزايدة مو حلوا

تحياتي

**كل الوله** · 20-08-2005, 01:55 PM

جربي و معليه لو فيها كفين و حبسه و بدون نت او جوال او طلعات
اهلك و انتي ابخص بهم
بس صديقة صديقتك شجاعة
واثقة من اللي تبغاه
لأنها عارفة لو ارتبطت بشخص غير ولد عمها ماراح يستمر
فقصرت الموضوع من البداية
الله يهنيها و الجميع
:25ar::24ar: