¶.أشهـرٍ ماقيل فيu القهوه.¶u

[عزوز الشمالي]

اعزائي الكرااام أعضــاء وزواار منتديات الزين

_][‰§السلام عليكم ورحمة اللّه وبركاته§‰][_

جمعت لكم هذه القصائد وهي اشهر ماقيل في][ القهــوٍوٍهـ ][

_][‰§بسم الله الرحمن الرحيم §‰][_



نبدأ

بقصيدة ذعار بن ربيعان من شيوخ عتيبه

____________________
______________

يا معذربين التتن لـــولاه لـــــــــــــولاه لولا شرابه يا عرب وين أروحـــي
والله لولا العظم يوم انـــي أمــــــــــــلاه وأكويه بالجمرة ويكوي جروحــي
مع دلة صفرا على النار مـــــــــــــركاه أقصر بصبتها على كيف روحـــي
فنجالها كنه خضـاب الخــــــــــــــونداه الجادل اللي عند أهلها طموحي
عــده لمن يثني خلاف المــــــــــــخلاه فكاك بالضيقات راعي اللدوحــي
وعده على اللي تدفق السمـن يمـــــــناه عيد لربعه بالزمان اللحوحـــــــي
وعده لغمر ما توني مـــــــــــــــــطاياه يضوي ولو صكت عليه انبوحـــي
وباقي الرجال افحول نـــسوان ورعاه يضوي ولو صكت عليه انبوحـــي

[عزوز الشمالي]

____________ قصيدة محمد بن مسعر العاصمي ___________



والله ما ستانس وينساح بالــــــــي الا الى ما قام يزجر فـــــــــــــــــحلها
واشوف حيران النياق الغوالـــــــي تدرج ونار الربع يوضي شــــــــــــعلها
في مجلس والربع ربع رجالـــــــي والسالفه ون جات ما حد شقلــــــها
ان جاك خطو السهدلي السـدالــــي قله واجناسك بعد منك ولـــــــــــــها
تراه ما ينفعك في كل حالـــــــــــي ون قابل الكبد العذيه دبلـــــــــــــــها
وجهه عساه المضلمات اللــــــيالي ونفسه عسى ربي يعجل باجلــــها
ترى السوالف يا ذهان الرجالـــــي تسمج الى عرضت على غير اهلها

[عزوز الشمالي]

_______مدوخ بن ظمنه المطيري______


البن كيفته عند من يشــــــترونه والمشكل اللي جابها من بلــدها
يا مسوي الفنجال لا تحر قــــونه واحذر عن الشعله تعدي صمدها
حتى يجيك محمر كن لونـــــــــه محة جراده طاير من جــــــسدها
عده على اللي ماضيات طعونــه زبن اللدوح اللي تردا جـــــــهدها
وعده على اللي لابته يدهلونـــــه في ربعة من راح منها حـــــمدها
وعده على اللي لابته يتــــبعونـه مع دربه الخلفه تفاخت ولـــــدها
وكفه عن اللي عند فرقه بشونـه يمسي ويصبح ظابط لك عــددها
وعلى ربوعه طايرات عــــيونه ان باع شاته جاك حزه وعـــــدها

[عزوز الشمالي]

______________قصيدة هايس بن مجلاد - الملقب بأبو ضلعين_________________

قم سو ما يجمد على الصـين يا ذياب بدلال يشدن البطاط الــــــــمحاديب
احمس الى من العرق فوقـــــــها ذاب استدن ما يجذب عليك الشـــراريب
والى انطلق من ثعبته كنه إخــــضاب ورس صبغ بكفوف بــــيض الرعابيب
عده لمن قاد الســــــــــرايا للأجــناب له مفرس يشبع به الطيـــر والذيب
والثاني اللي ون لفا بيته ركــــــــــاب قدام بيته مثل جزر القصاصــــــــيب
والثالث اللي ون غشا الزمل ضبضاب يرخص بعمره دون زمل الرعـــابيب
وباقي العرب يكفيهم التول ون شـاب قضابة المجلس حمير المشــاعيب
اللي نهار الكون يفزع بمصــــــــلاب اكبار الأنفس ساهجدين المواجيب

[عزوز الشمالي]

قصيدة محمد بن مطلق بن بادي في القهوة

__________________

ياوي والله كيفة يا مطالـــــــــــــــيق ما هيب كيفة شـــاربين الزقاره
الكيف ادلال كــــــــــــــنهن الغرانيق بيض تقلط فوق جال المـــــناره
ومحماسة يحرق بها الــــبن تحـريق تحمس وتفهق عاد فيها صفاره
ونجر يطرق بالمويلي تطـــــــــاريق يجذب بصوته من براسه نــماره
الاوله تنساق قبل الأباريـــــــــــــــق وفنجالها دايم يكــــــــــثر بهاره
في مجلس يطرب له البال يا طلــيق مع كل شغموم بكــــبده مراره
وإن جاء نهار فيه حذف المعالـــــيق الموت سنه والغـــــنايم اتجاره
لاجات من عند الوالــي بالتوفــــــيق وقفوا على حم الذرا عقب غاره
والفوا على ربع عليهــــم مشافـــــيق /// كل يبي من كسب ربعه خـياره
وبيوتهم مثل الجبـــــال الشواهيــــــق /// تزمي الهشال الخلا مثل قــاره