بسم الله الرحمن الرحيم

قصيدة سالم سيار لا يالقصيده , اشعار سالم سيار , شعر لا يالقصيده , ابيات مكتوبة من كلمات سالم سيار

لا يالقصيده


معقول ما اقدر اكتب اليوم بيتن
ولا من الطعنات روحي جريحه

ماكني اللي كان بين المحبين
يرقى الهقاوي لارقت من مديحه
ولاكني اللي كان بين المعاديين
يرمح يصيب قلوب ناس شحيحه

الله واكبر كيف قلب الموازيين
شهرين ما فاض القلم من قريحه

يعني انكسار المجد بالذات تبغين
ولا يموت المجد من دون صيحه

كنتي الظما وتروين ناس كثيرين
كنتي المضيق وتمنحين الفسيحه

كنتي الهوى وقت الأغاني تضمين
قطرة ندى تزلق من عيون شيحه


كنتي على جال المشاعر تشبين
صوت الوطن لاهب بالعز ريحه

والحين ماودك طلوع المياديين
ماخفتي الله من عيون الفضيحه

ان كان ودك من عيوني تطيحين
طيحي مع موتي اذا فيها طيحه