أبوي رباني على الطيب من جـد
ما قال لـي يفـلان رد الشتيمـة
ترى الردي لا من سفهتـه تنكـد
يموت في غيظه ونفسـه سقيمـة
وأنا أعرف أن به ناس دايم تهبـد
مرضى نفوس مدوريـن النميمـة
خلك من اللـي لا تحاكـا تجـرد
على الكلام الشيـن يذبـح تميمـة
أبـو حجـاجٍ لا نظرتـه معقـد
خبيث نفس ولو بخصتـه بهيمـة
درب السنع عنه يحيـد وتصـدد
يسوق رجلـه للـدروب اللئيمـة
اللي على الحرمة يموت وتوجـد
غاية مناه تـذوق منـه السقيمـة
عنتر زمانـه لا حكـا ثـم تنهـد
يعد روحة بيـن ربعـه صتيمـه
يا بوك أنا شايـب وشيبـي تعـدد
أبخص ردي الساس وأهل الشكيمة
خلك مع اللـي بالمراجـل تشـدد
الطيبين أهـل العلـوم الحكيمـة
الصاحب اللي لجـل خلـه تكبـد
كل العنا ما قـال هـذي ظليمـه
فلـت حجـاجٍ لا نصيتـه تعمـد
يسوق نفسه مـا حسبهـا بقيمـة
هذا نصيحـة كـان ودك تجـود
أخذ الكلام الزين وأتـرك دميمـة
تحياتي لكم
طلال العتيبي
مواقع النشر (المفضلة)