بسم الله الرحمن الرحيم

قصيدة بندر بن سرور ماني وانا بندر , اشعار بندر بن سرور , شعر ماني وانا بندر , ابيات من كلمات الشاعر بندر بن سرور


ماني وانا بندر

ماني وانا بندر براعٍ ولد راع=انا الحصان اللي طوالٍ حباله
إبن سلايل خير من شالت القاع=المصطفى الهادي وديع الرسالة
ماني وانا بندر ببيّاع دمه=يقطعك يا بياع دمه و مهفيه
اللي يبيّع لابسات الأزمه=ثورن يبي بيض العماهيج تغنيه
ماني وانا بندر بهيسن ولد هيس=هيسٍ يدنع عند حرمة قصيره
ليا بغيت اجلس ترى لي مجاليس=وليا بغيت انهج دروبي عسيرة
ماني وانا بندر بهيتٍ ولد هيت=هيت مقابل خمّةٍ يكرهونه
من كثر ما جرّبت وأقبلت و أقفيت=قولة هلا من لا يودّك مهونة
ماني وانا بندر على درب الأنجاس=اللي قريبٍ تفلها من لحاها
أنا بدرب الصيرمي عدم الأجناس=زيزوم روق ليا تنصّت عداها
ماني وانا بندر بنصّاي جابان=شوخ الجموس مناقرين الحليلة
ليا صار لي لازم نصيت ابو فيحان=شيخ الشيوخ مكمّلين الجميلة