بسم الله الرحمن الرحيم

قصيدة ناصر القحطاني طفله , اشعار محمد الاحمد السديري , شعر طفله , ابيات من كلمات الشاعر ناصر القحطاني


(طفله)


يمّه اذنبت و نزحت من العشيره
و ان تمنّوا توبتي ماني بتايب
مابي لدنيا الغنادير اي سيره
طايح ٍ من عام الاول في مصايب
يمّه .. اللي حب له طفله صغيره
وش يسوّي لا غدى فيها طلايب
طفلة ما كانت بحبي جديره
بس كانت غير عن كل الحبايب
كنت اسميها العنود المستذيره
ليت اهلها العام سمّوها عجايب
كنت اجيها مثل الامطار الغزيره
كنت اضيع بجوّها مثل الهبايب
و اطلب الله هي متى تصبح كبيره
تفهم شلون المكان يصير ذايب
ان تغنّت صارت الطرقه قصيره
و ان تغلّت صارت جروحي عطايب
و ان بكت ناش الفضاء طهر الستيره
و ان شكت راح الحكي مثل الذهايب
و ان توارت مثل الاسرار الخطيره
صار لوني مثل الايام العصايب
ديرة ٍ ماهي بها ماهي بديره
لو ثراها عشب و اعلاها سحايب
يمّه .. تحبين .. طايلة الظفيره
آه .. والله يا عليها اشقر ذوايب
ان تحرك له سواليف ٍ كثيره
و ان ركد روّح مثل لمّة قرايب
عرّفتني الليل و نجوم الظهيره
بللتني بأغنيات و رحت طايب
كل عرق ٍ في خفوقي تستثيره
خايف ٍ تصبح مراجيحه نصايب
صنتها مثل البحر لأبعد جزيره
ما تركت علومها لأهل الركايب
قالت : ان جاء الراس شايب فيه خيره
قلت : يا بنت الحلال الراس شايب
قالت : الا الحب وش هو ؟ وش مصيره ؟
قلت : انا استاهل و انا كل السبايب
ما جزا اللي حب له طفله صغيره
غير قبر .. و ضحكها فوقه نصايب