بسم الله الرحمن الرحيم

قصيدة أحمد الناصر آه من قلب هواجيسه تلوفه , اشعار أحمد الناصر , شعر آه من قلب هواجيسه تلوفه , ابيات من كلمات الشاعر أحمد الناصر

آه من قلب هواجيسه تلوفه
مع همومه كل ما اقفن واقبلني

لاذكرت اللي زها الحنا كفوفه
يالطيف الحال طار النوم عني

ليت عيني وان بغت شوفه تشوفه
كود قلبي يستريح ويرجهني

حيث عيني عن هوى غيره عيوفه
ماتبي غيره لو انه غاب عني

والله اني طحت في حال المروفه
حيلتي كثر التوجد والتمني

ماذبحني كود من تذبح وصوفه
من جميع البيض حبه ممتحني

عنز ريم مابعد رامت اخشوفه
قايده للصيد ترعى كل ني

والجوازي كنها معها معسوفه
يوم تجفل كلبوهن يجفلني

هرجت العشاق يازين معروفه
والغلا باقصى الضماير مستكني

الهوى مثل المغازي والنكوفه
والقصيدة من سمع فيها يغني


القمر يظلم الى بين كسوفه
لاتبين للعرب ظنك وظني

لازم راعي الهوى تكثر صدوفه
لو يطولن الليال او يقصرني

والمعافى ملحق الدنيا حسوفه
ماطعنه اللي من الفرقا طعني

لو تروح الروح للزين مخلوفه
والعذارى يبعد او يقربني