بسم الله الرحمن الرحيم

قصيدة ردية أحمد الناصر ومطلق الثبيتي

أحمد :


سلامي على آل سعود واللي حضر من كل نية
عدد ما تهب الشرق و الغرب وتهب الشمالي

تغيب يا مطلق لك ايام و الدنيا فضية
وأنا عنك أسايل وأتنشد إلى حل المجالي

مطلق :

هلا مرحبا ترحيبة بالرجال الصيرفيه
عداد النجوم وعد ما بان بالعرش الهلالي

أنا كيف أشوفك وأنت دونك رجال بوارديه
اليا جيت جرد مشلحي بينهم وأخذو عقالي

أحمد :

يقولون مطلق صار بالبلد روحه وجيه
يسير لعبد الله وأنا عن حوالي ما يسالي

أنا أشره على الأصحاب شرهه كبر قاره طميه
هو لو يرصي لي نصيته لو أنه ماعنالي

مطلق :

محل الكريم اللي يعزك وله مذرا وفيه
تزوره وأنا أزوره ولو كان دونه فح خالي

لكن الخوي اللي يبا العدل لا يظلم خويه
تري الظلم ما تشتاله إلا الكبار من الجمالي

أحمد :

يقولون سا فرتوا هاليام قدام الضحية
وراء ما خذيتوني على الجنب يا لخصم الموالي

أنا طول عمري ما بعد شفت نور اسكندرية
يقولون واديها من السيل قدم الوسم سالي

مطلق :

أنا ما أقبل الزحمة ولو كان جو فالجودرية
طريقك لحالك يا عميلي وأنا دربي لحالي

وأنا جيتهم طرقي مسافر على وسق المطية
وشي طرالك يا وسيع البنايد ما طرالي

أحمد :

ترى الرفقة ما تسر الرفيق امجاملية
سواة الظلال اللي مرده من الشمس الزوالي

إلا واهني اللي يخاو الطراقي واهنيه
تسلي وكل عارف الحرام من الحلالي

مطلق :

تقوله تقوله وأنت شيخ النحل جوف الخلية
و لا تاكل إلا كبير الثنادي عسل حالي