بسم الله الرحمن الرحيم

قصيدة شجون الظبيانيه البشارة , اشعار شجون الظبيانيه , شعر البشارة , ابيات من كلمات الشاعره شجون الظبيانيه


شجون:
أبشر أبشر يا حمد .. عاد إبنك للبلد
الشهادة في يديه .. جاي وافي بالوعد
قلت بسم الله عليه .. أبشر أبشر يا حمد

راشد شرار:
هذا ابني وأعرفه .. صعب إني أوصفه
جاي والبشرى معاه .. عز إبوه وشرفه
وأنا شوفه مرتجيه .. هو محمد بن حمد

شجون:
مرحبا محمد هلا .. منزلك صدر الغلا
في إبتعادك يا حبيبي .. عنك قلبي ما سلا
إنته لي منه وفيه .. جيت وش أبغي بعد؟

راشد شرار:
إفرحي يا أم الرجال .. بعد ما طال المطال
عود محمد لداره .. مثل ما هل الهلال
تضوي الفرحه عليه .. يهدي الفجيرة السعد

شجون:
إفرحي يا أرض الفجيرة .. وإلبسي ثوب السعادة

راشد شرار:
هاذي الفرحة الكبيرة .. نور محمد بلاده

شجون:
كل شعبه يبتغيه

راشد شرار:
هو وليا للعهد