بسم الله الرحمن الرحيم

قصيدة شجون الظبيانيه زيادة الرواتب وإرتفاع الأسعار , اشعار شجون الظبيانيه , شعر زيادة الرواتب وإرتفاع الأسعار , ابيات من كلمات الشاعره شجون الظبيانيه


سالم


يا شجون الحال من عقب الزياده
إنتعش وأصبحت في حال مريح

بس لي كدرعلى قلبي السعاده
زادت الأسعار في السوق الفسيح

شجون

قلت له لفلوس للتاجر عباده
ما يهمه لو بدت ناسه تصيح


إرقد وآمن وكبر لك وساده
ولا تخاف وشوف لك ظله وطيح

سالم

قال ما مشكل ولكن م/العياده
شفت واحد من الشقى يمشي ويطيح


زادت إديونه وحاله في بياده
وين يلقى له من العالم نصيح

شجون

قلت لي كان له عرش وسياده
ذاك لي ما يشتكي من الوقت ويح


في هنا عنده من البزنس قياده
يرفع الأسعار في ساعة ويطيح

سالم

قال ما تسوى علينا ه/الزياده
يا ضباع السوق ما فيكم صريح



والرقابة وين ما سوت حياده؟
ع/الذي ما خاف ربه في الكسيح

شجون

قت يا خوك من حظ القراده!
الدهر ما هو على حسبي يريح


لا تخاف الوقت والداني نفاده
عيش في دنياك هاني مستريح