بسم الله الرحمن الرحيم

قصيدة شجون الظبيانيه مستر صاد , اشعار شجون الظبيانيه , شعر مستر صاد , ابيات من كلمات الشاعره شجون الظبيانيه

غيهب الليل ودعاني أعتزي درب القصيد
يا قصيدي سل سيف حان ميعاد النحر

واقصد اللي كالنسا لي حيدن بشرات عيد
لي تمكيج لين صارت وجنتينه كالزهر

طوقه بأبيات شعري وابتره بتر الوريد
والرجال أذكر لهم وش كان منه وش بدر

ياضعيف النفس يلي تحسب إنك ماتميد
أشهد إنك دست درب كل أبوها كالجمر

وإنت توك ترف ماتقوى على شومات صيد
رقة عظامك هبوب الغرب تكسرها كسر

من صنانك عزتك ذابت شرى ذوب الجليد
لا تعقب كل حر يوم نوه للخطر

مثلك يرود الحقاره وشربته دايم صديد
ما ترود العز لحظه وين عالين القدر

مستر صنان المشاعر حسها ما هو بليد
عنديه حس المشاعر لك بخطه بالشعر

وكانك إنته صدق شاعر رد وابدع بالجديد
بس الأهم يكون وزنك خالي من أي كسر

لو وجد بيمه لشعرك يا مكسر في القصيد
لا اشتكت بيمة قصيدك وأعلنت كثر الخسر

عقبها ارفع قضية كود منها تستفيد
ناس مثلك تحسب إنها للشعر رمز وفخر

ونت يا ساس البلاده لا تعيد ولا تزيد
للقفص عود مكانك صار لك أحسن مقر!