بسم الله الرحمن الرحيم

قصيدة شجون الظبيانيه ظالم بحكمك , اشعار شجون الظبيانيه , شعر ظالم بحكمك , ابيات من كلمات الشاعره شجون الظبيانيه

يا صاحبي لرضاك أنا دست لصعاب
وأقول لك لا تنكر العهد وتشوم

دونك أنا تميت في هم وأنشاب
والصبر طال الصبر والحظ معدوم

لي قلب من كثر الشقى فيك منذاب
واعيون من كثر السهر عافت النوم

ظالم بحكمك يوم أنا كنت ب/ اغياب
ظرفي منعني عنك والعهد ملزوم

كم قلت لك في الود يا سيد لحباب
لا تستمع للي يبى الهير واللوم

خلك على درب الوفا وإغلق الباب
عن رمسة العذال يا الغر محشوم

بي من ودادك جرح تجهله لطباب
وإنته دوا جرحي ليا صار مقسوم

شوفك هنا والسعد قربك ولا أهاب
صرف الليالي لا ولا ببتعد يوم

يا زاكي الجدين فيكم ترى طاب
عمري وشانك يا الغلا فوق لنجوم

ألفت لك م/الشعر يا الغالي كتاب
هذا وحبك في الحشا عامل وشوم

والختم لك مني عدد ضرب وحساب
أزكى التحايا من شذى العطر مشموم

وأهديك شعر فيه لحساس ينساب
حب وغلا وأشواق ب/الطيب مختوم