بسم الله الرحمن الرحيم

قصيدة شجون الظبيانيه إتبللت سود اللثايم , اشعار شجون الظبيانيه , شعر إتبللت سود اللثايم , ابيات من كلمات الشاعره شجون الظبيانيه

يا دار لبسي ثوب الأحزان
واتوشحي سود العمايم

عنج رحل من عالي الشان
وأظلم نهارج يوم شايم

جاذي الحزن في سبع الأوطان
واتنكست روس العلايم

عقبه وكني فوق نيران
ما خلفت غير الهشايم

لو تنجمع دمعات الأعيان
غطت على يود الغمايم

ونت على فرقاه عربان
وإتبللت سود اللثايم

مكتوم روح ليت ما كان
ويلي على فرقاه دايم

عقبه إن غطش ليلي وإذا بان
نور الفجر والفكر غايم

لي من ذكرته طحت غشيان
واتمزعت مني العزايم

أشجان وجدي كله أشجان
من عقب شيخان عظايم

مكتوم يعله دار لجنان

في خلد في إنس ونعايم

بنعيك لمحمد وحمدان
وأحمد عساهم في لهايم

من عند ربي عالي الشان
صبر جميل وحلم دايم

صلوا على المبعوث يا أخوان
ما بان نور في ظلايم

وادعوا لربي عالي الشان
يسكنه جنات النعايم