بسم الله الرحمن الرحيم

قصيدة شجون الظبيانيه خبروا الغدار , اشعار شجون الظبيانيه , شعر خبروا الغدار , ابيات من كلمات الشاعره شجون الظبيانيه

ذا مقالي ومع ذكر ربي بديته
يا سلام الله عليكم وبركاته

ولي بقوله والله إني ما نويته
وهوب بقصدي به مغثه ولا شماته

خبروا الغدار بأني متليته
وإني آنا ما يزعزعني شراته

والذي قاله تراني ما هقيته
كيف ينكر الآدمي أربع جهاته

مثل هذا القول منك ما بغيته
يا رجل الإنسان ما ينكر لذاته

والذي قلته على وشو بنيته
الحشيم اللي يحشم عرضه وخواته

يا جماعه لعربي لا من نخيته
يوقف ف/ صفك وهذه من صفاته

ما يطرش له غريب لأهل بيته
يطلع بنفسه يبلغها وصاته

والآدمي لابد له في يوم ميته
والقدر والموت حق ب/مظلماته

وشيخنا لي مالي ه/الكون صيته
عايش معنا ونتقبل مماته

آه لو بيدي أنا بروحي فديته
بس م/ المكتوب ما توجد مفاته

حب زايد في وسط قلبي رعيته

آه لو تدرون في قلبي غلاته

ولي تعرض لي وأنا ما قد هجيته
لا يلوح لي ترى بكسر عصاته!!

آه يا ليته يا ليته آه ليته
لو تفرغ عن قصيده لصلاته

لي شرات اسمه من عقلي محيته
ما أحب أهل المكر وأهل اللواته

الشعر ذوق وسط دمي جريته
ما حسبته رزق أو شغلت شحاته