بسم الله الرحمن الرحيم

قصيدة شجون الظبيانيه شيابنا , اشعار شجون الظبيانيه , شعر شيابنا , ابيات من كلمات الشاعره شجون الظبيانيه

سميت باسم اللي له المجد والشان
الواحد المعبود ورب الجلاله

تالي أصلي ع/ النبي نسل عدنان
محمد الزاكي وصحبه وآله

في نظم جيلي أبتدع كل قيفان
موزونة طرزتها ب/الكماله

تعني ( كبار السن ) رسم وعنوان
ملزومة ب/الذكر خير الدلاله

هم ساسنا والوقت بوجودهم زان
هم أصلنا لاشك رمز الأصاله

( شيبه ) ولكن هيبته طول الأزمان
تبهر ولا يمكن تناسي فضاله

( عجوز ) لكن عقلها غالي أثمان
راسخ ولا يمكن نبدل بداله

( شيابنا ) كم ساهموا ف/ صرح الأوطان
كل بعزمه ما تراهم كساله

( شيابنا ) تلقى لهم عزم وإيمان
ما يرتضوا ظلم ونقص وجهاله

تشهد لهم أفعالهم عند الأمحان
وتشهد لهم أفضالهم والنباله

( الشعر الأبيض ) لو على راسهم بان
ذاك الوقار اللي عظيمة خصاله

باكر ترانا مثلهم والكبر حان
نرجي عطف في وقت تصعب مساله

اللي يعينك لازم ف/يوم ينعان
تلقى الرضا فاتح لعينه مجاله

واجب نراعيهم بلا أي نقصان
واجب نداريهم بحق وعداله

هذا وشعري بختمه عد هتان
ذراف سيله واللقا طاب فاله