بسم الله الرحمن الرحيم

قصيدة مطلق النومسي مشاعل , اشعار مطلق النومسي , شعر مشاعل , ابيات من كلمات الشاعر مطلق النومسي

مشاعل .. كـل مـا هـب النسيـم ومـال غصـن المـوز
تهـجـيـت الـسـحــاب وقــلــت يـا رب الـسـحاب وهــل


وانــا والله مــا ادري عــن مشـاعـل كـــل ضـربــة بـــوز
 تــوريـــنـــي غــــــــلا وألا تــوريـــنـــي عـذاب وكــــل


مصيـبـة لــو مشـاعـل كــل مــا طـاحـت حـبـوب الـلـوز
 تـفـكــر مــــن فــتــات قـشـورهــا نــقـــدر نــســـوي ظـــل


وحــنـــا فـــــي شــهـــر تــمـــوز مـــــاأدراك مـــــا تــمـــوز
 دقـيـقـة مـــن ضـحــى واحـــد مـــن أيـامــه تـعـلـك عـــل


وأنــا مــا عــاد فـيـنـي لـــو كـبــر حـتــى مـجــخ الـكــوز
 وأنـا أصــلا مــا وصلـتـك مــن هـنـاك ألا وصــدري فــل


يحـدثـنـي بـلـيـس يـقــول عـــن تـالــي عـلـومــك جــــوز
 وانـــا تــالــي عـلـومــي كـلـهــا تــــوب وتــــوض وصــل


ترى يا ابليس لـو صـدت مشاعـل كـل مـا ابـدت عـوز
 تــراهــا مــــا تــصــدد مــــن ســعــة دايــــم تــصــدد قــل


وانــا مـانـي مـــن الـلــي ينـبـهـر فـــي لـمـعـة الـفـيـروز
 أعــرف انــه حـجـر والـلـي خـلـقـه عـــز وجـلالــه جــل


واعــــرف ان العويـقـيـلـة تــبــي تــاصــل ورا الـمـركــوز
 مـاهـو مــن عـيـن غـيــب ولاهـــو بـلـغـز ويبـيـلـه حـــل


ثـــلاث كـــروت دعـــوة لـلـسـهـر فــــي لـيـلــة الـنـيــروز
 وانـــا عـيـنـي هـدبـهـا مـــل مـنـهـا والـسـهـر مــــا مــــل


مـاهــو كـافــي طـويــت سـنـيـن ماحـقـقـت فـيـهـا فـــوز
 وانــا لا قـلـت كـيـف الـوضــع قـالــوا لـــي تـبــي تـنـحـل


والـى هالحيـن مـا انحـلـت وجــوز الهـنـد هـنـد الـجـوز
 عـلــى ايـــة بــنــد ابـلـقــى حـلـهــا دام اصـلـهــا مـنـحــل


يـــا كـبــر التـانـكـي لـكــن يـــا صـغــر الـلــي والـبـزبــوز

وحـنــا الـلــي شـريـنـا التـانـكـي .. لـكــن شـربـنــا طــــل


تعزيـنـي مشـاعـل كــل مــا أضـفـت صـدرهـا الـمـعـزوز
 ولا ادور عــزاهـــا الا بـــعـــد قـــولـــة يــــــا عـــمي ول


يـا عـمـي ول مــن عـيـن الحـيـاة ووضـعـك المـهـزوز
 علـى وضعـك كـذا تقـضـى حيـاتـك مــا بـقـى لــك خــل


ولكـن روق واتركـهـا ... واذا صــارت عـجـاج وطــوز
 بسيـطـة .. قـــل كـــذا بـيـديـك لـيــن ان الـعـجـاج يـــزل


ولا تـســأل مـــن الــلــي دز وألا مــــن هــــو الــمــدزوز
 وحــاول مــا تفـكـر حـيــل واضـحــك يـــا خـفـيـف الـظــل


تراي أعــرف واحـد فــكــر شــويـــه وطـــــق فــيـــوز
 رجــــــــــع فكر بعد تدري اشحصل ؟؟؟؟!!! لفت يده وانشل