بسم الله الرحمن الرحيم

قصيدة مطلق النومسي حملت نفسي بالخطأ , اشعار مطلق النومسي , شعر حملت نفسي بالخطأ , ابيات من كلمات الشاعر مطلق النومسي



حملت نفسي بالخطأ وانا الخطأ عني... بعيد
ووسعت صدري يوم صدرك ضاق من كبر زعله!


ولينت لك باسي..وباسي تعرفه دايم شديد
كله لجل نكسب رضا المخطي وراعي الأوله



واستسلمت لأرضاك عذبات المعاني والقصيد
والعين خجلى منك ياراعي الفعول المخـجله


واذا فرضنا ان الخطى من بيننا ماله رصيد
تعال انا وياك نستنتـــج فـروض المشكله


من وصل الحـــر الابي لأخر متاهـات العبيد؟
من غير اسلوب المراجل عن اصول المرجله؟


من شب ناره في انشغال الناس في خضر الجريد؟
من حرك الشــوك ورمى به فوق صدر السنبله؟


من جــر مـــوال الفرح على تقاسيم الفريد؟
من والف الســـكين والمرود بوسط المكحله؟


من بعثر اوراق الزمن ..من دهور العصر الجديد؟
من ناقض ردود الأجابه عن غمـوض الاسئله؟




من مختصر هالأســـــئله ارجوك حاول لاتزيد!
قلت اللي عندي وانت :"هرجك لو يجرحني.. قله


تدري:ترى لو تسكت افضل؟..والسبب شي وحيد
أول كلامك مهزله ..وأخــركلامك مهـزله



مـدام انا شـــايل همومك لاتزيد...ولاتعيد
اعجـب : تحل المشكله وانته اساس المشكله