بسم الله الرحمن الرحيم

قصيدة مطلق النومسي كيف السبيل , اشعار مطلق النومسي , شعر كيف السبيل , ابيات من كلمات الشاعر مطلق النومسي

يا سيدي يا عبدي الحر الأصيل

صمتــك يـرتـبني حكـي لعلـــني


أقدر أفصـل لك من الحكي الطويل
فلا تقاطعني رجاءا خلــني


ودي أفضفض ما بقلبي لو قليــل
وأجيك عقـدة مبهمــة وتحلـــني


الوقت لو حاول يخليني ذليــل
أموت جوع ولا الزمان يذلـــني


مزامـل همـي وصار أقرب زميــل
والهـم من سن المهـد محتلـــني


صحيح همــي شي شبه المستحيــل
وصحيح يضميني عبــث ويعلـــني


لكن قناعاتي ورا الصبر الجميـل
تحلف على ربط الحزن ويفلــــني


يا سيدي ما فات خلـه حلم ليـل
وعن ما يذكـرني همومي شلـــني


بعدك كذا علـة وأنا مبطي عليـل
والناس وظروف الزمان تعلــني


قربك سبيلي دامني عابر سبيـل
تعال وإجمعني سحـاب وهلـــني


تعال لبــس راسي التاج الجليل
وعلى معاليـق الضماير ولـــني


تعال شـــرق بي قبل راسي يميل
تعال يا بحـر الغروب وبلـــني


أيوه تعال أقرب هنيــا حيـل حيل
ســلال بعـدك يا مليكـي سلـــني


وإذا لقيـت إن ( الغـلا ) دمـه ثقيــل ؟
زر (غـب) تزدد (حـب) قبل تملــني


وإن كان جيتك ضايق ودمعي يسيـل
خذني على صـدرك شوي وسـلـني


بعـدك عـذاب ولا يبي طبعـا دليـل
وإن كان تطلبنـي دلايـل خلــني


أستشهــد بشطـر من الشعـر الأصيـل
كيف السبيل إلى وصالك دلــني؟