بسم الله الرحمن الرحيم

قصيدة مطلق النومسي يامسعد مساي , اشعار مطلق النومسي , شعر يامسعد مساي , ابيات من كلمات الشاعر مطلق النومسي

الله يسعد لي .. مسا .. اللى من مساه .. أسعد مسـآي

والله يقدرني .. علـى دينـه .. ولـو ماهـوب ديـن






اللى رجع يجمـع غـلاه .. ويقسمـه علـى غـلاي
في ضرب قلبي بألف قلب .. وألف روح .. وألف عين






حسبـة بدائيـة .. قبـل يدخـل . بحسبـة مبتـداي
من أجل تحقيـق التناسـب .. بيـن كلتـا الحسبتيـن






به حرص عاجبني .. وبه طفرة هوى .. تشبه هـواي
هنا يبين ولـو خفـا .. وهنـاك يخفـى لـو يبيـن






كله من أسباب الحيا .. والخوف .. يبـدي ألـف راي
ولا يـكـذب بـالأمـان .. إلا قـلـوب الخايفـيـن






يمشى ورا خوفه .. وهو يحسـب خطـا قلبـه ورآآي
إليـن حـس بـلـذة الأمـن .. ونعـيـم الآمنـيـن







أمن ..وسلام .. وصدق ..يجمـع مبتغـاه بـمبتغـاي
والحب نعمـة .. مـا تحيـط إلا قلـوب الصادقيـن






منوة.. ونعمة حمدها واجب .. وأنـا بـرفـع يـداي
وأدعي ..وأكرر .. في سجودي .. حمد رب العالميـن






ظفرت .. باللى كنت أفكر به ..وأنـا بـأول صبـاي
هذا وأنا توي ..ولكـن يـووووه يـا طـول السنيـن






أتعبت قلبي .. وإنبرت حالى .. وأنـا أجـدد رجـاي
عندي قناعـة .. تبتعـد بـي عـن حيـاة اليائسيـن






واليوم عن صاحـب سمـو القلـب يتحـدث حشـاي
أهلا حللت .. وطئتك .. سهلـه .. وقربـك ياسميـن






يا صفوة أعيان الجزيره .. يا مصنف .. هاي هـاي
يامـن قريـت إسمـه .. وقدامـه قريـت الكلمتيـن






أنا الذي .. لو كان ما أملك .. في يـدي إلا عصـاي
عزيز نفس .. ومحتوينـي بـاس .. لا يمكـن يليـن






حبيت أبين لك حدود أرضك ..لأجل تعـرف سمـاي
وليا عرفت .. أمطرت لك .. من كل منشـي غيمتيـن






بشرى .. تفاهمنا .. تكلل في رضاك وفـي رضـاي
وبشرى لقانا .. .. في تجـدد كـل ليلـه .. ساعتيـن






كذا إنتهينا .. وإتفقنـا .. وأنـت يـا مسعـد مسـاي
تعال ؟؟؟؟؟ لعن أبو حيـك .. تـرى مافـات شيـن