بسم الله الرحمن الرحيم

قصيدة غلطتي , شعر غلطتي


من عزتي للنفس ماارضى المذله
ولا عاش قلب يقبل الذل منهان

اللي جفاني ماتذرا بظله
لو الليالي غربلتني والازمان

واللي نساك اليوم ياقلب خله
واللي غلط لابد في يوم ندمان

ولكن!!!!

غلطتي


ذكرت أني نسيت وضاق بك صدري
نسيت أني ذكرت وصرت أهذري بك

تهادا في متاهة غلطتي عذري
بأني صرت لجلك من مطاليبك

كأن البوح جرح ينزفه حبري
وعلى وجه الورق طاري مكاتيبك

أعرف ان القصايد ماتجي جبري
جفاك اللي كسرني ويش أسوي بك

صغرت بعين حبك .. طحت من كبري
دخيل الله هانت بك عذاريبك

أحطك في عروق دمها يجري

وأحس بنزف شعري يوم أهلي بك

دموعك زيف وانت أدرى بها وتدري
بأن دموع عينك سر الآعيبك

أصدق كيف ؟ وفيك مجاهده صبري
كثر ماتبعد الاقدار .. وتجيبك

غلاك اللي حدود نهايته قبري
يوصلني حدود الموت وأمشي بك