مقادير البسكويت
كوب ونص دقيق
ربع ملعقة صغيرة ملح - نص ملعقة صغيرة بيكينج باودر - بيضة
نص كوب زبدة (اصبع واحد) لينة بحرارة الغرفة
نص كاس سكر -ملعقة صغيرة فانيلا.......
اذا حبيتوا كمية اكبر فالطحين بيصير كوبين ونص والسكر كوب والبيكينج باودر ملعقة صغيرة
---------------
نخلط السكر والزبدة ثم البيض والفانيليا ثم الطحين والبيكينج باودر والملح ..
نشيلها ونغلفها بنايلون وبالثلاجة لمدة ساعتين واذا مستعجلين نص ساعة عشان تتماسك ..
نطلعها من الثلاجة ونفردها ونقطعها بالقطاعات الأشكال .. طبعا راح تحتاجوا
طحين وقت الفرد والتقطيع ..

لازم ترشون طحين على السطح اللي تفردون عليه وعلى النشابة او الشوبك عشان ماتلزق فيها العجينة
وخلوا سمك البسكويت خمسة ملم او يعني نص سانتيمتر
ولما تدخلونه الفرن ..شغلوا الفرن من تحت لمدة عشر دقايق
=======================

مقادير الآيسينج
بياض بيضة - ملعقة عصير ليمون -ملعقة صغيرة فانيلا سايلة - كوب ونص سكر مطحون ويفضل المطحون جاهز
(سكر حلى sis )

نخفق بياض البيض لين ينفش ويصير تقريباً مثل الكريمة
نضيف السكر البودرة وعصير الليمون والفانيلا لحد مانوصل للقوام المطلوب ولا تستعجلون بالخفق لأن كلما زاد الوقت كلما نعم الآيسينج .. ممكن تحتاج نحط حليب سايل لين نوصل للنتيجة المطلوبة .. طبعا نضيف الحليب ملعقة ملعقة على حدا ونخفق بعد كل اضافة لين يصير سائل بس ثقيل ومتماسك بحيث لو شلتي منه بالملعقة ورجعتيه مايتمدد بسرعة ويكون شكله ثابت نوعاً ما .. وبعدين نلونه بألوان الطعام ولو حبيتي سويهم اقماع لسهولة التزيين .