المقادير :
10 كوب ماي
3 كوب حليب بودرة
1 كوب سكر
8 بيضات
1 علبة قشطة
1 علبة كبيرة حليب مركز
1 كيس كريم كراميل
نخلط جميع المقادير بخلاط الكيك ( المقادير تكون كمية كبيرة لصحنين بايركس من الكبار ) و عقب نصفيهم بمصفى و نرش عليهم هيل مطحون و شوية زعفران .
مقادير السكر الكراميل :
كوب سكر
نحطه على النار مع التحريك لين يسمر لونه بس ما يحترق و عقب نصبه في قاع الصواني و نخليه يبرد تماما

عقب ما يبرد الكراميل نصب الخليط الأول إلي حواف الصينية و نحطها بصينية تيفال أكبر عنها و نحط بالصينية ماي يوصل لين نص البايركس و ندخلها فرن درجة حرارته 170 لين تجمد الألبة و نحس أنها يبست من فوق و نطلها و نخليها تبرد و نحطها بالثلاجة أكثر من 4 ساعات و عقب نقلبها في صحن التقديم و هي باردة .