بسم الله الرحمن الرحيم

علاج تصبغات البشرة بعد الولادة , طريقة التخلص من تصبغات الجلد

التصبغات

هي عباره عن افراز زايد لمادة الميلانين اللي هيه صبغة الجلد

طيب ليش ؟

اسباب كثير

هرمونية
اشعة الشمس
نقص بعض الفيتامينات
جفاف الجلد
الاحتكاك
الحساسيه تترك بعدها اثار
تصبغات بعد الليزر
الحراره الزايده
الالتهابات الجلديه الفطريه والجرثوميه
وفيه بعض الامراض الداخليه تسبب تصبغات واحد منها مرض السكري


طيب في شيء لاحظته على البنات من خلال تواصلي معاهم
احيانا يطلبون المستحيل

تحط لها صورة وتقول ابي اصير كذا

ويالله تدهن بهالكريمات والفرك واشياء غلط ياتسمر زياده يا ماتستفيد

فيه اماكن زي الركب والاكواع مناطق تبين اغمق من الباقي
ولا اقولكم سمار لا
لكن اغمق بشيء بسيط

ومنها ايضا المنطقه الحساسه

المنطقه كلها لازم تكون نفس لونك ماعدا الشفيرين الصغيرين
بيبين اغمق لاتحاولين هذا شيء طبيعي جدا
وكل وحده حسب لونها الطبيعي بيكون درجة اللون
وماراح يفتح مهما سويتي فخليك واقعيه في اهدافك
وهالكلام ماجبته من راسي على فكره
و
الاهم تكون هالمنطقه خاليه من الشعر وناعمه



تصبغات الحمل :


اول شيء حدوث التصبغات في مرحلة الحمل شر لابد منه للبشره الحنطيه والي اسمر منها ..
بسبب الهرمونات ومافي أي طريقة لتفادي هالشيء ..
لا بترطيب ولا غيره .. ولاينصح ابدا باستخدام أي نوع من كريمات التبييض او التقشير خلال فترة الحمل والرضاعه ..
ولكن من المهم ترطيب البشره وحمايتها من الشمس ..
وفي بعض الوان بشرات ما تتصبغ اصلا ..

انا اعرف وحده مصريه ووحده مغربيه وشفتهم في فترات حملهم يلقون لق ماشاء الله
لان بالاساس لونهم ابيض ابيض ومافيهم ريحة التصبغات حتى
فيعتمد على لونك اصلا ..

انا بشرتي فاتحه ويسموني بيضاء لكن مو بياض بياض بشرتي مصفره احس القى لوني كثير
بين الفليبينات هههههههههه

طبعا بعد الولاده راح تندهشين من منظر بطنك بالبدايه .. وراح تكتشفين بلاوي كثير غيره هههه
بس الي انصح فيه في مرحلة النفاس الراحه والاكل الصحي ...
والعنايه اللي ماترهقك .. كل شيء راجع لك ولنفسيتك وصحتك واذا عندك احد يساعدك في البيبي
كل هالاشياء تؤثر ..

أنا في ولادتي هذه بصراحه ارهقت جدا جدا جدا نفسيا وجسديا

انتي على حسب نفاسك شلون فتهتمين حسب ظروفك .
طبعا اكيد ماسويت ولا شيء في نفاسي
الا اني كنت اتروش سريع سريع وارطب بسسسس


التصبغات اللي تصير بعد الولاده بسبب الحمل :


اسمرار البطن
اسمرار المناطق الحساسه والابطين
بهتان لون الجلد
اسمرار لون حلمات الثدي
والبعض يجيهم كلف او تصبغات في مناطق مختلفه ما ذكرتها
لان باتكلم بس عن تجربتي


طبعا السبب قلنا الهرمونات
وكمان ممكن يكون من بعد نزيف الولاده بسبب فقر الدم
يصير لون الجلد شاحب وباهت
واضيفي لذلك السهر مع البيبي
والارضاع
النفسيه المتوتره بسبب مسؤولية الطفل الجديد

كل هالاشياء تؤثر على لون الجلد ونضارتك


طيب عرفنا وش الاماكن اللي ممكن تتصبغ والاسباب




نجي نشوف الحلول المتاحه لعلاج هالتصبغات :

انا من تجربة ثلاث اطفال لاحظت ان التصبغات الي صارت لي نوعين
تصبغات سطحيه وتصبغات عميقه
شلون عرفت
السطحيه اغمق من العميقه
ومع الوقت بديت الاحظها تروح مع فرك الجسم
ومو كل التصبغات بس اللي جتني من الحمل فقط

مع هالملاحظه حبيتوا تصدقون اهلا وسهلا ماحبيتوا براحتكم بعد هههه
انا احكي اللي يصير معاي في ثلاث مرات نفاس

انا الاحظ نزول اللون مره بعد مره من الفرك
سبحان الله والله شيء مدهش بالنسبه لي
تحسين جلدك بعد الولاده يتقشر اكثر هذا اللي لاحظته صراحه
مع اني في الحمل اهتم بس مايروح ابدا

نفاساتي السابقه ونفاسي الاخير :


نفاسي الاول ماعانيت لا من تصبغات ولا كرش ولا شيء
طلعت احلى من قبل لاني كنت نحيفه مره وصار جسمي حلو
وبطني زي ماقلت لكم استخدمت له كريم ماطلع لي ستشرتش مارك وسبق وتكلمت عن هالكريم

نفاسي الثاني
مالقيت الكريم واستخدمت افالون بس طلع لي تشققات وبطني كان اسمر
طلع لي الخط البني الغامق في وسط البطن
باقي جسمي ماتصبغ مره مجرد اسمرار بسيط

بطني كنت بعد النفاس ادهن جسمي بزيت الزنجبيل وفتح جسمي مره
وكنت اشوف الجلد اللي يطلع مع الفرك لونه غامق مره الي في البطن والاحظ
تفتيح سريع في البطن كأن الجلد الغامق تقشر وطلع .. وهكذا مع الاستمرار لين راح ..


نفاسي هذا الاخير
انواع التصبغات على كيف كيفكم ..
بطن وارداف ومناطق حساسه وابطين كل حاجه
زي ماقلت لكم في النفاس ماسويت شيء
ونقلت من شقتي لبيت ولين استقرت اموري
جاني ارتكاريا وماكنت اسوي شي لجسمي
لين شهرين بعد الولاده
ما راحت الارتكاريا بس صرت اعرف اتعامل معها وهي ماتترك اثر على الجلد
بس كنت اخاف احط كريمات لاني ماكنت اعرف سببها

المهم
بعد هالشهرين سويت ليزر
فكنت اعتمد على عنايه بسيطه بجسمي قلت لين اخلص ليزر واشوف
كنت ااعتمد على الحمام المغربي فقط في العنايه بين فتره وفتره
طبعا بس افرك الاماكن اللي ماراح تتعرض لليزر
انا سويت بس ايديني والابطين
والمناطق الحساسه

وباقي جسمي كنت افرك واسوي اللي ابي ..
قبل فتره جربت الجلايكولكس

باقولكم شغله مهمه لاحظتها

يوم تركت حبوب منع الحمل كل التصبغات خفت لان اتذكر وقتها ماكنت اسوي شيء له شغل في التفتيح
وسبق ولاحظت هالشيء قبل الحمل اول ماتركت الحبوب فتحت المنطقه الحساسه

اللي مو مقتنعه بالتاثير تسأل طبيب جلديه وتشوف وش بيقولها

طيب في سؤال دايم يتكرر..

جسمي لونه مو موحد ابي حل ؟



اول شيء : العنايه المستمره بالجسم


يعني سنفره جافه + شاور + ترطيب مره او مرتين يوميا
وترطيب مكثف للركب والاكواع والمؤخره
زي ماعلمتنا ارتوسه



الشيء الثاني تقشير الجسم

اما بالحمام المغربي او باحماض الفواكه




وهنا لنا وقفه مع احماض الفواكه عشان تفهمون وش الحكايه


في مواد تقشر البشره لكن ما تتدخل في صبغة الميلانين يعني ماتفتح اللون بطريقة مباشره انما تجدد الطبقة السطحيه من البشره

أحماض الفواكة Alpha hydroxy acids:


عادة يكون هذا المستحضر على شكل أسيد لبني أو على هيئة أحماض فواكه لديه خواص تتخلل إلى طبقات الجلد العلوية ونسبة التركيز من 4% إلى 15% لاتقوم بتفتيح لون البشرة ولكنه يساعد في تجديد خلايا الجلد حيث يقوم بإزالة الخلايا التالفة في الجلد حيث تتكدس التصبغات في الطبقات العليا من الجلد .
نواع الاحماض المستخدمه

حمض قصب السكر Glycolic acid

حمض الزبادي Lactic acid

حمض التفــاح Malic acid

حمض الـ "جريب فروت"، أو حمض الليمون Citric acid

حمض العنب الأحمر Tartaric acid



بيتا هيدروكسي ::


تذوب بالدهون عكس الالفا هيدروكسي واشهرها حمض الصفصاف
لذلك هو فعال مع البشره الدهنيه واللي تعاني من الحبوب والرؤوس السوداء


فوائد كريمات احماض الفواكه :


- تجديد الخلايا بالتالي التخلص من التصبغات
- ازالة الشعر الغارز تحت الجلد
- مفيد في حالة جلد الاوزة
- للوجه مفيد في تحسين التجاعيد
- تحسن من شكل الاسترتش مارك بعد الولاده



الاماكن الي نستخدم عليها الاحماض بأمان تام :

كل الجسم ماعدا مناطق الاحتكاك ( ركب اكواع مؤخره )
انا استخدمته للمؤخره بس اذا مابتهتمين زي العالم ممكن تسمر ماليش دعوه
اما الوجه في ناس تناسبهم الاحماض وناس لا .. انا ماتناسب وجهي بس للجسم تمام



طريقة الاستخدام الصحيحه :

تدهنينه بالليل والصباح تغسلينه شاورك المعتاد يعني وترطبين
تتجنبين اشعة الشمس اثناء استخدامه
وتتجنبين الحراره الزايده والتقشير والحمام المغربي يعني ماتتحمين بمويه حاره
اصلا هي اللي تسبب السمار بس مانسمع الكلام !
تعاملين بشرتك كانها بشره حساسه
ولو استخدمتي للوجه انتبهي من الكريمات اللي تستخدمينها تكون مناسبه لفترة التقشير
زي غسول وكريم سيتافيل
وما تستخدمين الاحماض على طول تصير البشره حساسه من كثر التقشير خليها على فترات متقطعه


بعض انواع كريمات الاحماض :

تقريبا اشهرهم لوشن جلايكولكس وهذا اللي استخدمته بالطريقه اللي شرحتها لكم
كان هدفي الاساسي هو التخلص من الشعر الغارز تحت الجلد في منطقة كذا في الفخذ ..
لكن للاسف ما كان قوي زي كالميوريد على الشعر اللي تحت الجلد
اما بالنسبه لباقي الجسم ممتاز جدا وعطاني نعومه جميله جدا جدا للجسم
اللي مو حلو فيه علبته صغيره ويخلص بسرعه
ولاحظت تفتيح بشكل بطيء زي ماقلت لكم انه ماله دخل في التفتيح المباشر



طيب نجي نشوف كريمات التبييض والتفتيح ...


المواد الفعاله لتفتيح البشره(اللي تأثر على صبغة الميلانين) هي :
تحذير: استخدام هذه المواد يكون تحت اشراف طبي


الهيدركينون اللي طفشتكم فيه :


مستحضر Hydroquinone:

مستحضر Hydroquinone الهيدروكينون من المواد الاساسية في منع تكون مادة الميلانين المسئولة عن التصبغ في الجلد في البشرة واحتوائه كذلك على خاصية ضد الاكسدة.ويعتبر اكثر اماناً وفاعلية وأقل كلفة من العلاج بالليزر أو حتى التقشير العميق للبشرة وهذا الكريم متوفر بتركيزين 42% أو يكون مخلوطاً مع مستحضر Tretinoin 0.05% - 0.1% حيث يعطي نتائج جيدة في التخفيف من التصبغات الجلدية .
نظراً لمفعول Hydroquinone الفعال على الجلد، فانه قد يرافق ذلك تهيج في البشرة وخصوصا عندما يكون التركيز بنسبة 4% أو يكون مضافاً الى كريم فيتنامين (أ) ولتلافي ذلك يضاف الى هذه التركيبة كريمات الكورتوزون بتراكيز مناسبة للبشرة .
يتغير لون مستحضر Hydroquinone إلى اللون البني عندما يتعرض للهواء أو الشمس، لذلك عندما تشتري المستحضر يجب أن لا يكون العبوة شفافة للتقليل من التأثير الخارجي مثل الهواء وأشعة الشمس على المنتج. لا ينصح بعبوات على شكل جرة حيث يفقد المستحضر مفعوله بعد وقت قصير من فتح العبوة.


مقطع آخر بشرح تفصيلي

الهيدروكينون




طيب وش مشكلتك يامذهله مع هالماده ؟

دايما احذركم منها صح
هي صار عليها كلام كثير ومضار ودراسات بس النتيجه النهائية انه
منظمة الغذاء والدواء الأمريكية ( FDA )لم توقف هذا الدواء ولم تصنفه كدواء محدث للسرطان فهو لا يزال موجود في الولايات المتحدة الأمريكية دون أي تحديد أو تحذير لاستعماله.

لكن ممكن يسبب للبعض فرط تصبغ ناتج من التحسس
هذا كلام الدكتور احمد العيسى


يعني الافضل تخلينه أخر حل لتصبغاتك ..
وابدأي باشياء اخف منه ..
تعالوا نشوف زي ايش ..


البدائل لمستحضر hydroquinone :


هناك بعض البدائل المتوفرة لتفتيح لون البشرة هي مشتقة من مستحضر Hydroquinone ومنها Mitracarpus scaber ومستحضر Bearberry وWhite mulberry وPaper mulberry. جميع هذه المستحضرات تحتوي على مادة Arbutin أربوتين والتي تساعد في منع إنتاج مادة الميلانين في الجلد وتعتبر الخلاصة النقية لمستحضر أربوتين من أقوى المستحضرات في تفتيح لون الجلد.


وهناك مستحضرات أخرى تساعد في تفتيح لون الجلد مثل خلاصة licorice وخصوصاً (glabridine) وحمض azelaic وفيتامين (C) .



كريم Arbutin:

يحتوي كريم أربوتين (Arbutin) نفس مكون hydroquinone ويشتق من خلاصة أوراق فاكهة تسمى عنب الدب ومن خلاصة شجيرات التوت البري. نظراً لاحتواء كريم Arbutin على خواص مستحضر hydroquinone فهو يتميز بخواص تمنع من إنتاج مادة الملاينين في البشرة. لا توجد نسب تركيز لكريم Arbutin لتفتيح لون الجلد.


كريم فيتامين (أ) Tretinoin

أثبتت الدراسات أن فيتامين (أ) tretinion يساعد في التخفيف من التصبغات الجلدية ، حيث يلعب Tretinion دوراً حيوي في تجديد خلايا الجلد وفي إنتاج الكولاجين ومنح الجلد مرونة أكثر.




كريم حامض الكوجك (Kojic acid):

يعمل حمض الكوجك على تفتيح البشرة بواسطة منع تكون مادة الميلانين في الخلاياالصبغية، وهو مادة غير مستقرة قد يتغير عند تعرضة لاشعة الشمس أو الهواء حيث يفقد فاعليتة .


حمض الازليك Azelaic acid

يستخلص من الحبوب مثل القمح والشعير حيث يستعمل على شكل كريم موضعي بتركيز نسبته 20%وهو يستعمل لعلاج حب الشباب ومفيد وذو فاعلية ضد التصبغ في الجلد ويساعد في منع تكون مادة الميلانين في الخلايا الصبغية. وأظهرت الابحاث أن كريم حمض الازيللك أسيدAzelaic Acid ذو نسبة التركيز من 2015% ذو فعالية عالية في التخفيف من التصبغات الجلدية بنفس فاعلية كريم hydroquinone الهيدروكينون وبمضاعفات أقل.


فيتامين سي:

يعتبر فيتامين C من المواد الفعالة ضد الاكسدة وهناك دراسات تشير إلى فاعليته كذلك في منع تكون مادة الملانين في البشرة .




كريمات التفتيح هذه تنفع للركب والاكواع والمناطق الحساسه .
وبعض الكريمات تكون مخصصه للمناطق الحساسه فقط

فلو عندك تصبغات كبيره في المساحه ظهر بطن الخ
استخدمي احماض الفواكه وممكن تستخدمين الاحماض على الابط كمان
لاني جربت كريم من قبل
بالاحماض للابطين ولاحظت تحسن ملحوظ .. اما لو تبين للمنطقه الحساسه يخوف شوي
لان المنطقه رقيقه وحساسه يبيله طريقه معينه في الاستخدام والا بلاش منه احسن
انا بأمانه سبق وجربت الاحماض على المنطقه الحساسه بس يخوف شوي مقدر انصحكم فيه
اخاف تستخدمونه غلط .. عموما اللي تبي تجرب هي مسؤوله عن نفسها الاهم مايقرب من
الشفريين الصغيرين ولا فتحة المهبل ولا قريب من الشرج اكرمكم الله لان هالمناطق جدا حساسه
جدا جدا جدا فلا تغامرين احسن لك ...

التصبغات باماكن صغيره استخدمي كريمات التفتيح
وبعض الانواع ممكن تستخدميها على طول كمرطب لهالاماكن وبنفس الوقت تفتح

في انواع كثير في الصيدليات يكون مرطب للجسم وبنفس الوقت فيه ماده فعاله تفتح التصبغات



مثال





تجربتي باختصار ~





استخدمت الجلايكولكس للبطن والارداف والافخاذ والساقين
والكريم المفتح سو سكن
استخدمته للابطين والمناطق الحساسه
واحيانا كنت احط منه على البطن والصدر

اسم الكريم

whitening body lotion and senstive area

الماده الفعاله فيه الفا اربوتين + زيت المكداميا
لذلك هو مناسب للمنطقه الحساسه والجسم كامل


الابطين الحمدلله لاحظت تحسن لان بعد الليزر سمروا شوي

والمنطقه الحساسه ايضا لاحظت تحسن ملحوظ
لكن ماوصلت للنتيجه اللي اتمناها بسبب الليزر صراحه هو اللي سمرني
والا كانت المنطقه لونها نفس لون جسمي
لكن يالله ضريبه النعومه الله المستعان
اخلص بس من جلساتي واتفرغ لها مضبوط

طبعا ارتوس خبرتنا انه غلط نستخدم كريم تفتيح مع الليزر
بس بصراحه ماقدرت اتحمل اجلس كذا
وقبل الجلسه باسبوع او اسبوعين اوقف الكريم
وماشفت تأثير سلبي الى الان الحمدلله بس لاتغامرون انتوا زيي وتجيبون العيد بانفسكم

الجلايكو لكس هو كريم يحتوي على احماض الفواكه ..
والسو سكن الماده الفعاله فيه الاربوتين وهو مرطب للجسم ومفتح بنفس الوقت ممكن تستخدمونه
كترطيب للجسم كامل طبعا هالحل غير اقتصادي ابدا لان الكريم ب300 ريال تقريبا
والجلايكولكس تلقونه 195 تقريبا ..



وطبعا لازم ترطيب للجسم وهذه مرطباتي المفضله :



سبق وتكلمت عن لينو

الثلاث اللي على اليمين منتجات غير معطره وتناسب الجلد الحساس
وتناسب اللي يعلمون ليزر او تقشير او اي شغله
ممكن تهيج الجلد ..
مناسبه جدا في الشتاء لان ترطيبها عالي جدا .

بودي سبيس بالفيتامينات وخلاصات طبيعيه تعيد للجلد المرونه والنعومه
حبيته مره
شريته من صيدليه المانع ب125


وكريم بايودريما

يرطب جدا ويحافظ على مستوى الترطيب مدة اطول في الجسم من بقية اللوشنات
طبعا لانه كريم مو لوشن
سعره 105 تقريبا



الركب والاكواع :

معليش ما عندي شيء سحري للركب والاكواع لان كثير بنات يسألوني عنهم
بصراحه مافي زي الترطيب بالنسبه لي
انا أي شيء اجربه للركب والاكواع يسمرون فاتركه يعني حاولت اجرب عشانكم



فيه هالكريم ينفع للركب والاكواع لانه يحتوي على اليوريا وهي ماده ترطب الجلد الخشن وتنعمه
بس للامانه ماجربته لاني استخدم زبدة الشيا وما اعاني من خشونه بهالمناطق لاني ارطبها دايم


ملاحظة :

اللي جربت الالدوكين ولا فادها اعتذر منها هذا اقوى شيء لتفتيح التصبغ
ولا افضل تاخذونه كذا بدون استشاره
عشان لو مافادكم تتجهون لتقنيات العيادات حسب ما تشوف دكتورتكم
انا بصراحه ماجربت شيء
بس اسمع ان تقشير الركب سيء جدا
لذلك لاتغامرون اسألوا اول شيء وتحققوا من كل شيء



بالنسبه لليدين واسمرار مفاصلها



مافي مثل الترطيب يحل كل مشاكل اليدين
واكثر كريم فادني في ترطيب يدي وعلاجها

dexipan



هو كريم علااااااااجي .. عباره عن البانثنول ..

كانت دكتورتي تكتب لي كريم مشابهه له بس انقطع ونسيته

ويوم شفت ذا قلت باجربه ..
وصادف ان الدكتور كمان كتبه لبنتي يعني آآآآآآآمن جدا مايخوف
لو اي احد يحب يجربه

وش سالفته ..

كريم معالج للحالات التاليه :

- يساعد على التئام الجروح
- يعالج طفح الحفاظات وممكن يستخدم كوقايه منها
- يعالج احمرار والتهاب الجلد
- يعالج الحروق البسيطه
- يستخدم لحروق الشمس او الاشعه السينيه
- يستخدم لعلاج تشقق حلمات الثدي
- مناسب جدا للجلد الجاف من بعد الاصابه بالاكزيما


تجربتي له

في منتهى الروعه معي حسن شكل يدي كثير
رطبها وعالج لي تشقق الجلد حول الظفر نوعا ما .. مو بس هو لحاله يعني
والاهم من ذا كله فتح لي المفاصل كثير

واللي بقى منها هو الوراثي اللي كانت عليه يدي من صغري
ونقلته للاسف لبناتي وولدي
خلقة يدي يعني زي كذا فيها لون بسيط


والكريم اللي على اليمين ماعليكم منه ماعجبني

منقوووووول