بسم الله الرحمن الرحيم

طريقة الرجوع الى لون البشرة الأصلي , علاج حروق البشره

السالفه ومافيها اني من فتره سويت حمام مغربي في الصالون واحتررررررررق جسمي من وراه رغم اني اسويه في البيت وش زيني , لكن مدري شالحظ اول واخر مره اجرب صوالين

احترق جسمي صار كله جروووووووووووح وبقع وملتهب احمر حيل
ماكنت قادره اسوي شي غير اني ابتعد عن كل شي وقعدت 3 اسابيع ماتسبح الا بماي وشاور جل طبي فقط
حتى اللوشنات خفت تزيد العواااااااار
المهم بعد شهر بديت ببرنامج هو برنامجي اللي اتبعه بالاصل من يومي
ولو اني مفتكه من الصالون من البدايه كان انا بخير

بعد شهر من اللي صار ولما هدى جسمي اشارت على بنت عمي اسوي تقشير اعشاب بعياده لكني خفت مررررررررررررررررررررره
هي مسويته وبشرتها تجنن
لكن سبحان الله الظاهر من بشره لبشره يفرق والدليل الحمام المغربي واللي صارلي


مانكر ان سالفة التقشير عشعشت بمخي فترررررررررره

لدرجة اني قعدت ادور عياده وكذا

لكن قلت يابنت ارجعي لروتينك السابق ازين

والحين نظررررررررررررررررره على هالروتين اللي رجعلي بشرتي مثل ماكانت قبل الحمام المغربي واحسن


اول شي

السبوح اليومي .. مشيت على طريقة ارتوس
سنفره سويديه
شاور جل
لوووووووشن

اما باقي الاسبوع
فكل اثنين سنفره
وكل خميس حمام مغربي

السبوح اليومي

(( ملاحظه اول مره العب بالفوتشوب واعدل صور سويت هذي بس وزهقت ))




اول شي السنفره الجافه
يا انا اتعب منهاااااااااااااااااااااااااااااااا احس بتعب منها يمكن لاني اسويها بحركات دائريه من تحت لفوق ,, وظهري مايتحمل عوااااااااار
فأتعب لكن قد مقدر احاول التزم
وبعده شاور جل
حاليا استخدم هالشاور جل من سوب ان قلوريا ريحته عطريه قويه يعني مايصلح لي
احس اختنق منه وانا اتسبح
اكتشفت ان روائح الورود والفواكه حزت السبوح بالذات احلى من العطور سبحان الله تنعش
بينم العطر خانق احس كأني اتسبح بحوض فيه عطر مركز
لكن اللي يحبون هالشغله يمكن يعجبهم .

وبعدها هالوشن اممممممممممممم ازوين كافي ان الجلد يمتصه بسرعه .. بس ناويه اغيره مو لشي بس لانه خلص وحابه اجرب شي جديد



نجي ليوم السنفره
والحمام المغربي

قبلهم استخدم زيت السمسم مع هالمساج
اما المساج هذا
مدري
جد مدري يمكن انه يسوي شي وما الحظه ؟!!!!
بس انا استخدمه ابي الخطوط البيضا تروح
بس ماشفت شي للحين



وبعدها بيوم الاثنين استخدم هالسنفره من بودي شوب احبببببببببببببببببببها حييييييييييييل
احب ريحتها و هي بعد زينه مثل سنفرات بودي شوب



سعرها غالي صراحه مقارنه في باقي سنفراتهم مدري ليش ؟!
واللي فوقها سنفرة الارز + شاور جل
مجربتها من قبل حلوووووووووووه لكن ماتفرق عن الجاهزه بشي لذلك خلتها هالسبوع واستخدمت افريكا سبا حنيت لريحتها

اما يوم الخميس الحمام المغربي بدون اي خلطات
زيت سمسم قبلها بـ 6 ساعات تقريبا (( السنفره نفس الشي ))
بعدين اخذ من الصابون المغربي واوزعه واخليها 10 دقايق بس واغسله
وبعدها باليفه المغربيه افرك بهدوءء يعني المكان امر عليه مرتين بس
ماطول بالفرك
وبس ,, واختمه بشاور جل ولوشن وخلاص

حمدلله رجعت بشرتي زي قبل واحسن بعد .. وفكيت نفسي من سالفة التقشير

اتمنى في اول موضوع اكون افدت احد لو بشوي بس
وشكرااااااااااااا