بسم الله الرحمن الرحيم

قصيدة شبيب الدقباسي زهقت انا منك , اشعار شبيب الدقباسي , شعر زهقت انا منك , ابيات من كلمات الشاعر شبيب الدقباسي

زهقت انا منـك كرهتـك ومليـت تعبت مـن شكـك وكثـرة ظنونـك

من كثرة اسئلتك احـس استجنيـت ياخي دخيـل الله ذبحنـي جنونـك

مليون مره انت في حقـي اخطيـت لو غبت ساعه تفكر انـي اخونـك

وانـا ولا مـره خذلتـك وزليـت تخيّل انـي بـس عايـش اصونـك

عيني تصير ان ضقت من بيتك البيت وقلبي يصير الكون لاضاق كونـك

واللي صدمنـي لا بغيتـك تخليـت وانا الذي لاضقت واحتجت عونـك

تقول لو تطلب عيوني لك اعطيـت وش فايدة شوفي حبيبي بدونـك .؟

وطلبت منك شي عـادي وصديـت وشلون لو اني طلبتـك عيونـك ؟؟؟