بسم الله الرحمن الرحيم

قصيدة ثامر شبيب الدقباسي قلب بدوي , اشعار ثامر شبيب الدقباسي , شعر قلب بدوي , ابيات من كلمات الشاعر ثامر شبيب الدقباسي

ماعلي خلاف اقول اللـي ابيـه من فضل ربي علي انـي قـوي

الا حبك شي مـا اقـدر عليـه كن حبك ضيف والقلـب بـدوي

انت بس اللـي ابيـه ولا اجيـه عنك حظي لاوي ذراعي لـوي

صرت لي مشوار لاجيت ابتديه ان لقيت الدرب ضيعت الخـوي

رد يامنهـو حياتـي فـي يديـه لا تخلينـي وانـا لـك مهتـوي

ان خسرتك وين ابلقا لك شبيـه وانت من كل شي نادر تحتوي .؟

وين رايح جعل هالزول افتديـه وانت خابرني من البعد انكـوي

انت حتى الجرح منـك اشتهيـه من غلاك اضمى عذابك وارتوي

انت لا سولفـت ماكنـي هنيـه التزمت الصمت كنـي منطـوي

ليه اسولف لك وهي من غير ليه تعرف انك تطوي احزاني طوي

انت حبك شي مـا اقـدر عليـه كن حبك ضيف والقلـب بـدوي