رواية لا تلوموني ولا تعاتبوني ظروفي خلتني اتنكر كالولد ٢٠١٤

[موكاتشينو]

تالا وهي تبتسم:عيوني تمور اسرعي..
تمارة ابتسمت لين ما بانت ضروسها :ولا يهمك من عيونك ,غالي والطلب رخيص..زادت من سرعتها بشكل كبير..
البنات الي تصفق والي تصفر والي تغني >>حشى شباب مب بنات..

فهد طلعت عيونه من سوات تمارة..
جيكـ طلعت عيونه:وانا اقول في مهبل ثنتين الحين زادوا صاروا ثلاث طبعا غير الي معهم..لا والله كملت.
عبد الرحمن ساق بسرعة بس حافظ على المسافة الي بينهم.
وقفن البنات عند فيلا ونزلن اما الشباب ظلوا برا ..

جوا البيت فصخن البنات عبياتهن وطلعن لغرفة التبديل واختارن ملابس رياضية مريحة ولبسنها ..

جلسن على الكنب
تالا:الدور على مين بتحضير الضيافة .
شيخة:على نور والعنود بس مب موجودات..
تالا:نور وفهمنا ولدت ,طيب ليه ما اجت العنود..
ريماس:راحت هي ونادر يجددون شهر عسلهم خخخ..
تالا بضحكة: ههه تدري لين الحين مب مستوعبة كيف يعيشوا مع بعض خبل متزوج خبلة ايش راح يصير فيهم..
شيخة تطالعها بنص عين:يقال انك انتي عاقلة..
تالا رفعت يدها باستسلام :انا اعترف اني خبلة وحالصلة على
شهادة بامتياز ,بس الحمد الله بدلع البركة بزوجي ولودي العاقل
فديته انا ....ماكملت كلامها الا بالمخدة ضاربة وجهها ..
رندا تمثل اللوعة:الله يلوع كبدك مثل ما لوعتي كبدي انتي شكلك اشكال رومنسية..
ريماس:اعوذ بالله الرومنسية بجهة وهي بجهة ثانية..
تالا وهي تكش عليهن :مالت عليكن وعلى الي قاعد يسوي روحة
رومنسي عندكم وانتن اصلا اشكال تجيب المرض وبدلع مو مثل
زوجي شوفته تفتح نفسي للرومنسية....ما حست الا بكوم من المخدات انطلقن الها...
شيخة:امحق رومنسية,اقول خليها لولودك ابرك..
رمت تالا عليها المخدة:وجع لا تدلعين زوجي ,بجد حاسس نفسي جالس مع الربع مو مع بنات ..
رندا باستهزاء:تكفين يالرقة والدلع انتي ..
تالا تضحك وكأنه مخها المرجوج رجع لها:خخخ الله يهديك اي دلع
واي خرابيط ربنا يهديك,لا تقلقي ترا مخي كان يعمل اعادة تدوير والحين خلاص رجعة طبيعية..
ريماس:وانا اقول بعد..
الا بنات طافكن الي صار مع نواف ..
شيخة:ايش صار...؟
صارت ريماس تحكي الهن كل الي صار
رندا :ههههه هذا من صدقه بس لانها قالت ما تبيه وتكرهه وهي بحالة ولادة ..
ريماس :انا المسكين مازن استنفذت كل كلمات السب والشتم من قواميسي عليه وما زعل ..
تالا:هههه تصدقون بنات احيانا اقول المسكين الوليد توهق لما
تزوجني خخخ ما درى عن الي رمى نفسه فيه...
شيخة تخلي نفسها فهيمه:اي والله صادقة
تالا وهي تدفها على الارض :اقول طيري بس.
.
.
.
لمار:بنات تدرن احس حالي مخطية لاني اكذب على جيك وما قلت له عن الفيلا حقتنا ومب قادر اقعد مبسوطة..
"الفيلا اشترها البنات قبل حوالي اكثر من سنه بدون علم ازواجهن
وهن بيجلسن فيها يوم جمعتهن كذا لعانة ما رضن يقولن الهم...
الكل شارك بالدفع بس كان النصيب الاكبر على تالا الي الها دخل
منفصل عن الوليد لانو صعب تاخذ كل وحدة مبلغ كبير دون على الاقل ما تقول ليش.."
تالا كشرت:اقول بنات حقرونها ولا تعبرونها..
ريماس:وهذا الي بيصير .....طيب بنات يلا نروح نتزحلق بالصابون ..
البنات كلهن حتى لمار بحماس:يلا >>وين الي كانت قبل شوي مب
عارفة تقعد منشان زوجها(ما عدا رندا لانها حامل بالشهر الخامس راحت تطالعهن من بعيد)
جهزن ملعب صابون وصارن يتزحلقن..

اما برا الفيلا..
الوليد:شباب خلونا نشوف المكان ..
جيكـ:انا حاسس وراهن مصايب يلا امشوا..كافي انو تالا معهم ما اقول الا الله يخلف عاد..
الوليد:وجع ايش فيك على زوجتي وبكذب صريح اصلا زوجتي ما في اادب منها مخلوق..
الكل ناظره مطلعين عيونهم..
قمط الوليد من شكلهم :ايش فيكم ..؟قلت شي غلط>>لا ياشيخ صادق مئة بالمئة..
عبد الرحمن :خلاص فكونا خلونا ننزل..
ونزلوا

جوا بالفيلا
سمعت تالا احد يدق الباب باستغراب:في احد جاي..
شيخة :ممكن الطلب وصل باستغراب بس معقول بهل السرعة..
حطت تالا عباتها ولفت الشيلة وفتحت الباب ..
فتحت عيونها على وسعهم وهي تشوف الشباب :بسم الله من وين طلعتوا..
فيصل:اقول تالا وين البنات وايش هذا المكان..؟
تالا لفت وجهها لجوا وبصراخ:بنـــــــــــــــــــات تغطوا ..
البنات تغطن وهن مب داريات ليش..
تالا تهز بايدها لجوا :ادخلوا الله لا كان جاب الغلا ..
فيصل دفها :اقول تقلعي..

جلسوا الشباب على الكنب اما البنات واقفات طابور قدامهم
جيكـ وهو يناظر لمار الي قمطت العافية :تكلمن ايش السالفة ..؟
تالا تربعت على الارض وما عليها من شي هي ورندا جالسة على الكرسي لانها حامل ..
تالا بلا مبالاة:لا سالفة ولا شي هذه الفيلا لنا..
جيكـ بصراخ "طبعا هو الفيس العصبي للشلة":نـــــــــــــ ع ـــــم ما حس الا بالمخدة الي ضربت بوجهه..
تالا اذنها عورنها :اقول الخلا ,لا تصارخ كذا ,وجع حسيت اذني صارت خارج نطاق التغطية بسبتك..
جيكـ ناظرها بغيظ:تالا وجعع..
تالا:يوجعك..
فيصل تمتم:بدوا القط والفار..
تالا:انت ليه معقد القصة عادي ..احنا ما نقدر مثلكم نروح للنوادي
وننبسط وكذا واذا صار وطلعنا تسون لنا الف قصة وقصة ..
مثل ذيك المرة لما طلعنا على البر سويتوها قضية..
فيصل يناظرها بنص عين :اي طلعت بر عادية ..والا كنتي تعلمين القنص لنسوانا ..
تالا تكح حتى تضيع السالفة:على كل حال كذا اصلا احسن لكم بدل
ما نظل نسوي مشاكل فهذا الحل حتى نركد ونهدا ..
عبد الرحمن بهدوء:طيب ليه ما قلتوا لنا ,ما اظن كنا راح نرفض ولا نعارضكم..
رندا بسخرية:اي ماتشاء الله عقول منفتحة على الاخر..
تالا وهي تقف:والله نشفتوا ريقي والمهم الزبدة :خلاص عرفتوا
وين احنا نروح يلا روحوا خلونا نعرف نوخذ راحتنا ..
مازن :ومين قال احنا راح نخليكم هنا ..
تالا كشرت :ما طلبت رأيك لفت على الوليد :وليد..
وليد بابتسامة:عادي حبي سوي الي تبيه .
الشاب طالعوه مو مو مصدقين واعطوه نظره يقال تخوف.
وليد ابتسم باستهزاء:ما عليك منهم يا قلبي سوي الي تبيه..
رمت تالا بوسة له :فديت الي يفهموا مو مثل بعض ناس
فيصل حرك راسه باسف:صارت البنت مثله لا حيا ولا مستحا ..>>يقال تالا من قبل تخجل وتحتشم
الوليد قام وهو مكشر منهم وقرب من تالا ومسك يدها وابتسم:خذيني لفة بالمكان..
وراحوا
مازن:طاع ما خربها غيره..
جيكـ باستهزاء:اصلا اقص يدي اذا الوليد ما يعرف من قبل بقصة الفيلا داهية ما يتخبى شي عنه ..
وصار كل واحد يطالع زوجته

بعد نص ساعةمن الكلام والاخذ والعطى
راحوا الشباب واتفقوا يصيروا يجوا هنا باوقات غياب البنات لانه المكان اعجبهم ..
رمت حالها ريماس على الكنب:اوووف ما بغينا عورو راسي..
تالا تطالع لمار :الا كيف عفى عنك زوجك.عاد هو الاصعب .
لمار وهي تهز كتوفها :عادي ادري وقت ما يكون جيكـ معصب
الاحسن تتركه يقول كل الي يبيه وانا مثل الهندية اهز راسي
واسكت لين ما يخلص ويهدي ويفرغ عصبيته يجي بعدها دوري
في انه اكلمه بهدوء بدون ما اثيره ويسكت بالاخر ويخليني اسوي الي ابيه..
تالا تصفر :والله مانك هينه يا البقرة ..
لمار كشرت :بقرة فعينك..
تالا:طيب انتي رموس..؟؟
ريماس :عادي مزوني ابد ما يعارض على اي شي اسويه صح عصب بس بعدين سكت ..
تالا وهي تغمز:واكيد وعدتيه بترضية محرزة ..
ريماس حمر وجهها لانه كلام تالا صح فحاولت تغير الموضوع :وانتي رنود..
رندا بهدوء:عادي صح عبد الرحمن معقد شوي بس باين حسبها
وشاف انه احنا نكون هنا بامان ويضمنوا ما نتهور احسن لهم ويبعد عوار الراس عنهم..
تمارة :صراحة بهذي صدقتي ..
تالا :وانتي تمور ..؟
تمارة :صرخ علي وعصب وعاد انا نزلت كم دمعه يقال دموع ندم
وقلت له انه البنات حلفني ما اقول .وبعدها انقلبت الايه وصار هو الي يهديني ..
البنات :هههههههههههه ..
ريماس :اماا ههه والله انك داهية..
ناظرتهم تمارة بغرور ..
شيخة كشرت :يا شين الغرور ..
تمار :طيب انتي انسة شيخوه كيف اقنعتي فيصل..
شيخة :عادي فيصل ما مانع بس اعطاني محاضرة اني ما لازم عيدها وخبي عنه ..
كل البنات لفن على تالا ..
رندا :الا انتي حالة غريبة كيف كذا الوليد من الباب للطاقة يوافق وما يقول شي..
تالا ببرود :عادي مهو بيعرف ..
البنات بصراخ :نععععععععم..
تالا فزت :وجع ايش فيه..
شيخة :انتي تقولين نخبي الامر وانتي تقولين لزوجك..؟
تالا :مو انا قلت له اكيد شاف صك الفيلا ناسيات انه موجود عندي
وكنت متوقع الشباب يجوا باي يوم ويكتشفوا بنفسهم..
لمار كشرت :طيب ليه دامك متوقعة انهم راح يكتشفونها ما خليتينا نقول لهم..
تالا ببرود:كذا لعانة ..
رمن البنات عليها المخدات وصارت ترمي عليهن والزبدة صارت حرب مخدات نتركهم المهبل ...

*************
لَحـــدْ الإدِمـَــآنْ .
آصْبحـتْ آتْعـآطَى
رَحيٍق إنفآسكـ
أعشقكـ حتى اني أريــد أن أستبـدل
كلمة السعـْاده بـ إسمكـ أميـرتى
************
اليوم التالي
(راح اجيب عن الشخصيات يوم كامل كل ثنائي مع بعض )
نور &نواف

نور وهي تكلم نواف :لقيتها ..
نواف ابتسم لها :اي ..
نور تطالعه :ليكون زعلان لين الحين من الي قلته بيوم ولادتي..
حك راسه نواف بفشلة :لا ما عليكـ انا اصلا مدري ايش الي صار لي وزعلت منكـ مع انه لالزم راعي حالتكـ..
نور:طيب ما راح يجي الدكتور ويفحصني لاخر مرة حتى اطلع من هنا ,لاني بصراحة مليت..
نواف بابتسامة :لا تقلقي دقايق وبيكون هنـ..
ما كمل كلامه الا باب بيدق:ها شفتي ..
عدلت نور حجابها ودخل الدكتور وفحصها .:الحين انتي تمام
تقدري تروحي للبيت بس لازم تهتمي باكلك وحركتك.
نور هزت راسها بايجاب وطلع من عندهم ..
ساعد نواف نور تتجهز وتلبس ملابسها حمل ابنه جاسم ..ومسك يد
نور وطلعوا من المستشفى ..وانطلقوا لين ما وصلوا لمكان لبيت يدل على الحالة المتوسطة لاهله..
نور :هذا المكان ..
نواف هز راسه بنعم ..
راحوا للحنوان المطلوب ودقوا الباب وطلعت الخدامة ..
:نعم ايش ابغا ..
نواف :ام جاسم وينها ..
دقايق واجت الهم ام جاسم بعبايتها وغطوتها ..
:نعم يا ابني بايش ممكن اساعدك..
نواف ابتسم :ما تذكرتيني ..
ام جاسم تطالع :كأني شايفك بمكان..
نواف :تتذكرين نور الي اعطيتي قلب ابنك لها
ام جاسم وهي تتذكر دمعت عيونها :اهااا نواف بعدها بشوي قالت تفضلوا ..
دخلتهم للمجلس جوا ..
ام جاسم :اامروا طلبكم ..
قام نواف وهو ماسك ابنه ومده لها ..
وهي باستغرابها حملته وهي تطالعهم باستغراب ..
نواف :هذا ابنا جاسم ..
ام جاسم بعدم استيعاب :نعم ..وصارت دموعها ينزلن سميتوه جاسم ..
وصارت تطالع في الولد شوي وطالعت نور بابتسامة :انتي نور..؟؟
نور اكتفت بهز راسها بنعم..
ام جاسم :باين انك تعبانة ...؟؟
نواف :صراحة هذه طلعتنا من المستشفى ..
ام جاسم:الله يهديك يا ابني وتجيب زوجتك هنا ما يهم كان اجلتوا الزيارة لين ما تتعافى ..
نواف :والله هي اصرت وما حبت نأجلها ..
صارت تلعب وحيييل مبسوطة بالولد ناظرت نواف وهي
مدمعة:مشكور يا ابني لانك سميته جاسم مع انه ما في داعي ...
نواف :لولاكي وجاسم كان اصلا ما كان في جاسم الصغير ..انا الي
اشكرك اعرف كان صعب عليكي تعطي قلب ابنك لنور فمشكورة
..الحين لازم نروح حط بطاقته علىى الطاولة :رقمي فيها اذا
حبيتي تشوفيه تجي عندنا او انا اجيبه لكـ تأمرين اعتبريه من الحين مثل ابنك او حفيدك اذا تبين..
اعطته الولد وهي فرحانه :مشكور وبعدها طلعوا من عندها ..وطلعوا بالسيارة ..
سندت نور راسها بتعب ..
نواف بقلق:حبيبتي فيكـ شي ..؟؟
نور ناظرته بتعب :ما في شي بس شوية تعب ما تقلق ..
ووصلوا لبيت اهلها ..
نواف كشر :يعني لازم تقعدي الاربعنية هنا ,عادي خليه ببيتنا..
نور بابتسامة :يلا الايام بتمشي بسرعة ما تقلق ..
نواف مب رااضي :انزين ..بس ما الي علاقة اذا كل شوي نطيت لكم ما تقولين بيت اهلي وكذا..
نور :هه طيب ونزلوا..
(حياة نور ونواف جميلة وحلوة ومليئة بالمشاعر انتابت هذه
الرحلة العديد من النكسات وكان اكبرها تأخر نور بالحمل لاكثر
من خمس سنين طبعا بسبب العلاج الكيماوي قبل زواجها اثر
عليها وقالوا ينتظروا شوي..سبب تعب نفسي وتوتر بالعلاقة من قبل نور
الي كانت حابه ولد من صلب نواف ,في حين هو ابد ما اثر فيه
واهم شي انها كانت جنبه ,بس كلام الناس كثير اثر بنور ونفسيتها
لدرجة احيانا كانت تطلب من نواف يتزوج حتى يجيب عيال بس
هو رفض رفضا قاطعا حتى لو كانت عقيم فكيف اذا ما في اي
مشاكل بس بينتظروا رحمة رب العالمين ...بعد صبر ولما بدا
موضوع الحمل يخف من بالها عرفت انها حامل ...وسماه نواف
على اسم جاسم الي اعطى حياة جديدة لمحبوبته ...*جآآآآسم *...)

[موكاتشينو]

***********
" دخل في حيآتي ” شخص ” ..! عن طريق الصدفهّ ."
"
" تعلقت به .. وتقبلته .. احبتته آكثر من ذآتي ."
"
" هو الوحيد من يرسم لي آلإبتسآمه "
"
" تصغر بعيني آلدنيآ [ آذآ ضآقت به ]
"
" في غيآبه .. تغيب السعااده .. يغيب الفرحّ
"
" أعشقه إلى درجة الأنآنيييه ..!
"
" فشكرآ لِ [ آلصدفه ] آلتي جمعتني به .
***********
تمارة & فهد

صحي من نومه طالع مكان تمارة ما كانت موجودة قام من مكانه بعد ما صحصح وراح للحمام...
بعدها نزل لتحت سمع اصوات بالمطبخ راح باتجاهه استند على
الباب وهو يشوف تمارة قاعدة تجهز الفطور لابسة مثل كذا

مازالت محافظة على رشاقتها خصوصا بعد حملها
طالع بنته الي جالسة على كرسي الطعام للصغار ابتسم بحب وهو
يطالعها ويطالع شبهها بامها بعيونه الفضية وبشرتها البيضة
وشفايفها التوتية الشي الوحيد الي اخذته منه هو الشعر الاسود مثل الليل ..
وهو على وضعه :صباح الخير..
النفتت تمارة براسها طالعته شوي بعدين لفت لبنتها تكمل تطعيمها بهدوء:صباح النور..
فهد باستغراب من اسلوبها :في شي..؟
تمارة ببرود عدلت وقفتها وراحت تغسل الصحون :لا ..ايش حابب تفطر..
فهد وهو يلف نفسه ويطلع :ما ابي شي انسدت نفسي ..
تمارة كملت شغلها وما اهتمت..
/
/
كان جالس على التلفزيون بالصاة مستغرب منها ومن تصرفها
شوي وشم ريحة عطرها مسك الرموت وخلى نفسه مركز بالمشاهدة ..
اجت تمارة ومعها كوب شكولا ساخنه وجلست على الكنب الي جنبه ..
فهد :ليه ما سويتي لي معك ..
تمارة ببرود :انت قلت نفسك مسدودة ومدت له خذ اذا تبي ..
رجعت يدها بس هو سحب الكوب منها :الي منك احسن منك..
اما تمارة قلبت وجها وصارت تطالع التلفزيون...
فهد :وين رتيل ..؟
تمارة :نيمتها ........
ظلوا على هذه الحالة اكثر من ساعتين سكوت كل واحد فيهم يطالع التلفزيون ..
لين ما طفح الكيل مع فهد ..
فهد بفقدان صبر:ما تبي تقولي يعني ليش الاخلاق قافلة اليوم ..
تمارة ببرود عكس انفجار:ولا شي..
فهد بغضب :تمارة ...
تمارة لفت له بنرفزة :طيب متى راح تطرد السكرتيرة ..
فهد لانت ملامح وجهه وتحولت لملامح لعوبة :ايش فيها نورة (وشدد على الاسم)..
تمارة بغيظ:ومن متى ما في القاب ..
فهد يدعي عدم المعرفة :طيب ايش فيها ليه اطردها ..؟؟
تمارة فزت :فهد بلا وقت نذالتك اطردها ما احبها ما اطيقها جيب
سكرتير بدالها ما ابي بنات والمشكلة انها عزابية وصغيرة ..
فهد بهدوء:ويعني اذا عزابية وصغيرة ..
تمارة بنرفزة :اكرهههها ما اطيقها لما اتصل عليك بالمكتب اسألها
وينك ,تغير لهجتها لدلع يحوم الكبد اعذرني بس الاستاذ فهههههد
بالاجتماع الحين ,مسكت بلوزتها واااااي تغثني تقهرني تلوع
كبدي بهل الدلع ما طيقههها ما حبها ما ادانيـ...سكتت وهي تطالع
فهد فاقع ضحك خاصة بجد شكلها يبين مقهورة وعلى الاخر كمان ..
قربت وصارت تضربه بالمخدة وهي تقول:وقح ,حقير, وقلليل ادب..دب .
فهد :ههه خلاص بعدي ..
بعدت تمارة وهي تتنفس بسرعة :طيب تشوف راحت جلست على الكنب وهي بقمة حرتها وغضبها ..
فهد قرب منها وجلس جنها وهي معطيته طاف ,باس خدها :هو انا
يهون علي زعلكـ..اصلا انا طلبت منها تعطيني استقالتها وبهل كم يوم راح تطلع من عندي..
تمارة بتهديد :هذه المرة سكرتيييير مفهوم ..
فهد :حاضر طال عمرك اوامر ثانية ..
تمارة بتفكير:اممم لا ..
فهد وهو يحط يده على بطنه :يهون عليكي حبيبك فهود يكون جوعان ..
تمارة تقرص خده :لا ما يهون ,تبي شي خفيف والا ثقيل..
فهد :لا مو باقي كثير للاذان وراح روح صلي فشي خفيف وبعدين بنتغدا..
تمارة :قامت اوك بعمل ساندوشات النا وكاسة شاي..
فهد قام :اوك بس خلينا بالحديقة الجو حلو ..
هزت تمارة راسها بإيجاب ..وراحت للمطبخ

فهد وتمارة ..حب غرام واحلى قصة عشق مع بعض عايشين
حياتهم ولا احلى قدر فهد يغير المفهوم الي تكون عند تمارة عن
الرجال ,وتمارة بعد انتكاستها من صقر قدرت تتعافى وتفتح قلبها
من جديد لفهد عاشوا احلى اوقاتهم بلندن وهم يدرسوا ما رضي
فهد انو تمار تحمل وهي تدرس بخاصة انهم بالغربة على الرغم
من اعتراض امه بس ابوه قدر يفهمها ويقنعها
رتيل سنتين بتشبه امها بالشكل .
بين الفترة والثانية بتحب تزور نتالي وبخاصة انو فهد يحب بين
الفترة والثانية يزور لندن لانهم عاشوا احلى اوقات عمرهم فيها .

***********
وُأعشُقهہ حيُنْ أڛتْفُڒٍهہ أغضبُهہ..^^
.لُآنْيُ أعٌشُقٌهہ أڪثُر و أڪثُر حيُنْ أصًآلُحهہ $‘♥
************
ريماس & مازن

عقد حواجبه بازعاج وهو يسمع الاصوات فوق راسه
كان ينطنط على السرير وهو يقول:بابا بابا بابا اصحـــــــــــى..
فتح مازن عيونه بغضب:يا كلب انقلع من وجهههههههههههي..
بسرعة هرب بندر من ابوه الي صار يلاحقه ..واتخبا ورا امه الي دخلت الغرفة..
مازن بشكله المعفوس وبغضب:بعدي خليني اوريه كيف مرة ثانية يتجرأ يزعجني بنومتي..
ريماس طالعت بندر:بندوري حبيبي انت ايش سويت..
بندر بعيونه العسلية مثل العسل النقي وبشرته البيضا وشعره
البندقي وملامحه البريئة الي يشوفه يقول ملاك بريئ بس هو
شيطان وببرائة:انا ما ثويت ثي..
مازن يحاول يقرب منه ويمسكه :ما سويت شي ها.
ريماس بعدت مازن مع انها عارفة ابنها مساوي شي بس قالت:هو
قال ما سوى شي خليه يروح وغمزت لبندر وبسرعة طلع من الغرفة يجري
ريماس وقفت بوجهه ومسكت يده:سوري حبي..
عفس مازن وجهه :بعدي شغلي معه مو معك..
ريماس:بس انا قلت له يوعيك هههه ما هقيت راح يجننك,مدري لمين طالع شيطان..؟
مازن يناظرها بنص عين :لمين طالع ها..؟
ريماس بنظرات بريئة مثل ابنها :الكـ..
مازن :اااه منك انتي وابنك انا ايش وهقت نفسي فيه ..
ريماس صرخت :نعممم..
فز مازن وابتسم :اووهه حبيبتي قرب وحظنها وباس خدها :احلى وهققة بعد ..
ريماس بعدت عنه :بالاول غسل ريحتك فمك خايسة ..
قرب منها مازن عناد ..
ريماس وهي تبعد وجهها وبقرف:مازن ..
بعد مازن وهو يضحك عليها ودخل للحمام,اما هي نزلت تحت تستناه على السفرة ..
كانت جالسة مكشرة :يوووه جعت,وينه هو وابنه..
فجأة سمعت صراخ مازن جاي من المطبخ :بـــــنـــــــــــدر..
بسرعة فزت ريماس وركضت بخوف للمطبخ اول ما دخلت فتحت عيونها على وسعهن



وبعدها انفجرت ضحك:هههههههههههههههههههههههههههههههههههههههههههههه
ههههههههههههههه
ونزلت على الارض وهي تضرب فيها ههه اااخ يا بطني ههههههه
كان مازن شكله توووووحفة ابيض ابيض ابيض وكل ملابسه
طحين مثل الاشباح شكله .كان حاطط بندر طحين فوق الباب واول ما فتح مازن الباب نزل كله عليه
مازن يطالعها بقهر :ايوه اضحكي ابنك هذا يبيله شنق.
ريماس :ههه اسم الله هههه على ابني ههه فعدوينه انشاء الله بطلت
ضحك وهي تشوف مازن مقرب لها بلعت ريقها وهي تقول :مازن بعد..
مازن بابتسامة جانبية : اجل تضحكين علي ..
ريماس تقوم وهي تأشر بيدها :مازن لا تجرب وتقرب ..
مازن يهز راسه بلا ..
جرت ريماس وصار يلحق فيها دخلوا للمسبح اول ما حاول مازن يقرب منها دفته للبركة ..
شهق مازن لانه وقع فجأة من برودة الماي لانه الطقس بارد.
ريماس:ايش في..؟؟
مازن وهو يمد يده :باين شد عضلي بسرعة ساعديني..
قربت ريماس بدون تفكر ومدت يدها بس شهقت لما سحبها مازن للبركة ..
مازن وهو يمسك خصرها :ههه عشان تعرفي تلعبي مرة ثانية علي ..
ريماس غطست راس مازن بالبركة,بس هو شدها معاه لتحت اول ما طلعوا صارت
ريماس اسنانها تصك ببعض وترجف من البرد:برد ..
ومازن نفس حالها.
مازن شالها وطلعوا من المسبح والاثنين يرجفون ..
غيروا ملابسهم وبعدها نزلوا يفطروا
مازن :مو انتي تبين تروحين عند بيت جدي..
ريماس بتفكير:غيرت رأي بطلت روح..
مازن وهو موحاسس بنفسه:لاااااااااا
نقزت ريماس وبندر
ريماس:بسم الله ايش فيك,وهي رافعة حاجب يعني شرط روح..
مازن بتوتر:اقصد تدري الكل متجمع ..
ريماس تطالعه بالاستغراب ..
كمل:وانا راح اجي ونكمل السهرة هناك للساعة 11 ونص.
ريماس باستغراب :بس انت بالعادة ما ترضى نسهر اكثر من الساعة 9 هناك..
مازن بتوتر يخفيه:انتي يعني اذا وافقت تتكلمين واذا رفضت بعد تتكلمين..
ريماس وهي تقوم:انزين ثواني واجهز نفسي وهي تصرخ سيتااااااا ..
سيتا اجت :نعم ماما.
ريماس :خذي بندر وجهزيه..وطلعت
زفر مازن براحة لانه ما سألت,بعد ماجهزوا راحوا لبيت جدهم اما مازن
راح قال في عنده شغل ضروري ,وعلى الليل ضلوا سهرانين ..
وقت الرجعة للبيت
ام رامي:خلاص روحوا وخلوا بندر هنا..
ريماس:ما عليك يا عمه نقدر نحمله .
مازن بسرعة :لا لا خليه..
ناظرته ريماس باستغراب بس هو ما اعطاها اي فرصة وسحبها واتجهوا لبيتهم وسط استغرابها ..
اول ما وصلوا للبيت نادت ريماس :سيتا ..
بس سيتا ما ردت ..استغربت ريماس بس ما اهتمت
مسك يدها مازن وسحبها :تعالي ..
وطلعت معه وصلوا لغرفتهم,كانت راح تفتح الباب
مازن :لحظة قرب وغطى عيونها ..
ريماس:مازن ايش في..؟
مازن فتح الباب بيد وحدة ودخل للغرفة ثواني وبعد يده عن عيون
ريماس وفتحت عيونها ناظرت المكان بدهــــشـــة وصدمة كانت
الغرفة باضواء خافته وشموع حمر وريحة فوااحة من الفراولة
كانت على الارض متناثرة بالونات ابيض واحمر والورودعلى السرير ..
طالعت ريماس مازن بدهشة وما قدرت تقول شي ..
طالع ساعته وبعدها قرب منها وباس خدها برقة وقال :كل عام وانتي بخير ..
ريماس تجمعت الدموع بعيونها وما قدرت تقول شي غير انها تقرب وتحظنه بقوة ..شد عليها وهو يبتسم ..
بعدت ريماس:بس بكرا عيد ميلادي..
مازن ابتسم :ادري ومد ساعته :طالعي الساعة الحين 12:05
وما حبيت مثل كل سنه الكل يكون موجود ويخربوا علينا جونا اذا
حابين يسوا حفلة بكرا هذا يرجع لهم بس كل سنة راح يكون لنا يومنا الخاص نحتفل فيه..
ريماس وهي تطالع المكان بانبهار:كيف قدرت تسوي كل هذا بوقت قصير..
مازن :بعد ما وصلتك رجعت وبديت شغل اما الباقي سوته نيرمين ولما خلصت دقت علي ..
حظنته مرة ثانية وباست صدره :الله يخليلي اياكـ..
باس شفايفها بخفة وابتسم:وياكـ.بعد شوي عنها ومسك يدها
واتوجهوا للطاولة كانت كيكة بالكريما والشكولا نكهة ريماس
المفضلة مكتوب عليها كل عام وانتي بخير يا عمري وشمعة برقم
25 عليها ..بعد ما طفت الشمعة واكلوا من الكيك
ريماس تمد يدها:وين هديتي.
هز مازن راسه بلا :تاخذيها بكرا مع هديا الكل ..
ريماس والفضول بيحرقها :مزوووون تككككفى ابي اشفها..
مازن :لا بكرا..
كشرت ريماس وهي تصد عنه...
ثواني وشافت بوكس قدامها بلهفة اخذته :افتحه عادي..
مازن هز راسه بايجاب..
فتحت الهدية كان فيها غرضين بالاول مسكت علبة فتحتها كانت ساعة من الالماس ناظرتها شوي:هذه ..
مازن ابتسم:اي لما طلعنا قبل اسبوع على السوق ومن البلشة نسيت
البوك والبطاقة بس انتي اصريت ناخذ لفة اذا عجبك شي ترجعيله
شفتك كيف حبيتها وعيونك عليها بنفس اليوم رجعت جبتها لك
والحمد الله رحت لانها كانت اخر قطعة..
ريماس:وكنت تسمعني وانا اقول انها كانت اخر قطعة واخذوها وما قلت لي..
مازن :مو مفاجأة ..
طالعته ريماس بحب ..
مازن وهو يأشر بعيونه على الغرض الثاني كان عبارة عن البوم
صور اول شي كانت صورهم وهم صغار كل واحد فيهم وبعدها صور الهم مع بعض ..
ريماس :ههه يو هذه الصورة لين الحين موجودة ههه(كانت صورة
لمازن وريماس ورامي محوسين بالسكن والفحم ووجوهم سود
وملابسهم الله لا يوريكم يقال شحادين واولاد شوارع خاصة انو
ريماس كانت فتريتها قاصة شعرها مثل الاولاد)يووو فشلة من وين هل الصورة ..
مازن :وانا ادور على اغراض بين اوراق لقيتها صراحة ما عرفت
مين لين ما امي قالت لي والله فقعت ضحك,الا صح ليه شعرك
كان كذا حسب ذاكرتي انتي عمرك ما حبيتي تقصي شعرك..
ريماس ناظرته بنص عين :ناسي والا بتتناسى..
مازن:والله ناسي..
ريماس :اتذكر صار هذا الشي قبل شهرن من الصورة او اكثر
يومها كان طاق ببالك تصير حلاق وما لقيت الا تطلع مواهبك
على شعري ويومها لما رجعت لامي انفجعت وصارت تصارخ اما
نواف فقع ضحك وهو بيشوفني كان شكلي يجننن كنت عامل مثل
الشوارع بشعري وابوي لما شافني المسكين انخرع يقول من انت ..
مازن من اول كلام ريماس تذكر وفقع ضحك وضحكه يزيد مع كلامها..
ريماس تضربه :ضحكة بلا سنون ..
مازن:هههه ااااخ هههه اتذكر بعد ما خلصت قلت راح اطالع
النتيجة وكنت فرحان لفيت وجهك انخرعت بغيت انسدح ضحك
بس سكتت ومسكت نفسي وانا اقول لك حلو وروحي خلي امك
وابوك يشوفونها خفت تسدحيني ضرب اذا شفتي النتيجة وانا
قدامك وانتي رحتي مبسوطة مب دارية عن النتيجة ..
ريماس بوزمت:احسن ما كنت موجود امي طاحت تهزء فيني وانا
مو فاهم شي واول ما شفت حالي بالمراية صراحة ما دريت
اعصب اصرخ او اموت ضحك اخذني يومها ابوي وحلق لي كل
شعري اتذكر ظليت حاطة كاب اكثر من سنة ما اطلع الا فيه.
وصاروا يطالعوا الصورمع بعض وكانت اغلبها تضحك وتفشل ..
ظلت تطالع عليهن ..
ريما تسكر الالبوم بفرحة :والله احلى هدية ,من وين جبتهم..؟
مازن :صراحة خطرت لي هذه الفكرة من شهر لما شفت صورتنا
فاخذت الصور الي بتجمعنا من عندنا وطلبت كمان من امك

تعطيني صور واحنا صغار وجمعتهم مع بعض وحطيتهم بالبوم ..
.
شغل مازن موسيقى هادية وسحب ريماس وصار يرقص هو واياها
مازن كان ماسك خصرها اما هي كانت محاوطة رقبته بيدينها
مازن يطالعها بحب:تدري يا ريماس انو انت احلى شي صار بحياتي..
ابتسمت ريماس وبنفس نظراته :وانت احلى شي..
قرب ريماس وخطف قبله من شفتيها وشالها وهو على نفس الوضع ووو.............

**مازن وريماس شقاوة وحب وعشق حياتهم احلى ما يكون ,فلة
وناسة ومقالب دووووم الابتسامة والضحكة موجودة بينهم احيانا
بيكونوا الد من الاعداء واحيانا عشاق هيمانين..
مازن يموووت فيها بدلالاها وطفوليتها وضحكتها وهبالها الي
دوووم مالي عليه حياته ..نفس الشي ريماس تحب مازن وتعشقه
ما تقدر لحظة تعيش من دونه او على قولتها بدون ما تغثه وتجننه خخخخخ
عندهم ولد واحد بندر

عمره 4 سنين ونص نسخة عن امه بشخصيته مهبل بالعيلة يقولون عنه ابلللليس..

[موكاتشينو]

***********
اعشقــــــــُهُ . . .

ﻵنـــهُ يعرفُ تفآصيلـيّ آلصَغيرھَ~
ويرِتبهــَا بِ أســلُوب هآديء~
يعــرفُ موعـد نَومـي~

...
أيّ نــَوع منْ الأغاني أحبْ ~
يتحمَلني وقتَ غَضبــي ~
يحتوينــْي وقتَ حٌزنـي~
يشاركنى جُــنونــيّْ~
يذكرني بصَلاتـي~

يعشَقني بــِ كلْ عيُوبي وَ مميزاآتــي ~

أخبــروُنـي ,,,آليسَ ليَ الحَـق آن آعشَقـــ ــهُ

************
رندا &عبد الرحمن
كان جالس بالمكتب بيراجع الاوراق الي قدامه وبيدرس الصفقة
الجديدة وكان مركز بشكل كبير لدرجة ما سمع صوت الباب لما
انفتح بس انتبه للشخص الي دخل من ريحة العطر الفواحة له ابتسم
ورفع راسه وناظر رندا الي داخلة عليه لابسة مثل كذا

ورافعة شعرها بون كوري ,وخصلة من شعرها تمردت نازلة على
وجهها ,مكياجها الخفيف الجميل وزادت ابتسامته لما وقعت عيونه
تلقائيا على بطنها صار واضح البروز فيه قربت وهي ماسكة كوبين من القهوة ..
عبد الرحمن يتناول منها الكوبين ويحطهن على الطاولة :ليه جايبتهم بنفسك مو لازم ترتاحي..
كشرت رندا:اوفف مليت من الجلسة ما اطلع لمكان غير لما التقي انا والبنات..
مسك يدها وسحبها لعنده وجلسها على رجوله :رنود تعرفين انو
حملك متعب ما ابي الا راحتك..
رندا :انزين ,ما مليت شغل حتى بيوم الجمعة ..
عبد الرحمن :طيب يلا نقعد بالحديقة شوي..
قامت وحطت الشيلة باهمال وهو حمل الكوبين وطلعوا للحديقة من
الباب المكتب الي بيطل عليها وجلسوا على المرجوحة ,اخذت الكوب
منه وسندت راسها لكتفه وهي تناظر الحديقة بهدوء كان جو كثير حلو
مع شوية برودة تدغدغ القلب وتخلي شرب كوب من القهوة بهذا المكان والوقت اكثر من رائع برا ..
عبد الرحمن :لين الحين ما تبين تعرفين ولد او بنت ..؟؟
رندا :لا حابة تكون مفاجأة .
عبد الرحمن :براحتك..
مرت لحظات صمت كل واحد يطالع الحديقة بصمت ويعيشوا اللحظة ...
رندا :اوووهههووو..
ناظر الها عبد الرحمن بقلق ولهفة :ايش في..؟؟
رندا ابتسمت ومسكت يده وحطتها على بطنها :يتحرك..
ابتسم عبدالرحمن وهو يحس بحركة الطفل وهمس له :يا ريت تطلع بنوته حلوة مثل امها ..بس مو مثل عقلاتها ..
رندا وهي تضيق عيونها :وايش فيهن عقلاتها..
قرب وقرص خدودها:يووو فديتها ايش حلات عقلاتها حبيبتي..
رندا:اي احسب بعد..
قاطعتهم الخدامة المصرية سميرة وهي ماسكة ابن رندا ريان من يده
:ياست هانم ام عادل جت وجابت ابنك تئول انه ضارب بنتها ..
رندا:ايشش..؟
عبد الرحمن بحدة:ريان تعال ,سميرة تقدر تروحلي لشغلك..راحت
سميرة وقرب ريان وهو مكشر..
رندا:ايش مسوي..؟
ريان بعيونه البنيه وبشرته البرونزية وملامحه الحادة وشعر الاسود
شبه ابوه عمره 5 سنوات بنرفزة:انا اكره البنات الدلوعات ايش يعني
بس شديت شعرها على الخفيف ..
رندا :حبيبي مو انا قلت لك اكثر من مرة البنات مو مثل الاولاد
تضربهن ..واي صح ليه متخانق ومتضارب مع سديم امس ..؟
ريان بغضب باين على وجهه الطفولي:هي عصبتني تكلم عمر طول اليوم"ابن شيخة وفيصل"وما رضيت تكلمني..
رندا مسكت ضحكتها :بس حبيبي راح تكرهك اذا ضربتها ..البنات ما يحبن الي يضربوهن..
ريان وهو رايح بعناد:اوووف ما احب الدلع وضاربها ما يهمني..
رندا طالعت عبد الرحمن وانفجروا ضحك..
رندا :ههه باين ابنك يحب..
عبد\ الرحمن :بس طالع عنيد وما يسمع الكلام مثل امه..
رندا ناظرته بنص عين :قصدك مثل ابوه عنيد ومعقد وما يسمع الكلام..
عبد الرحمن :كل ذا فيني..
رندا بابتسامة :بس مو معي ..وعلى كل حال سديم ما ينخاف عليها
صح هادية مثل ابوها بس داهية مثل امها ..بس بجد مو لاقي الا بنت
تالا هذه تاكله اذا عصبت تصير وحشة مثل امها
عبدالرحمن بضحكة :بهذه صادقة.
عبد الرحمن طالع ساعته:اوووه يلا خليني اتجهز وروح للصلاة..
رندا قامت بس ما حاست حالها الا بالجو..
تمسكت فيه رندا :يووو عبد الرحمن نزلني..
عبد الرحمن :طالعي كيف رجليك ورمانات لانك ما تسمعين الكلام
وترتاحي..وطلع فيها لجناحهم ونزلها للسرير وغطاها:يلا ارتاحي
لين ما ارجع من الصلاة وراح اجي نام جنبك ..وراح حتى يجهز
نفسه لبس الثوب مع الغترة وريحةالعود فاحت منه كان بجد انيق ووسيم.
رندا :حمني..
عبد الرحمن وهو يطالعها من المراية:عيونه..
رندا :ممكن تجيب لي للاب حتى اتسلى شوي على النت مو جاي على
بالي نام ,وكمان وانت نازل خلي سميرة تجيب ريان لانه وقت نومته ..
عبد الرحمن طلع اللاب واعطاها اياه :بس لا تطولي وارتاحي اوك..
رندا وهي تشغله :اوك..قبل ما يطلع
:اوووه صح نسيت ,رندا راسلي الشركة اليابانية عشان البضاعة ويرسلوا لنا الكتلوج عنها ..
رندا :اوك,يلا دراستي للغات كانت مفيددة..
عبد الرحمن :مدري عنك ليه ما رضيتي تعيدي دراستك..
رندا بملل :لا ما احب وكافي اني الحين اختبرت ومعاي شهادات باتقان خمس لغات غير العربية..
عبد الرحمن :كيفك.كان طالع..
رندا نادته :حمني.
عبد الرحمن :لبيييه..
رندا :لبيت بمكة ,امم مشتهية فرولة ..
عبد الرحمن وهو طالع يرسل لها بوسة :من عيوني وطلع ..
اما هي بدت جلستها على النت ....

**عبد الرحمن ورندا تتمثل بكبرياء انثى وغرور رجل ,عدوان
تحولوا الى احباب وعشاق, ظروف جمعتهم مع بعض اكثر من مرة
وولد الحب بينهم ,تناسوا كل الوعدود والتهديدات الي حضروها
لبعض حضورهم مع بعض كافي انه يبعثر كبريائهم وغرورهم مع
بعض بيتناسوا هذه الاشياء بيصيروا روحين بجسد واحد خارج
اسوار بيتهم غرورهم وكبريائهم هو الي موجود حتى لو كانوا
متنازعين مع بعض مجرد دخول حدود غرفتهم بيرموا كل شي
وراهم ابد ما يفكروا بشي غير انهم يكونوا مع بعض كانت ثمرة من
ثمار حبهم ابنهم ذو 5 سنوات ريان بشكل ابوه وشخصية خليطة بين
امه وابوه ,اسم ريان كان اختيار من عبد الرحمن ,رندا كانت امنيتها
يكون ريان بس لانه لابن البكر لابوه لازم يسميه على اسمه بس عبد
الرحمن اصر انه يسموه ريان وما احد اعترض من العيلة...


**مشعل ما تزوج لين الحين مسك شركه ابوه واشغل نفسه فيها
وغرق نفسه بالشغل وما رضي يتزوج ومو مهتم بالزواج..ومضيها بسفراته والحين هو بالمغرب..^ــ*

**نادر والعنود مهبولة و وهو اهبل منها عايشين مع بعض اغلب حياتهم
وناسة وفرفشة مرة شافها لما زار بيت نواف ولما عرف انها اخت
نواف بالرضاعة طلبها وهم عايشين مبسوطيين على الاخر..الهم بس سنتين متزوجين

**ام حسن تغيرت بخاصة بعد موت سهى بجرعة مخدرات زائدة
وعرفت قد ايش كانت مقصرة مع عيالها لما شافت كيف تدمروا
ولولا لطف ربنا كان خسرت ابنها ,كمان صارت ما في اطيب منها
وتعامل الوليد احسن معاملة ,حسن بعد ما ربنا هداه طلب من امه
تدور له على بنت ادب وخلاق ومحترمة وبنت ناس وتزوجها وكان مثال الزوج الوفي والصالح...

**مشاري بعد اختفائه اخر مرة ما عاد رجع لجدة ابد رجع يشتغل
بشركة ابوه بس ابد ما ترك حلمة وكمل شغله بالشرطة وياخذ مهمات
وكثير نجح بهذا المجال ,وابد ما حاول يتدخل بحياة تالا ويحاول
يتناساها بس يراقبها عن بعيد ويعرف اخبارها مثل ما كان زمان...

**فيصل وشيخة بعد ما عرف حقيقة مشاعرة تجاه شيخة تغيرت
حياته للافضل عايش مبسوط ومرتاح معاها كانت زوجة مثالية
بطيبتها وحنيتها وحبها الكبير لفيصل وابد ما كانت تبخل بالمشاعر
تجاهه ,اما هو كان زوج رائع بمعنى الكلمة رومنسي وحبوب
ولطيف وما في اي شي تطلبه منه الا ويكون جوابه حاضر يحبها
ويعشقها ,طبعا ما عدا لما تكون مع البنات تنقلب رجة دجة وهبله مثلهن ..


**لمار وجيكـ بعد اللقاءات ولدت اعجاب من قبل الطرفين ..لما
رجعت الماي لمجاريها برجعت تالا وتصلح حال فيصل مع
زوجته واستلالم جزء كبير من الشغل من قبل تالا قرر يفكر جيكـ
بحياته وما حس بانه في وحدة افضل من لمار شريكة لحياته ,لما
عرفت تالا بغت تطير من الوناسة ..مع زواجهم الاعجاب صار
تعود بعدها قلب لحب مستحيل واحد منهم يتخلى عن الثاني ,هي
الوحيدة الي ممكن تقدر لطبع جيكـ الناري بطرائقها الخاصة >>
الحمد الله ما ردت على تالا لما قالت اعملي له طاف وسوي الي تبينه كان زمانه ذابحها ..

**************
حببتك كثيرااااااااااااااااا " .............
حتى أصّبح العــالمُ بكـِِـل تفاصّيله ؟ أنت ؟..!!
...................
دائماً أشْعرُ برغبة ..... في مُشاكستك و اثَارت جنونك ...~
ربما من سعـــآدتي لأنك فقط لـــيّ.~
...و ربما لأننيْ مجـُُـنـُُــوون بــك حقـــاً.!!

*************
تالا &الوليد
كانت تالا جالسة على التلفزيون هي والوليد
ثواني واجا ابنها نديم بعيونه العسلية مثل امه مع لمعة زرقة خفيفة
وبشرته البيضا وشعره الذهبي عمره 5 سنين قرب منها وباس خدها :ماما ..
تالا مسكته وحطتها بحظنها :شو حبيب ماما بدوا ..
نديم زعلان :ماما انا ليش انا ما انام بغرفتكـ واشر على الوليد وهذا ينام معك بالغرفة..
الوليد كشر:لا حلو كمان فوق ما تزعجني طول اليوم ولاصق بامك كمان تبي تجنني بنومتي ..
نديم وهو يلصق اكثر بتالا :ماما .
تالا وهي تطالعه وبحب :حبيببي نديم مو انت تقول انكـ تبي تصير رجال طيب كيف اذا كنت نايم عندي..
نديم بتفكير :صح رجال ما ينام عند امه ..
تالا تقرص خدودة وتبوسه :يلبي ابني الي يجنن ..
الوليد يهز راسه :وانا ابن الشغاله مو ..
تالا :ههه من صدقكـ تغار منه ما تبطلون يعني ,فيصل وجيكـ ما تغار منهم كذا..
الوليد بقهر :تراه دووم يخرب علينا ولاصق فيك ..
رن تلفون تالا :اووه فيصل اكيد تحت ينتظر نديم..
الوليد :ليش..؟
تالا وهي تقوم نديم :ناسي انه اليوم راح ينام عند بيت عمي ابو فيصل ..
الوليد بهمس:فكة..
تالا قلت شي..
الوليد:لا لا
وبعد ما نزلت نديم وراح ..رجعت فوق ..
الوليد :اخييييييرا ..
تالا :ايش فيكـ..
الوليد:يا ستي ابنكـ نشبة ,لزقة.
تالا :حرام عليكـ..
الوليد:تقولين كذا لانه دلوعكـ....انا لازم اتزوج مرة ثانية.
تالا فزت وحطت يدها على خصر :نععععم ايش قلت ما سمعت ..
الوليد وهو ماسك ضحكته ومكمل مدعي الجدية :اي مثل ما سمعت ..
تالا بصراخ :اي حينها هي تدخل من هنا وانا اطلع من هنا ..
الوليد وهو يناظر التلفزيون وكأنه مو مهتم:عادي ..
لفت تالا وهي تطالعه بحقد ودخلت الغرفة..
كانت تهز رجولها بعصبية ودها تذبحه تدري يمزح بس تنقهر من
هذه السيرة ظلت تتحلطم لين ما حست بانفاس تلفح رقبتها ويدين تمسكها من خصرها...
تالا تحاول تفك منه وبعصبية :مو تبي تتزوج روح بالف داهيه ..
الوليد:ههه تجننين وانتي تغاري وبهمس ذايب ويذوب وهو مسكر
عيونه :هو انا اقدر ابعد عنك مشكلتي احبكـ يا مجنونه ..
تالا كبتت ابتسامتها وقالت وهي لساتها مدعية الغضب :ومين الي يبي يتزوج..؟
الوليد على نفس حاله :في احد يبدل القمر بالنجوم ولف تالا له وحاوط
وجها بيدينه ..قاطعهم توأم نديم سديم ..بعيونها الازرق الدخانية
الواسعه وبشرتها البيضة وشعرها الذهبي بيقولوا عنها شبيهة كرستين ونسخة عنها (ام الوليد)
الوليد:لا والله كملت ..
تالا :ههه .
الوليد يناظرها بنص عين:ايوه اضحكي ايش بلاكي..
سديم:ماما ابي حلاوة ..
ابتسم حينها الوليد بخبث وبباله شي قرب بعد ما ترك تالا وهمس
بشي لبنته وهي بسرعة نزلت تحت
تالا باستغراب ايش قلت لها ..؟؟
الوليد بابتسامة وهو يقرب منها :عادي قلت لها تنزل عند ابوي
وتقوله ابوي وامي مشغولين مع بعض راح اجلس عندك...(هم
عايشين بقصر ابو الوليد بما انه لوحده بعد وفاة امه طلبت الهنوف
الطلاق لانه ابد ما تقدر تعيش معه وهي تدري انه بيكرهها بس
طلبت تعويض وهو ما صدق يتخلص منها )
تالا بصدمة:ايشششش بسرعة لبست الطرحة عارفة الوليد مجنون
ويسويها واول ما وصلت :سديمو تعالي ..
كانت جالسة بحضن جدها ..
ابو الوليد باستغراب :ايش في..؟؟
سديم بدلع وعناد :لا ما ابي ولفت لجدها وهي تمد يدها جدو ابي
حلاوة وينها بابا يقول في عندك كثير منها وهي تأشر بيدها ..
تالا نزلت على الارض بصدمة وراحة في نفس الوقت...
ولعبة الوليد توضحت لها ..
ابو الوليد :ههه باين الوليد لاعب عليكـ..ولف على حفيتدته حبيته
الي تذكره بكرستين :طيب يا عيون جدو الحين اعطيك الذ حلاوة
قامت تالا وهي تتمتم بغيظ وقهر وطلعت للجناح..

اول ما شافها الوليد فقع ضحك بخاصة على شكلها بوجهها الاحمر
من الغضب,سنانها الي ضاغطة بقوة عليها وعيونها الي تناظره
بغضب ..قربت وصارت تطق فيه بس هو ولا عليه منها يضحك
بقوة بعدت وهي تتنفس بسرعة:طيب شغلك معي بعدين..وطلعت ..والوليد مكانه يضحك..

بالليل
واقف برا الجناح يدق الباب :تالا افتحي الباب ..ثواني وفتحت تالا الباب ..
قبل ما يالحق يقول اي شي تالا رمت عليه اللحاف والمخدة :روح نام عند بنتك وسكرت الباب .
الوليد :ههه تالا افتحي من صدقك انتي ..
تالا :اي يلا تقلع لا تزعجني..
الوليد وهو يدندن:تالا ..تالا..تلول..تلو ..عمري ..حياتي ..ما تبين تفتحي..
والله شكلي يفشل..
كبتت تالا ضحكتها وقالت تدعي الجدية:لا ما راح افتح يعني انا قبل شكلي ماكان يفشل قدام ابوكـ..
الوليد لما تذكر فقع مرة ثانية ضحك..
تالا عصبت وبقهر:ما راح دخلك كنت راح دخلك قبل شوي بس غيرت رأي..
سكت الوليد من الضحك:تلول يلا انا ما صدقت انو ابنك النشبة مو
هنا حتى ما يزعجنا تسوي كذا..وظله يحاول مع تالا وما رضيت
وكل ما تلين يتمنذل الوليد فتتراجع ..
دق الباب كأخر مرة:اوووفف تالا لي اكثر من ساعة اترجى فيكـ.
تالا لا رد..
اجت سديم:بابا..يلا تعال نام عندي ماما ما راح تفتح...
الوليد طالعها وما تكلم ..
سديم كملت :انت ليه تزعج ماما عارفها راح تسوي كذا وهي تحط يدها على خصرها..
الوليد قرب وضرب راسها بخفة :ما الك بالي يساونه الكبار
مفهوم..عبست سديم ,مسك يدها الوليد وتوجه لغرفتها بعد ما عرف انه مستحيل تالا تفتح له..
مرت تقريبا ساعتين والاثنين ابد مو عارفين يناموا ..
تالا تتقلب مكانها عدلت جلستها على السرير :اوووففف,قامت من
السرير وفتحت الباب توجهت لغرفت التوأم فتحته بشويش شافت
سديم نايمة والوليد على سرير نديم حاطط يده على عيونه قربت
وجلست على طرفة عارفة الوليد اذا كان كذا معناه انه مو نايم .همست :وليد..
وليد بعد يده عن عيونه:تالا ..بعدها عاود رجع يده وكأنه ماخذ على خاطره ..
تالا بنرفزة:اووفف وليد تدري انو انا لازم اخذ على خاطري..
الوليد بصوت يدعي الزعل :يعني تتركيني برا الغرفة ..
تالا تعرف انه يكره هذا الشي:طيب اذا ما جيت الحين لتلقاني قصت شعري..
فز الوليد بطريقة اربكت تالا :والله اذا بتقصي انش منه لاذبحك, انا
ما صدقت على الله لطال شعرك تبين تقصينه ورجع انسدح..قربت
تالا وانسدحت جنبه وحطت راسها على صدره :طيب انا راح انام هنا ..
الوليد يطالعها بنص عين :تحلمين ننام هنا.
تالا :مو انت مو راضي تجي..
الوليد قام وشال تالا معاه :لا يا قلبي هنا ما اخذ راحتي ..تالا
تعلقت برقبته :وليد نزلني فشلة اذا احد شافنا طلع واتوجهه
للجناح:لا حبيبتي الكل الحين بسابع نومة .
تالا سندت راسها على صدره :المشكلة انك عودتني ما انام الا بحضنك..
.ودخل الجناح وسد الباب
برجله >>على كل حال اتركوهم خليهم ياخذون راحتهم..
**تالا والوليد قصة حب جميل جدا حب وعشق متبادل بين
الطرفين لين الحين الوليد مجننها بنذالته ومقالبه ضدها وصار
يجننها اكثر وهو دووم يتناقر مع نديم ,تقول انا عندي ثلاث اطفال
مو طفلين ,بالنسبة لموضوع فيصل وجيكـ على الرغم من غيرة
الوليد من هذا الموضوع الا انه ابد ما ضايق تالا فيه لانه بيعرف
قد ايش يعننون لها ومكانتهم وهي بالمقابل ما عادت تحظنهم مثل
قبل مجرد كلام ومع مرور الوقت صار الامر عادي بشكل اكبر
عنده ,الاثنين مشغولين بشغلهم بيرجعوا بنفس الوقت لكن ابد ما
خلوا شغلهم يبعدهم كانوا يقدروا يوفقوا وقتهم حتى يعيشوا حياتهم كزوجين طبيعيين.
تالا لين الحين برضوا مجننه الوليد بمغامراتها بخاصة بعد ما صارت فرقة كاملة من البنات معها ..
عندهم توأم نديم وسديم 5 سنين الفرق بينهم انه نديم عيونه عسليه مع زرقة
خفيفة اما سديم عيون ازرق دخانية ومن ناحية الشخصية نديم طالع
مرجوج وعصبي ومصفوق لامه ,اما سديم هادية وباردة مثل ابوها
بس لما تعصب تقلب وحشة مثل امها

النهـــــــــــــايــــــــــــــــــة