بسم الله الرحمن الرحيم

قصيدة حمود جلوي الله يذكر ذيك الأيام بالخير , اشعار حمود جلوي , شعر الله يذكر ذيك الأيام بالخير , ابيات من كلمات الشاعر حمود جلوي

الله يذكر ذيك الأيام بالخير
أيام ماكنت بعيونك لحالي

أيام ماصارت ولا مثلها يصير
عيت تفارق في غيابك خيالي

أيام كانت في تواصيفها غير
يوم ( ..... ) جاب راس الشمالي

تاخذني الذكرى على الدرب وأسير
وأحن لأيام الغرام الخوالي

واراجع الماضي وذيك المشاوير
وأحسك من الشوق واقف قبالي

يا أغلى العمر مال الخطايا معاذير
مابي بدالك لو تدور بدالي

وإن جاء مكانك غيرك بيوم ( يا طير )
ماكل غالي يسكن الروح غالي

أو جاك مني يالغلا بيوم تقصير
بيض الليالي غير سود الليالي

بعض الخطا يحتاج مني لتبرير

لو العذر فيني من الذنب خالي

غاليك ضايق للسماء وده يطير
ضاقت عليه الأرض والموج عالي

دارت به الدنيا ولا عاده بخير
غاليك ضايق يابعد كل غالي

تدري وش اللي دمر القلب تدمير
إنك لغيري صرت وأنت حلالي