هذه مداعبه من نسج الخيــااال .... ولكنها بنفس الوقت تحكي واقــع منتشــر
لاأريــد الإطالــه ... فالابيات تحكي وتشــرح نفسها بنفســهااااا
[poem=font="Simplified Arabic,6,black,normal,normal" bkcolor="transparent" bkimage="backgrounds/2.gif" border="outset,4,gray" type=3 line=0 align=center use=sp num="0,black"]
(توبه يالغزل)
قصتي بالصدق مدري بالمحال=حظي اللي مايلٍ ولا اعتـدل
ياهبالٍ في هبالٍ في هبال=صرت تايه في طريقي منهبل
اسمعوني وافسحولي بالمجال=صدّق القصه وصدّق ماحصل
شفتها بالسوق تزهي بالجمال=والعيون اللي بنظرات الخجل
صوبها قرّبت واعلنت السؤال=ويش جابك ياعيوني هالمحل؟
ناظرتني نظرةٍ فيها دلال=واخزرتني بالعيون اللي تذل
قالت ابن الناس سولف بإعتدال=واترك الزلاّت عنك لاتزل
قلت انا والله والله ياغزال=مابغيت الا من أطراف العسل
قالت انت ضايعٍ حد الخبال=حسرتي من وين اجيبه يالخبل
قلت كيف تجهل الشهد الزلال=والعسل في ريقك الصافي يهل
واصفعتني كف باليد الشمال=قالت اترك عنك منطوق الغزل
لعنبوها يدها طاح العقال=والفكر مني تلاشى واختلل
قلت انا والله يابنت الرجال=فاكرك بنتٍ تجيبي من سأل
لاسألتك وصل قمتي بالوصال=ولاسألتك رقم تعطيني عجل
مادريت انك بعيده كالهلال=ولادريت انك اصيله في النسل
اعذريني يابنيه بالفعال=واعذري زلاّت رجلٍ قد جهل
والله اني تبت من فعل الجهال=والله اني تايبٍ من ذا الغزل
الغزل مافيه غير إلا الهزال=والكلام اللي على حد الملل
زينة الرجال فعله بالحلال=زينة الحرمه ببيتٍ مستقل
المواقف كثرها كثر الرمال=منّها نعتاض ونحصل لحل
يالله اغفر زلّتي من كل قال=وان زللت الفعل تغفر ذا الفعل
سعود[/poem]
مواقع النشر (المفضلة)