بسم الله الرحمن الرحيم

قصيدة زوجه في زوجها بعد ما تزوج عليها

يارب ساعدني على ماجرى وكان …… واجبر عزانا في حبيبٍ جفانا
اول محطاً له وزير وسلطان …….. يمشي على قولي ويتبع هوايا
واليوم صد وبدل الحب هجران ….. اصبح مجافينا ويفرح عدانا
والله لو يشرا حبيبي بالاثمان …. لأشريه لو حدوه غالي علينا
وسلطان يشكيلي وانا اشكي لسلطان …. يقول ليش ابوي صيف علينا
واقوله بابا تزوج و غرقان … بحب الهنوف اللي رغبها علينا
ابوك ياسلطان لو كان ماكان …. ابوك له حقٍ كبيــر ٍ علينا
ابوك مامثله شبيهٍ بالأوطان …. بس القدر حاسه عليك وعلينا
من اول مايلحقن منه نقصان …. واليوم جافينا وله ماجفينا
اضحك مع العالم وانا كلي احزان ….. من روحته عنا ترا ماسلينا
سلطان انا بأصبر ولو كنت منهان …… حتى لو ان الصبر كايد علينا
الصبر غالي مايقدر بالاثمان …… الله يصبرنا على مابلينا
سلطان لو بكتب من الشعر ديوان ….. لأبوك والله مالحقه وفينا
سلطان ابوك اليوم صد وتنحان …… وحطم جميع امالنا اللي بنينا
انا اشهد ان ابوك قاسي ياسلطان ….. ياحيف كيف أقفى ونكد علينا
اول ترى نفخر بعرفه ياسلطان ….. واليوم عرفه صار نقصٍ علينا
ياليت ربي ماسعى به ولا كان …… وياليتنا في بعضنا ماأبتلينا
ابوك ياسلطان الحين مشتاق …. يمكن يجيله يوم يسأل علينا
انا برجوى اللي خلق كل انسان …… الواحد اللي مايقصر علينا
سلطان ليت أبوك يرجع كما كان ….. ليته على غفله يسر علينا
والله لو يدخل لأزغرت ياسلطان ….. واني لأبشر كل غـالي علينا
ابوك حبه مايقدر بالأثمان ……. مودته بالقلب غصبٍ علينا
سلطان كان انك على ابوك ولهان …… حنا ترى مثلك عليه انكوينا
الله على وقتٍ مضى لي ياسلطان …… يوم ان ابوك خويتمن في يدينا
أبوك مهما يصير غـالي ياسلطان …… بس الهموم اليوم تغلب علينا
مير يالله طلبتك بيننا تصلح الشأن ……. وأعقل علينا اللي عزيزٍ علينا
سلطان لاتزعل إذا أبوك غلطان ……. يمكن يجيله يوم يرضى علينا
حنا برجوى اللي فرض خمس الاركان …… الواحد اللي مالغيره رجينا
يارب عجل بالفرج لأم سلطان ….. ورده لنا تراه غــالي علينا
من روحته عني وحالي بنقصان …… شكوى إلى الله مالغيره شكينا
صلاة ربي عد وردٍ ببستان …… على محمد عد حرفٍ قريتــه
للعلم سلطان ولدهاا …
………………………………………….. ………………………………………….. …………………..
زفوه قدامــي وأنا العين تبكيه
……………………….زفوه للي حكمها بنت عمـــــه
زفوه قدامـــي وأنا القلب يشكيه
……………………..وشلون خان اللي غرامه بدمــه
أقبل عليها يحضن البنت بيديـــه
…………………..وأنا أذوق الموت مع كل ضمـــــه
فرحانه أمه في نظرها تراعيـــه
……………………..وأنا أصيح الموت للقلب يمـــــه
وشلون قفي حبي اليوم ناسيه
………………………وشلون ذوقني من الغدر سمــه
ياقلب خانك وأنت ياقلب شاريــه
…………………….ياكيف بعض الناس مافيه ذمــــه
وشلون خانك وأنت بالدم تغديــــه
………………………..وتفز مع كلمة أحبك بفمـــــه
جيت لزواجه يوم الاشواق ترجيه
……………………وأدري زواجه غصب عني بيتمه
أكذب على نفسي وأنا اقول ماابيه
………………..وأضحك وأنا اللي يطعن القلب همـه
لكن عجزت اكتم دمــوع تناديه
………………….وهو جالس يسولف على بنت عمه