بسم الله الرحمن الرحيم

قصيدة إمرأة تهجو زوجها


ليت الجروح قصاص وأخذ بثاري
لجرحك جرح ما يداويه دكتور
جرح يطفي من لواهيب ثاري
ويشفي غليل لاعني من الجور
سقيت قلبي من الغدر سم هاري
وودعت عقلي تايه الراي مخطور
ودي قبل موتي أرد إعتباري
أخاف أموت وخاطري منك مكسور
على كرسي الجرح طال انتظاري
ما تلتفت لي.. ليه قاسي ومغرور؟!
مفعول غدرك داخل القلب ساري
وماظن في قلبك احاسيس وشعور
لا من كتب ربي عليك انتصاري
أبتركك في ليل الأحزان مأسور
لا والله الجفاء بالحب ما هو شعاري
وحده بوحده ..وما خذ الثار معذور
محد بحالي من سواياك داري
أضحك وأجامل ..والحشا منك مقهور
ليه الوفاء ماله بخاطرك طاري؟
يا محترف تجريح قلبي من شهور
أصبح غراب اليوم يقنص حباري
الله أكبر يالرخم !! صارت صقور