بسم الله الرحمن الرحيم


قصيدة لا تحسبني ياهوى البال ناسيك


لاتحسب اني ياهوى البال ناسيـــــك
انسى جميع الخلق بس انت منساك
البارحه جريت صوتي ونــــــاديــــــك
ووجــه الاصــــوات منا ومنــــــــــاك
وقامت هواجيسي تسابق لطاريــــك
ويالعنبو الهوجاس لاجاب طريـــاك
انشهد ان القلب بالحيل يغــــــليـــك
كل ماذكرتك فز قلبي لذكــــــراك
متى على الله يالغلا نلتقي فيـــــك
العين تحلم بس في يووم لقيـــاك
لولا الغلا ياهيه ولا ماجيــــــــــــك
ولولا المحبه كان ماقلت نفــــــــداك
انت الوحيد اللي عيوني تداريــــك
والعين ماشافت من الناس يسواك
حسن ودلع سبحانه اللي مسويك
وغير الدلع والحسن كلن تمنـــاك
ياغايتي يامنيتي انت وش فيـــــك
الموت عندي لو حصل يوم فرقــاك
امشي مع العربان وقلبي يحاتيك
الله يعين القلب ولا انت مـــــــدراك
دايم على بالي وتطري طورايــــك
اكذب عليك ان قلت مامر طريــــــاك