بسم الله الرحمن الرحيم

قصيدة يا وردة طالت على مدرج السيل

ياوردةٍ طالت على مدرج السيل
. . . . بين الشجر تمـــايلت وســـط ظــلّه
يانجمةٍ يفرح بها ساري الليل
. . . . والعاشق اللي فاقدٍ شــــوف خـــلّه
يانسمةٍ زانت أوقات التعاليل
. . . . تلعب مع غصون الشجر مــاتمـــلّه
ياغيمةٍ فيها بروق وهماليل
. . . . ماهي برعــادة مطرها تهـــــلّه
عليك قلبي عذب الحال بالحيل
. . . يكفخ كما حراً سبوقه تـتــلّه
دونك رقيت أعلى المشاريف وآخيل
. . . . واقــول يــانفســي بـعيــــداً محــلّـه
يطرقني طاروق المسافات بالميل
. . . وبالكيلو حول ألفين صارت ممــلّه
شعر / فضي الهدباني