رواية وش كثر حكم القدر قاسي ٢٠١٤

[موكاتشينو]

بسم الله الرحمن الرحيم

رواية وش كثر حكم القدر قاسي ٢٠١٤

للكاتبة : خواطر اثير


طبعا بدايتا حابه من الجميع يقولي رايه بالروايه ويدعمني كثير لان دعمكم لي كثير بيفرحني واتمنى ماتجمدوني وتردون علي ادا اكمل ولا اوقف لاني بنزل هالحين البارتي الاول بس ادا عجبتكم الروايه وحابيني اكمل قولي لي

آه من حكم القدر ، وقد عبث بي بعد أَن فارقتني ، ورماني في وهدة الشقاء واليأس .


(البارت الاول)


الكل كان نايم ماغير ابو محمد وام محمد وكانت الساعه تقريبا 8 صباحا

ابو محمد ( اسمه عبد الله تاجر كبير جدا ومعروف في السوق بكرمه وطيب اصله عمره 40 متزوج وعنده اولاد وبنات )

يالله ياام محمد قعدي عيالك لان هالحين بنمشي للبيت الجديد

ام محمد (اسمها زهور زوجت ابو محمد جمميله جدا شعرها طويل بيضه بياض الثلج متواضعه وتحب اللمه والناس) سم ياعبد الله بقعدهم هالحين وراحت ام محمد تقعدهم وصار الكل بصاله

محمد(اكبر واحد في اخوانه وكان في قمه الوسامه نحيف شعره واصل لاكتوفه خشمه شاق وجهه ابيض شخصيته غامض وعصبي جاد جدا ولا يحب يمزح كتير يشتغل في البحر كاغواص ومنقذ ) يبه خلاص بنروح عن هالحي وبننقل من البيت خلاص

ابو محمد ايه ياولدي خلاص ان شاء الله يعجبكم البيت الجديد وترتاحون فيه

غرام(اكبر وحده في خواتها عيونها مكحله من ربي خشمها شاق وجها متوسطة الطول وجسمها خيال شعرها موب طويل ولا قصير لونه احمر غامق مملكه على ولد خالتها ) يبه وينه هالبيت ابعيد عن هالحي

ابو محمد ايه اشوي هالحين بتشوفونه يالله تزهبو ياولاد وزهبو سيارتكم

غرام وتولين وصمود راحو لغرفهم يجهزون الشنط

غرام بتصل على وسيم وبقله اننا هالحين بنمشي

صمود(بنت في غايت الجمال احلى وحده في العايله شعرها طويل لونه اشقر خشمها سيف وشفايفها حمره عندها غمازه على اليمين وخال صغير تحت فمها عيونها وساع وكبيره لوونهم عسلي بيضه نحيفه شخصيتها جذابه فرفوشه والكل يحبها صوتها غايه في الجمال )لاتزعجينه خل يرقد اضن مابعد قام

غرام ايه صدقتي بحط له رساله وبس

تولين(اصغر وحده في العايله تدرس اوله ثانوي مرجوجه تحب الونسه كتير مره وتحب المدرسه تحب ولد خالتها الي بمثل سنها والكل يدري وهو خاطبها كلام مش رسمي كانت جميله تشبه امها كتير )يالله يابنات ابوي ينادي علينا

البنات نزلو لدور الاول والكل كان حزين انه بيفارق البيت الي تربو فيه وكبرو فيه وكل الذكريات فيه

ام محمد تاكدو يابنات ماخليتو شي من اغراضكم ترى مافي رده مره ثانيه

صمود لا يمه خذينا كل شي لاتخافين

ام محمد زين يالله مشينا تاخرنا

طلع الكل من البيت وابو محمد يقفل البيت وطلع على سيارته الي نويتها جمس كبير الي كان يسوقها السواق كومارو وام محمد كانت معاه هي والشغالات كريمه وبهيجه

سيارت محمد ( نوعها كان موستنج 2013سوداء اللون) وماكان احد راكب معه لانه كان رايح على طول على شغله

سيارت تركي (نوعها موسكو 2012 وكان مره مزبطها) كان فيها غرام وتولين وصمود

ومشو الكل بتجاه البيت الجديد وكانو ماودهم يفارقون البيت بسملو من قدمه

وفي الطريق وبتحديد في سيارت ابو محمد

ام محمد والله يابو محمد محزنيني البنات ماودهم يفارقون البيت

ابو محمد لا تحزنين ولا تقلقين عليهم ان شاء الله يعجبهم البيت ويتعودون عليه

ام محمد ان شاء الله ربي يسمع منك

وفي سيارت تركي

تركي (ثالث واحد بعد محمد وغرام وسيم جدا فرفوش ومرح وكل البنات طايحين عليه مطيع لمه وابوه وكان واثق من نفسه كثير رومنسي يحب اخته غرام ويفضلها عن البقيه) سار لنا ساعه نمشي ولا تكلمتو تبون تسمعون شي

غرام ايه ياريت نبي نغير جو شوي

تركي من عينيه ياعروستنا

غرام وهي مستحيه وبنفس الوقت حزينه عقبال مانشوفك انت عريس

تركي احم احم لا لسى مابعد كبرت ابي اعيش حياتي الاول

صمود بتريقه وبطفش منو بترضى تاخذك يالمرجوج

تركي الى منو الي مابترضى تاخذني افا عليك مضبط اوموري

تولين ايه خلك مثل اختك تولين عايشه حياتها ومعليها بحد

تركي لاتوصيني ياتوته وهو ماد يده ويشغل غنية ونسى وش بهالشريط اغاني على اغنية امي ثم امي) والكل سكت وزاد حزنهم حزن وطال سكوتهم لفتره وهم منصتين للغنيه

صمود ليه ياتروك كدامو ناقصين نحزن زياده تكفى طفه

تركي ام سوري بنات بس والله نسيت وش بهالشريط اصبرو اغير لكم ومد يده وقفل الغنيه

غرام لاتشغل شي ناظر ابوي وقف

تركي لايكون هدا هو البيت لالامو مصدق

تولين اصبر لاتستعجل خل نشوف ابوي

دخلت سيارت ابو محمد وبعدها سيارت تركي داخل هدا القصر الكبير الى ولا بالحلام كان البيت جدا كبير وكله اشجار وزرع وممرات كتير وعليها ورد يفتح النفس من جميع الاوان ونافوره كبيره بالوسط على شكل طاووس وبيت الشعر لفو حاولين النافوره ووقفو عند باب القصر والاشجار من كل مكان والانوار نزلت تولين اول وحده تركض وهي طايره من الفرح نزل ابو محمد بعدها وبعدهم الكل نزل متفاجيين بالي شافوه

ابو محمد يالله ياكومارو انت والشغالات نزلو الغراض للبيت

كومارو حاضر بابا

الكل دخل للبيت وبقو السواقين والشغالات بره ينزلون الاغراض

ام محمد لااله الا الله وش هالزين كله الله لا يحرمنا منك ياابو محمد

تركي من جد يبه احلى من بيتنا الاول

صمود بفرحه يبه يبه وينن غرفنا ودنا نتفرج عليها

ابو محمد بدور الثاني

تولين وصمود يركضون لدور الثاني

تركي وانا وين غرفتي انا وحمود يبه

ابو ممحمد بدور الثاني بعد

تركي الله لا يحرمنا منك يبه وطلع لغرفته

ام محمد اجل وين غرفتنا انا وانت

ابو محمد تعالي اوريك هي تراها بدور الاول

غرام جلست بصاله الي كانت فخمه جدا وفيها شباك كبير مره يطل على الباب والاشجار والجلسات وتقول بنفسها يالله وش زينه ربي لك الحمد متى اتزوج واجيب عيالي يركضون بهالجنه خلني اصوره لوسيم

وفي الدور الثاني

صمود اكيد هدي غرفتي انا قايله لبوي من قبل يحطها لون احمر

تولين وانا هدي غرفتي الورديه

ودخلت كل وحده غرفتها

صمود وهي عقلها بينشل من الغرفه وننناسسسسسه غرفتي الي احلم فيها ربي يخليك لنا يبه وتركض للبلكونه الكبيره وتفتح باب البلكونه على المسبح والاشجار والباب الكبير الي بنهاية البنايه ومتفاجى بكل شي وترد تدخل داخل الغرفه كانت غرفتها جمميله جدا وفيها قسم خاص بالموسيقى من البومات وبيانو وكل ادوات الغنى وتقول بنفسها ربي يخليك لي يايبه الي ما خليت شي نفسي به الى وجبته تقاطع تفكيرها تولين موده موده تعالي شوفي

صمود بسم الله الرحمن وشبها تصارخ وش تبين يالله جايه هالحين لاتصارخين

تولين وش رايك بغرفتي

صمود بتفاجى وووااااااااااووو

تولين تدور بالغرفه اخخييييييييييرن كل هذا لي

طبعا صمود تفاجات لان الغرفه كان فيها قسم خاص كله قصص وكتب وكانت المكتبه متحركه ولونها وردي

تولينن كل هذي انا بقراها موب مصدقه يا موده وتركض لصمود وتضمها

صمود وخري خنقتيني اكيد بلاك ماشفتي قسمي الخاص الي كله موسيقى

تولين معلي اهم شي قسمي انا بروح اتشكر ابوي كتيير

صمود خذيني معك

وركضو للدور الاول

ام محمد وشبلاكن يابنات اشوي اشوي

تولينن يمممه وين ابوي

ام محمد راح للمزرعه

صمود غروم تعالي معنا لبوي بنتشكره

غرام يالله

الى على دخلت ابو محمد

تولين تبوس راس ابوها مره ثانكس يبه عجبتني الغرفه كتير وخاصه قسم المكتبه

وبعدها صمود وانا مثلها يبه مره عجبتني الغرفه وتضم ابوها

ابو محمد لاتشكروني ياحبيباتي انتم تستاهلون اكتر

غرام يبه وش فيك وجهك موب عاجبني

ابو محمد لا وانا ابوك مافيني شي بس يمكن اشوي تعب

تولين بسم الله عليك يبه

ابو محمد ياالله يازهور انا بطلع طالبيني الشركه

ام محمد زين ياعبد الله انتبه لنفسك وتعال الظهر بنكون مزهبين الغداء

ابو محمد خلاص ولا يهمك يالله يابنات تونسو

البنات زين يبه مع السلامه

يتبع البارت 2

[موكاتشينو]

(البارت الثاني )

طبعا هنا طلع ابو محمد وكان يحس بشويت ضيق بس حس انه تعب طبيعي واشوي وبيروح

وصل ابو محمد للشركه وكان الكل بنتضاره

ابو محمد وش فيه ياسالم وش الي صاير

سالم (صديق ابو محمد وماسك شغله كله تقريبا ويده اليمين)
والله ماني عارف وش اقولك ياعبد الله بس صارت كمن مشكله بالشركه في غيابك وخصرنا خصاره كبيره

ابو محمد ﻻ وانا اخوك ياسالم ﻻ تقول كدا

ابو سالم مع الاسف هدا الي صار ومانقدر نعوض الخصاره الي راحت إلى بعد سنه تقريبا

ابو محمد مو معقوله أنا اخصر كل شيء في ثواني أنا عشت حياتي ياسالم بس عيالي لسى العمر قدامهم وابيهم يعيشون براحه وﻻ يحتاجون احد

سالم ماعليك ياعبد الله أنا سندك وعونك عيالك مراح يضيعون ﻻننا مخزنين كمن فلس في البنك وان شاء الله راح توقف الشركه من جديد انت هالحين رح لبيتك وارتاح ﻻن باين عليك تعبان وتعال بكره ونشوف وش نسوي

ابو محمد تكفى ياسالم وانا اخوك دور حل بسرعه أنا ماضمن عمري كتير

سالم بعيد الشر عنك ياعبد الله رح ارتاح بين عيالك وانا بشوف حل

هنا طلع ابو محمد وهو في قمة ضيقته من الي صار وكان شايل هموم الدنيا على راسه ركب سيارته
ومشاء وﻻ هو عارف فين يروح وكانت الساعه تقريبا 11صباحا
وهو ماشي حس بكتمه شديده ودوخه ومقدر يسيطر على السياره الي انحذفت خارج الطريق وتقلبت كم قلبه

بعد صلاة الظهر دق جوال محمد

محمد الووو
.... محمد ؟!
محمد ايه أنا محمد مين معي
.... أنا سعود من مستشفى ال.... طالبينك المستشفى لاكمال اجراءت ابوك المتوفي البالغ من العمر.40 سنه
في حادث مروري سيارته جمس ..

محمد وقف على حيله وبصوت عالي ايش وش قاعد تقول انت وش الي دراك انو أنا محمد اصلا

سعود عفوا يامحمد لقيت اسمك بجوال ابوك باسم محمد ولدي الغالي فقلت اتصل عليك ﻻن مالقيت غير اسمك اخر اتصال البقاء لله ونرجوك تحضر لستكمال الاجراءت أنا انتظرك عند باب المستشفى

محمد رمه الجوال وكانت دموعه بعينه وركض للسيارته

فهد وهو ماخذ جوال محمد من الارض محمد محمد وقف وش فيك وش الي صاير(فهد شاب وسيم جدا له هيبه شديده يحب الوناسه عصبي اشوي ويحب محمد الي كان ولد خالتو )

محمد وهو مسرع ناحيت سيارته ومايرد على فهد

فهد لحقه ومسك يده محمد قلي وش الي صاير وش فيك

محمد ودموعه على خده ابوي ابوي يافهد ابوي مات يافهد مات

فهد ﻻحولا وﻻقوة الا بالله من قالك هالكلام. ومتى وكيف

محمد مادري مادري يامحمد أنا رايح له بالمستشفى

فهد صل على النبي يامحمد انت رجال وموزين الي تسويه اركب أنا اوصلك له يالله اركب

ركبو محمد وفهد وراح للمستشفى وبسياره الكل صامت

فهد ماسك دموعه محمد كلنا بنروح حاول تمسك نفسك قدام الناس وقدام اهلك

محمد وهو منزل راسه ودموعه بثوبه اه يافهد اه لو تحس بحرقت قلبي تخيل كاتب ابوي ولدي الغالي علي اه فديتك يبه ليش خليتنا

فهد ويطالع لقدام وخيم الصمت من جديد وصلو للمستشفى

محمد يركض للاستقبال وراه فهد

فهد معليش جاتكم حاله قبل شويه باسم عبد الله محمد ال .... وينه

الممرضه اها تقصد إلى توفى قبل شوي من هنا وتاشر على ثلاجة الاموات على جيت الدكتور سعود

فهد السلام عليكم

سعود وعليكم السلام انت محمد اكيد

فهد ﻻ هذا محمد وياشر على محمد

محمد صدق يادكتور ابوي مات تكفى قل انك تمزح علي

سعود اخد محمد ووراهم فهد اسمعني يامحمد ابوك توفى احنا حاولنا نساعده بس للاسف مافي فايده هذي الحياة كذا تاخذ منك شيء وتاكد بيوم راح تعطيك شيء وﻻ عمرك بتحلم فيه

محمد فراق ابوي مو سهل يادكتور ماني عارف وش اقول لاهلي

سعود تصبر وامسك نفسك واذا عن اهلك ربي بساعدك أنا مطر اروح هالحين ﻻن عندي كم شغله بخصوص ابوك وانت تعال معايه تستلم الجثمان

وفي بيت ام محمد الكل كان مجتمع بطاولت الطعام ينتضرون ابو محمد ومحمد

ام محمد غريب يابنات ابوكم مايرد علي وﻻ محمد يرد علي تاخرو كتير دق ياتروك شف وينهم

تركي زين يمه ويدق وﻻ احد يرد

صمود تروك دق على فهود يمكن يدري وينه

تركي ايه والله راحت عن بالي ويدق على فهد

فهد الوووو

تركي هلا يافهود كيفك علومك

فهد بنبرت حزن وضيق بخير ياتروك كيفك انت

تركي حس انو فيه شيء من صوته بخير ياولد الخاله حبيت اسالك عن حمود يمك وﻻ طب البحر

فهد معليش سامحني ياتركي ﻻزم اقولك ادا عندك احد رح عنه بكلمك

تركي وقلبه يدق ان شاء الله وراح برى القصر طلعت هالحين قلي وش السالفه

فهد اسمع ياتركي. وسكت ثواني أنا بالمستشفى

تركي سلامات وش فيك

فهد ﻻ مافيني شيء بس ....

تركي بس ايش تكلم حمود فيه شيء

فهد ابوك مات ياتركي

تركي ...... ابوي مات ﻻ انت تلعب علي صح فهود ابوي مات

فهد تصبر ياتركي والبقاء في حياتك وابوك بمستشفى ال .... تعال وودعه قبل يحطونه بالقبر

نزلت دموع تركي وكان في قمة صدمته و ﻻ عارف وش يسوي وﻻ وش يقول دخل البيت ودموعه في عيونه

غرام تروك وش قالك فهود وين ابوي تر... تركي وش فيكك

تركي ودموعه تزيد ابوي. م ا ت مات ياغرام

غرام وتهز كتف تركي وبصوت عالي وش قاعد تخرف انت ﻻتكذب علي ابوي وينه وينه ابوي مامات ابوي بيجي يتغداء معنا حنا منتضرينه وتبكي وتقعد على ركبها في الارض اه يبه وتصيح


سمعة ام محمد البكاء والصياح وتركض على الصاله.ووراها تولين وصمود وش فيه ياعيال من مات

غرام ابوي يمه ابوي مات يمه اه يبه وتضرب رجولها

ام محمد يغمى عليها. صمود وتولين من غير اي ردت فعل راحو يقومون امهم

وفي المستشفى. على الساعه 3

فهد حمود قلت لتروك

محمد هو ﻻزم يعرف الله يصبرنا كلنا

فهد متى راح ندفن ابوك

محمد بكره بعد صلاة الظهر

فهد الله يرحمك يعمي يالله مشينا


انتهى (البارت الثاني)

يتبع البارت 3

[موكاتشينو]

(البارت الثالث)


هنا طبعا توفى ابو محمد عبد الله التاجر الكبير الي كل الناس تحبه. وتضرب له الف حساب.

في اول ايام العزا في القصر (بيت ام محمد )
الي كان ممتلي بالناس والسيارات

وفي مجلس الحريم. الي الكل فيه كان يصبر ام محمد

طبعا هنا كمان حابه اعرفكم بااهل ام محمد

ام محمد عندها خوات ثلاث

ام فهد جايه بعد ام محمد عندها بنتين وولدين الي هم (فهد “ وسيم “ كمايل “ روز )

ام عناد جايه بعد ام فهد عندها ولدين وبنت ( نوري “ عناد )


ام خالد جايه بعد ام عناد عندها ولدين وبنتين ( خليل وكان متوفي “ خالد “ شهد “ دﻻل )

نكمل عند الحريم

ام فهد وهي تمسح دموعها خلاص يازهور الي كاتبه ربي بيصير ﻻزم ترضين بالي كاتبه ربي وتهدي في زهور (ام فهد انسانه خلوقه جدا جمميله وتحب الناس مثل اختها )

ام محمد وهي تبكي الحمد لله على كل حال

وفي الدور الثاني. وبتحديد غرفة صمود الي كان فيها كل بنات خالتها

صمود وهي تبكي اه يبه من لي بعدك أنا. ليه يبه تتركنا وتروح تكفى رد لنا يبه

وبحضنها تولين اختها الي كانت صامته ومتلحفه

كمايل تكفين موده ﻻتسوين بنفسك كدا كلنا معك امك واخوانك واخواتك وانا معك حبيبتي
(كمايل بنت قمة من الجمال عيونها فيها حور« انتبهو هنا ﻻتحولون البنت حور موب حول هههههه كملي بس شعرها طويل قاصته فروله
وكانت تحب صمود كتير واقرب وحده من بنات خالاتها ونقدر نقول صندوق اسرارها)


تولين وهي قايمه من حضن صمود روز تعالي معاي لغرفتي بوريك شيء مره حلو

روز وهي مستغربه من تولين انها مابكت وﻻ نزلت دمعه وﻻ كن شيء صار ايه يالله مشينا (روز بنت فرفوشه وبعد مرجوجه مثل تولين حلوه تشبه ابوها كتير تدرس باوله ثانوي مع تولين الي كانت مره متعلقه فيها )

طلعو تولين وروز للغرفه الثانيه

كمايل يالله ياموده قمي تحت عند الحريم

صمود مستحيل انزل انتي مو من جدك وهي تبكي

كمايل ﻻزم تنزلين حبيبتي عيب مايصير كدا

شهد خلاص كمول ﻻتجبريها يمكن مرتاحه هنا (شهد بنت مدمنت نت « اهم شيء.
جمميله مره شعرها قصير لونه اسود مره بشرتها لونها برونزي خيال وكانت دايم مع غرام ونوري )
خلاص بنات أنا بنزل تحت تنزلين معاي نواره

نوري ايه يالله ﻻن اكيد غروم محتاجتنا وانتي يادلول وياكمول قعدو مع موده (نوري كمان بنت جميله مره وذوق شعرها ﻻ هو طويل وﻻهو قصير طويله بس موب مره «الزبده.
طولها عادي وحلو بيضه وهاديه نوعا ما تشتغل في المستشفى كاممرضه)


كمايل اكيد مراح اخليها بقعد أنا ودلول معها

طلعو نوري وشهد من الغرفه رايحين تحت عند الحريم

وفي مجلس الرجال

سالم الله يرحمك ياعبد الله فقدتك يااخوي «طبعا ماكان اخوه بس من كتر مايحبه يقول عنه كدا

ابو حمد الله يصبرنا كلنا على موت الغالي تصبر ياولدي محمد (ابو حمد جارهم في البيت القديم ﻻاكثر )

سالم يكلم محمد محمد احنا ﻻزم نتكلم مع بعض بس خلي ايام العزاء تخلص

محمد بنبرة حزن يصير خير ياعمي

تركي دخل للمجلس وكان باين عليه الحزن تفضلو العشاء

الكل قام للعشاء ماغير محمد وتركي واولاد خالاتهم

محمد يالله ياشباب قمو للعشاء

فهد ﻻ أنا بجلس عندك مالي نفس

وسيم وﻻ أنا موب قايم ( وسيم شاب متكبر مره انيق شعره كدش ومايحب يلبس ثوب متوسط ﻻهو قصير وﻻ طويل مطيع لمه كثيير وخاطب غرام )

محمد ﻻ مايصير كذا قمو كلو أنا مالي نفس

وسيم خلاص ياحمود بنجلس ﻻتشيل همنا بناكل بعدين

الساعه تقريبا 9 ليلا

تفرق الناس كلهم

ام فهد يالله ياخيتي زهور أنا ﻻزم امشي تعرفين مقدر اتاخر اكتر من كدا وام عناد بتجي معي وادا احتجتي شيء اتصلي علي وبخلي بناتي عندك يونسونكم

ام محمد تسلمين ياخيتي جيتكم عندي بدنيا وﻻ تستاذنين البيت بيتكم

ام خالد وانا بتم عندك اليوم

ام محمد زين الي يريحك

ام خالد اخذت ام محمد على غرفتها وجلست معها لين نامو الثنتين

وفي دور البنات

شهد تبي تضيع سالفة الحزن وتخرج البنات من الي هما فيه يالله بنات كلنا نطلع الحديقه وش رايكم

روز ايه يالله مشينا « متحمسه الاخت

غرام ﻻمالي خلق يابنات

شهد قمي قمي بالا دلع وﻻتبيني اناديلك حبيب القلب وسوم « تفكيرها معدوم

غرام ﻻتكفين شهود موب ناقصه شيء خلها اي يوم تاني

شهد على امرك أجل أنا مخدده وابي فراش حرير «تقصد فيها نوم

كمايل ﻻزم نتفق كل وحده وين تنام أنا عن نفسي ابي مع موده

دﻻل وانا بعد ابي انام بغرفت موده

شهد أجل أنا ونواره بغرفة غروم معي يانواره وﻻﻻ

نوري ايه معك يالله غروم «عزمو انفسهم ونسو راي البنت

غرام زين يالله ﻻني تعبانه مره وابي انام

روز أجل ياتوته أنا معك مابقى غيري

تولين بفرح ايه فديتك مابي غيرك ترقدين عندي

هنا الكل استغرب من تصرفات تولين وﻻ كن ابوها مات

قامو كل البنات كل وحده بغرفتها وكانت الساعه تقريبا 11

في مجلس الرجاجيل

فهد يالله ياحمود ترى انت تعبت اليوم مره قم نام وارتاح

محمد انام وابوي مات وبعدين كيف اخليكم هنا وانام

فهد ﻻ ياشيخ احلف بس أجل تموت نفسك وبعدين نحن قايمين معك يالله

وسيم زين ياعيال أنا وين بنام

محمد تعال انت وفهود معي بغرفتي

خالد أجل ياتروك أنا وعنو معك « ترى عنو دلع عناد

تركي بحزن الي تشوفونه

وسيم حس بقلق على محمد وتركي ﻻنهم كانو مره تعبانين وﻻ نامو من مات اببوهم

الكل دخل الغرفه علشان النوم وكانت الساعه 12

في غرفة محمد وسيم يكلم غرام. وفهد عينه على محمد ﻻنه كان خايف عليه كتير

وبعد ساعه. في غرفة تركي

عناد ياربي وش اسوي عطشت وﻻ احد صاحي لي وش اسوي وبعد مدة من التفكير قرر عناد انه يروح للمطبخ.

ومشى يدور بهالبيت الكبير وﻻ هو عارف وين المطبخ دار ودار ولف البيت كاملل لين لقاه اخيرا

عناد اففففففف اخيرا لقيته وش هالبيت لي ساعه ادور «الاخ موب متعود على الرفايه
تو لقيته فتح التلاجه اخذ له كاس وشرب وفكر انه يجلس اشوي بالمطبخ


الساعه 2 ونص ليلا

صمود كانت بالحديقة تغني بصوت عالي اشوي اغنية عمود البيت وتبكي

عناد طفشت خل اروح انام احسن لي. وهو طالع سمع صوت من برى البيت وقال بنفسه بسم الله من برى خل اروح اشوف وطلع.وتفاجاء من الي شافه شاف صمود ملقيه وجها ناحيت الاشجاار وتغني
عناد هنا ماقدر يتحرك جلس يسمع صوتها القمه من الجمال وﻻ كان مصدق قال ﻻزم اروح اشوف من هي. طلع وراح ناحيت صمود

عناد سلام

صمود بشهقه وتسكت بسم الله وطالعت في عناد الي انهبلت من شافت هالجمال

عناد اوو معليش أني خوفتك انا اسف بس بصراحه جذبني صوتك الساحر« انقلب شاعر وحاسني الفضول اعرف مين صاحبت هالصوت

صمود كانت منزله راسها ودموعها بخدودها ونبرة حزن وضيق تسلم ياولد الخاله


عناد الله يسلمك تقدرين تناديني عناد او إذا حابه تدلعيني ماعندك مشكله (عناد شاب وسيم وجمميل جمال موب طبيعي معظل اشوي وطويل مو مره وابيض مره شعره نام لونه اشقر على خفيف عيونه لونها سوده على لمه شخصيته فرفوش وحماسي ورومنسي درجه اوله له هيبه عمره تقريبا 21 مثل عمر صمود )


صمود بنفسها من وين طلع لي ياربي وش اسوي هالحين اروح وﻻ اقعد وش اسوي يارب ساعدني بهالحيره يقاطع تفكيرها عناد

معليش لو طبيت عليك فجاء بس من جد صوتك جذبني كثير ودخل قلبي « بسرعه هذي ياكذبك كذباه

صمود مشكوره على المجامله وتشيل جوالها. وتمشي بسرعه على جوه البيت

عناد اه ياففففففففديتكك من وين جيتي لي احس صوتها يرن بذوني وش هالصوت ياربي ماشاء الله. وكان بيكمل بيدخل وراها بس لقى شال لونه ابيض على الكرسي ويقول اكيد هذا لها ويشمه وقلبه تزيد دقاته وحتى ريحتها تجنن خل اخذه معاي وﻻ احد يدري دخل للغرفه وهو بعالم ثاني حط راسه على المخده وخبى الشال بشنطته وﻻ حس بنفسه إلى نام


وفي اليوم الثاني الكل نايم ماغير ام خالد وام محمد جالسين بصاله

ام محمد وتمسح دموعها تصدقين كان امس يقعدني علشان بننقل ونجي هالبيت موب مصدقه كل هذا راح بثواني

ام خالد وتقرب من زهور سمعيني يازهور أنا مثلك ارمله وكنت اقول مثل كلامك وماكنت مصدقه بيوم ان ابو خليل يفارقنا بعد عشرة عمر بس ربي قدر وخذاه وبنفس السنه ولدي خليل مات وصبرت وشوفيني عايشه هذي الدنيا كذا أنا حاسه فيك ياخيتي ﻻني مريت بنفس الشي الي مريتي فيه بس خلاص ﻻزم تصبرين

ام محمد اه ياام خالد كنك برتي علي اشوي بروح اقراء قران اشوي

إلى نزلت غرام

غرام السلام عليكم

الكل وعليكم السلام

غرام تبوس راس امها كيفك يمه وانتي ياخاله وش اخبارك

ام محمد الحمد لله يمه أنا بخير

ام خالد وانا مثلها زين ماودكم تفطرون ترى الفطور جاهز

غرام ايه ياليت وتفتكر ابوها من امس ماكليت شيء

ام خالد من عيوني ياحبيبتي قعدي البنات وانا اخبر الشغاله تزهب الفطور

غرام زين ياخاله

ام محمد يالله وانا بقوم على غرفتي بقراء قران ﻻني كليت

غرام زين يمه إذا احتجتيني ناديني. وطلعت غرام تقعد البنات

وقعدتهم الكل نزل مابقى غير صمود وكمايل

ام خالد وهي تكلم بتلفون ايه زين خلاص أنا انتظركم

غرام من ياخاله

ام خالد خواتي بيجون يفطرون معنا

غرام اها الله يحيهم. إلى ياخاله وين ياكلون العيال

ام خالد ايه والله نسيت اممم نحط لهم بالملحق

غرام وهي تفكر بوسيم اممم ليه مايكلون معنا

تولين ايه ياخاله خل يجون يفطرون معنا احسن

ام خالد زين وتنادي على كريمه كريمه تعالي

كريمه هلا ماما

ام خالد قعدي العيال من فوق خلهم يجون يفطرون

راحت كريمه تقعدهم ووصلت ام فهد وام عناد الكل صار بطاولت الطعام

الحريم ﻻبسين شيلات على شعورهم بس وجيهم ﻻ ﻻن كان نوعا ما عندهم عادي « فالين ابوها والحياه ترلي


ام فهد وهي تهمس لام خالد كيف زهور عساها بخير

ام خالد الحمد لله زينه تراها بغرفتها تقراء قران

ام فهد زين

وسيم كان مستغل الفرصه ويناظر غرام بتمعن

غرام حست بنظراته فتحت الجوال وارسلت له مسج
وسيموه خلني اكل تراني جوعانه ﻻتناظرني كذا تخوفني

وسيم طلع جواله وقراء الرساله وضحك ونزل عيونه

ام عناد إلى وين كمايل وموده ماشوفهم

غرام هالين ياخاله بينزلون

وفي غرفة صمود

كمايل يالله ياموده تاخرتي

صمود وهي تتروش خذت شور وطلعت زين ﻻتصارخين ماتروش يعني

كمايل يالله طيب خلصي أنا بنظرك عند الباب زين

صمود زين وتقفل الباب لبست بمجامه سوداء فيها قلوب ورديه ونعال قطني وردي. ومشطت شعرها المبلول الاشقر وربطته بربطه ورديه ناعمه وفيها دبدوب طلعت
من غرفتها


كمايل الله ألله وش هالزين وانتي ببمجامه وتهبلي وشوله ﻻلبستي فستان بتطلعين ملاك

صمود وهي تضرب كتف كمايل بشويش ﻻتجامليني وانزلي يالله

نزلو والكل كان على الطاوله

كمايل يمه بسم الله شفتي وش سويتي فينا هالحين الكل يناظرنا

صمود انزلي بس سوي نفسك موب منحرجه ﻻتهتمين

كمايل زين زين نزلي بس

كان كرسي صمود جنب تركي وقدامها عناد وعن يمينها كرسي كمايل. جلسو على الكراسي والكل كان يناظرهم

ام خالد وشبلاكم تاخرتو

كمايل ردي موده

صمود لمتى بتقعدين مستحيه كدا تجراي مثلي
ا،اا وﻻ شيء ياخاله. بس خذيت شور وتاخرت

ام خالد زين حمام العافيه حبيبتي

صمود يعافيك ربي ياخاله

عناد مانزل عينه عن صمود الي كان مفهي فيها وﻻ هو قادر ياكل حس قلبه بيوقفل بس مايدري ليه

طبعا صمود كانت ملاحظه نظراته لها بس تحاول تتجنبه « ثقيله الاخت

خلصو فطور على الساعه 10صباحا

تفرقو الكل الحريم بصاله والشباب في المجلس والبنات في غرفة غرام

عند الشباب

محمد كان يفكر في نوري ويفكر في ابوه ويفكر كيف بيتحمل مساوليت اهله

عناد كان مو قادر يشيل تفكيره على صمود الملاك الي شافها

تركي بنفسه فديتك ياكمول كبرتي مره ويرد تفكيره باخوه
وابوه المتوفي

انقضة ايام العزاء ام محمد قررت ان ام خالد تسكن عندها ﻻن ماعندهم فلوس كافيه ﻻجار بيتهم. وسالم كلم محمد عن اشياء بالشركه وانه هو بيهتم بشركه واكيد راح يقله الاخبار اول باول محمد وافق

ومر شهر على موت عبد الله


وفي القصر بتحديد غرفة صمود


صمود دلول ودي اقولك شيء بحكم انك حاشرتني بغرفتي وانك صندوق اسراري تو « ماتستحي بالوجه كذا

دﻻل أجل أنا محاشرتك بغرفتك خلاص أنا زعلت بروح بيتنا

صمود ﻻعاد دللللللللول تكفين انتي الي محلي غرفتي اصلا افا عليك بس بس ودي اقولك شيء ممكن وﻻﻻ

دﻻل ايه زين عدلي كلامك ايه قولي امريني بس

صمود اممم وحكت لها الي صار لها مع عناد


دﻻل تشهق احلفي من جد قالك كذا

صمود ايه قالي بس من جد دلول احس بحساس غريب ناحيته مادري ليه

دﻻل اخوي ايييه هههههه وش هالاحساس ليكون الحب

صمود يالله عاد دلول موب ناقصه مزحك بس من جد موب عارفه اوصفه

دﻻل عاد تصدقين تصدقين انه امس مسكني وقالي سلمي على موده الي مايستحي

صمود بنتباه وبرتباك احلفي شوفي دلول لو تكذبين علي بوريك ترى وبعدين ﻻتقولين عنه مايستحي عيب هذا اخوك

دﻻل اخوي وﻻ حبيب القلب المستقبلي

صمود دلول وش هالكلام ترى بيجيك خماس ينسيك اسمك. عيب هالكلام خلاص ضيعي الموضوع يالله قمي نطب المسبح

دﻻل وهي طايره فرح ايه ايه ياليت نطب

صمود يالله وننادي البنات معنا طلعو من الغرفه وفيديهم ملابس السباحه
راحو للبنات وكلموهم نزلو كلهم بتجاه المسبح إلى يقابلهم تركي وعناد

تركي على وين ياصبايا

تولين بفرحه بنطب المسبح

تركي اجلا بتطبون ولا تعزمونا

هنا قلب صمود كان يدق بقوه ﻻنها شافت عناد بس مكانت تعرف ليه كل ماتشوفه قلبها يدق

عناد ويناظر صمود فديتكم يالبنات تهبلون

غرام ﻻ والله عنو انت وتروك وخرو إذا ودكم تطبون المسبح تعالو بعدنا فاهممينن


تركي أجل ماتبوني اطب معكم زين أنا اعلمكم

تولين زين زين علمنا بس موب هالحين


وتجنبوهم وكل البنات وخرجو من البيت على المسبح الي كان بالاتجاه الخلفي للقصر وصلو للمسبح وغيرو ملابسهم في غرفة البخار وطبو المسبح. ويصرخون ويرشون بعض وكانو مره متونسين



هنا جاء يوم زواج غرام وسيم

انتهى البارت الثالث

يتبع البارت 4

[موكاتشينو]

(البارت الرابع)


هنا جاء يوم زواج غرام ووسيم

الساعه. 10 صباحا. الكل على طاولت الاكل للفطور مغير الاولاد الي كانو نايمين

ام محمد غرومه متى بتروحين انتي والبنات للصالون

غرام ان شاء الله بعد صلاة العصر يمه

ام محمد زين أنا وام خالد بنروح بعد المغرب للقصر

غرام زين يمه

صمود يمه ابي اروح السوق أنا ودلول ناقصني كمن غرض

ام محمد زين حبيبتي متى بتروحين

صمود هالحين يمه بعد الفطور

تولين. خذيني معك موده ابي اشويت اشياء بعد

صمود زين تزهبي من بدري

وبعد صلاة الظهر صحو العيال كلهم


محمد صحى من النوم اخذ له شورسريع لبس تشيرت لونه اسود وشورت جنز ونعال اسود خذا جواله ومفتاح سيارته ونزل تحت


محمد سلم على الكل يمه أنا رايح للدوام تاخرت تبون شيء

ام محمد ﻻ ياولدي بس تعال بدري ﻻتتاخر

غرام ابيك اول واحد بالقصر ياحمود نسيت انه زواجي اليوم

محمد افا عليك ياغرومتي كيف انسى زواجك ان شاء الله بجي بدري ﻻتخافين يالله سلام

الكل مع السلامه

صمود ودﻻل نازلين من فوق. وﻻبسين عباياتهم

صمود يالله ياتولين تاخرنا. يمه تبون شيء حنا بنروح

ام محمد ﻻ يمه نبي سلامتكم

صمود الله يسلمك ياالله مع السلام

طلعو البنات من البيت

نزل تركي وخالد

تركي كان ﻻبس جينز وتشيرت لونه. بيج ونعال بيج ومعلق برقبته كاميرت كانون وكان شكله مره يجنن

خالد كان ﻻبس ثوب وطاقيه من غير شماغ ونعال اسود وساعه سوداء

خالد يمه يالله حنا طالعين للمول نبي اغراض

ام خالد زين انتبهو على انفسكم

خالد زين يمه وش اخبارك خاله زهور

ام محمد زينه ياخلود وش اخبارك انت

خالد الحمد لله بخير يالله مع السلامه

ام محمد مع السلامه

تركي غروم وين موده مالقيتها بغرفتها

غرام ايه طلعو هي ودلول للمول يبون اغراض للزواج
تركي اها زين يالله مع السلامه

طلعو ومابقى غير غرام وام محمد وام خالد وشهد


وفي بيت ام فهد

فهد كان بدوام

ام فهد يالله يا كمول بسرعه بنروح لبيت خالتك

كمايل زين يمه أنا مابي اروح معكم بخلي وسيم يوديني للمول ﻻن موده هناك

ام فهد زين يالله

روز معهم توته وﻻﻻ

كمايل ايه معهم ودلول معهم بعد

روز ايه احسن أجل بروح معك

وطلعو من البيت روز وكمايل للمول وام فهد لبيت اختها ام محمد

وفي بيت ام عناد

نوري يمه يالله لبيت خالتو زهور

ام عناد زين يالله مشينا

طبعا الكل راح بيت ام محمد علشان يتجهزون سوى لزواج غرام

وفي. المول وبتحديد محل.العطور

دﻻل وش رايك ياموده اخذ هدا وﻻ هدا

صمود اممم ﻻ الي بالفانيلا احلى

دﻻل أجل خلاص لو سمحت ابي هدا

طلعو من المحل إلى يقابلهم تركي وخالد

تركي هلا والله بخيتي الغاليه ودلول اخباركم

صمود زينين وش الي جابك هنا

تركي ودي اخذلي كمن غرض أنا وخلود

خالد انتم وش الي جايبكم هنا

دﻻل الي جايبنا هو الي جايبكم

تولين خلصو علينا بنشتري الي يشوفكم يقول موب ساكنين بنفس البيت وخرو كذا

خالد وش دعوه معصبه علينا انسه توته

تولين موب معصبه بس ودنا نخلص بسرعه ورانا صالون
تركي زين بس اسكتي يامفعوصه يالله امش خلود تاخرنا

وراحو تركي وخالد وكملو صمود ودﻻل وتولين تسوقهم

اذن العصر وكلهم مجتمعين بصاله

غرام وهي جالسه جنب وسيم وسوم يالله ودنا أنا والبنات للصالون تاخرنا

وسيم اوك خبريهم وخلنا نمشي كم غروم عندي أنا

غرام يسلمو حبيبي. بنات يالله وسيم بيودينا

روز ايه يالله بنات تاخرنا

وطلعو كلهم يلبسون العبايات وياخذون اشياهم

ام محمد خلاص ياحمود انا وخالاتك بنروح بعد المغرب زين

محمد على امرك يمه

فهد أجل أنا والعيال بنتزهب وبنلحقكم للقصر

ام فهد ايه بس من يرجع البنات للقصر بعد الصالون

عناد نط أنا انا برجعهم

الكل ناظر فيه مستغرب ﻻنه كان مره متحمس

ام خالد أجل خلاص اتفكنا

نزلو البنات كلهم وراحو للصالون على الساعه 5العصر

في الصالون

شهد تكفين ابيك تخلينها احلى عروسه بدنيا

سلمى من عيوني الثنتين وﻻ يهمك ( سلمى كوفيره وهي الي بتسوي غرام )

شهد تسلم عيونك

وفي البيت على الساعه 6

ام محمد وخواتها كلهم بصاله متجهزين وبس ينتظرون اذان المغرب

اما الاولاد كانو فوق يلبسون ويكشخون مغير وسيم وفهد الي كانو بصالون الرجال

في غرفة تركي

حمود سوي لي الغتره موب راضيه تعتدل

محمد زين طول عمرك وانت ماتعرف تسويها

تركي ﻻتذلني سوها وانت ساكت

خالد شباب وين نعالي مالقيته

عناد بغرفت حمود اكيد

محمد ايه بغرفتي

خالد اوك ثانكس

اذن المغرب. وبعد صلاة المغرب

ام محمد من تحت يالله ياحمود مصارت كنك العريس موب اخو العروسه

نزل محمد وشكله كان مثل الملك

ام محمد الله الله وش هالزين كله فديتك ياحمود

ام عناد ماشاء الله طالع حلو

محمد شكرا ياعزيزاتي ﻻتحرجوني (محمد كان شكله يجنن ﻻبس ثوب مثل السيف ونعال ابيض له بوز وساعه بيضاء وغتره بيضه وريحت العطر الي تفوح منه جنان وﻻبس بشت بحكم انه اخو العروسه الكبير )

وبعده نزلو العيال كلهم

كلهم ﻻبسين اثواب اكيد وغتر وكاشخين

عناد ﻻبس ثوب وغتره بيضه ونعال اسود وساعه سوده وكان شكله يهبل مثل القمر هو وتركي وخالد مطقمين

محمد وداء امه وخالاته القصر وفهد وسيم وخالد لحقوهم للقصر
اما عناد وتركي ينتظرون البنات

على الساعه 7اذن العشاء وبعد صلاة العشاء

تركي امم عنو عندك رصيد جوالي مابه رصيد بدق على موده بشوف خلصو وﻻﻻ

عناد ايه عندي تفضل

تركي ثانكس ودق على صمود

صمود الؤوو مين

تركي هلا أنا تروك هذا جوال عنو ﻻني ماعندي رصيد خلصتو وﻻ بعدكم مطولين

صمود اها تروك ﻻ خلاص هذانا مخلصين

تركي بصوت منخفض اهم شيء كمول خلصت وﻻﻻ

صمود صدق ماتستحي أنا اختك وﻻ كمول

تركي افا ياموده انتي الغلا كله بس برضو أنا احب كمول وشبلاك

صمود زين زين اخلص علينا متى بتجي

تركي أنا عند الباب اطلعو

صمود زين باي

وطلعو البنات من الصالون

صمود وي وي كمول شفي عنو هنا يافديته ناظري وشلون شكله يهبل

كمايل اسكتي ﻻتفضحينا ناظري تروكي وﻻ بلاش

صمود أجل تسكتيني وتمدحين تروك هاه امشي امشي بس
ومشو طبعا باقي بصالون غرام ﻻنها العروسه فما راح تخلص بسرعه وجلست معها شهد ونوري

وفي السياره كان قدام راكب السواق تركي والي جنبه عناد

وراء عناد صمود ووراء تركي كمايل وبالوسط روز وتولين ودﻻل الي كانو ﻻهين بسوالف وكيف بيقابلون صديقاتهم

تركي احمم صبايا موب حابين تسمعون شيء

صمود بدلع ايه ياليت ياتروكي

تركي زين وش رايك انتي ياكمول اشغل وﻻﻻ

كمايل بحراج وخجل ايه الي تشوفونه

صمود بنفسها يمه منك انتي ياكمول هالحين صرتي هاديه
تركي زين ومد يده يشغل (اغنية عبد المجيد عبد الله حب وغرام) الي تقول
حب وغرام وعاطفة وشوقي ولا لحضة طفى وش احلى من هذا العمر دامك معي ما الطفه
غرك حنيه حبيبي احضني من قبل لا اشتكي علمني وش معنى الفرح معاك وشلون اقطفه؟

الحب عيشة بس معاك واحب حب من وفاك رعاك الله للابد يا اجمل اوقات الملاك.. انا معاك يا ابعد قريب مهما عن عيوني تغيب

وكان الكل سرحان بخيال الثاني واخيرا وصلو القصر

دخلت صمود وبعدها كمايل وبعدها دﻻل بعدين تولين وروز

وكانو الحريم كلهم يطالعون في صمود وجمالها الاخاذ
ويذكرون ربهم على جمالها

طبعا صمود (كانت ﻻبسه فستان منفوش وقصير لونه ابيض وماله اكمام صدريه بس وكعب عالي لونه ذهبي ومكسره شعرها وفاتحته وحاطه ورده على جنب لون ذهبي مثل الدمه شكلها وحاطه بلشر وردي وروج وردي ومكياج خفيف يهبل عليها )

وبعد مادخلو القصر استقبلو الحريم ورقصو واستانسو وقابلو صديقاتهم لين جات الساعه. 2 تقريبا موعد زفت غرام الي الكل كان متحمس لها

بدات غنية. الي تقول وخرجت غرام من فوق هي ووسيم وكان شكلها مثل الاميرات الكل كان يصفر لهم وياشر لها وهي في قمة وناستها

وسيم يهمس لها ياجعلني مانحرم منك يااغلى عروس بدنيا
غرام اسكت تراني منحرجه ﻻتحرجني اكتر

وسيم فديتك يالمنحرجه عسى ربي يخليني لك

وصلو للكوشه وام محمد كانت تبكي هي وام فهد ويسلمون على وسيم وغرام

انتهى الزواج الحمد لله وزفوهم بسياره للمطار بعد ماودعوهم ﻻنهم ناوين يقضون شهر العسل في تركيا

ردو الكل للبيت وكانو حزينين وبنفس الوقت فرحانين

وفي البيت

صمود اه ياغرومتي اشتقتلك وانا تو مودعتك

شهد ونوري ايه والله صدقتي.

ام محمد ليت عبد الله معنا كان يشوف فرحت بنته اه ياعبد الله وتبكي

ام فهد صلي على النبي ياخيتي وشبلاك ان شاء الله يشوفها بالجنه

ام محمد وهي تمس دموعها ان شاء الله

ام عناد عنو انت ونواره بتجلسون عند خالتكم وﻻ بتروحون معي

شهد ﻻ ياخاله خلها معنا ودنا ننبسط مع بعض

ام عناد زين خلكم أنا وام فهد بنروح للبيت


راحو ام عناد وام فهد للبيت والكل قامو ينامون


وفي الصباح وبعد الفطور 11 صباحا كان الكل مجتمعين بصاله

فهد يالله ياحمود تاخرنا على الدوام

محمد ايه يالله يمه حنا بنجي بعد العصر

ام محمد زين ياولدي ودي اكلمك بموضوع ﻻتتاخرون

تولين يمه قوليه هالحين تكفين

ام محمد خلاص ياتوته علشانك بقوله هالحين. بكره ياعيال راح نروح شاليه وبنجلس فيه اسبوع

تولين وروز بصوت واحد ووؤنااسسسسهةة

تولين صدق يمه

ام محمد ان شاء الله

تولين تروح لمها وتضمها شكرا يامامي

صمود يالله يابنات نطلع نجهز اغراضنا

محمد وقفي ياموده ليه يمه بنروح للشاليه.

ام محمد ودنا ياوليدي نتونس احسني متضايقه اشوي

فهد خلاص ياخاله اتفقنا بس راح نجي أنا وحمود بعد العصر ونخطط اكتر

ام محمد خلاص تم قمو ياموده انتي وشهود ودلول تزهبو
ام خالد ايه قمو وانت ياخلود ود بنات خالتك لبيتهم يجهزون

خالد سمي يمه قم عنو انت وتروك معي

تركي يالله أنا بره « متحمس الاخ علشان كمايل

هنا طلعو البنات يتجهزون ومشو خالد والعيال يودون بنات خالاتهم

وفي غرفة صمود

دﻻل موده وش بقى لك ماخذيتيه

صمود اممم مابقى شيء بس الاتي الموسيقيه مخذيتها ودي اخذها معي مقدر استغني عنها

دﻻل ﻻ عاد عاد الاتك يبيلها سياره خاصه

صمود ﻻ وين سياره بخذ كمن غرض احتاجه هناك وبس

انقضى اليوم الملي بتجهيزات نامو الكل وفي الصباح الكل في بيت ام محمد وكانو مستعدين انهم يروحون للشاليه



انتهى البارت

يتبع البارت 5

[موكاتشينو]

(البارت الخامس )


طبعا هنا الكل في بيت ام محمد وكانو مستعدين انهم يروحون للشاليه وتقسمو للسيارات

سيارت محمد فيها ام محمد والشغالات وام خالد

سيارت فهد فيها ام فهد وشغالتها وام عناد

سيارت تركي فيها كمايل ودﻻل وصمود وخالد

سيارت عناد فيها روز وتولين ونوري


وصلو للشاليه الي كان اصلا ملك لهم وطبعا كان الشاليه يطل على البحر بحكم انهم ساكنين اساسا في دبي

نزلو الكل من السيارره ودخلو للشاليه الي كان فيه حوالي ست غرف واربع حمامات وصاله كبيره مره تطلع على البحر

تقسمو للغرف الغرفة الاوله للاخوات كلهم
الغرفه الثانيه للبنات كلهم
الغرفه الثالثه للاولاد كلهم
الغرفة الرابعه للشغالات
والغرفتين الاخيره وحده كانت غرفة طعام والثانيه كانت غرفة موسيقى ابو محمد حطها لصمود

كان بهالوقت الكل بالغرف يرتب اغراضه

في غرفة البنات


صمود يارررربببيه وينه موب ﻻاقيته

دﻻل وش هو ياموده علشان ندوره معك «هل بنت ملقوفه مره

صمود شالي الابيض مادري وين اختفى من يوم عزه ابوي

كمايل يمكن بالقصر ادا ردينه أنا ادوره معك

صمود ﻻ كمول مشكوره بس ودي البسه هالحين بروح اسأل كريمه يمكن نسته بالبيت

كمايل اجي معك موده

صمود ﻻ كمول خلك موب متاخره

هنا طلعت صمود رايحه لغرفة الشغاله وقبل ماتروح مرت يم غرفة الموسيقى وجها اعتفس فتحت الباب ودخلت كانت الغرفة كبيره ونوعا ما فاضيه مافيها غير بيانو كبير بالوسط ودفتر موسيقى قديم ومغبر وشباك كبير مغطى بستاره الي كانت حاجبه نور الشمس عن الغرفه وكانت انوار الغرفة هاديه جدا يعني شبه مظلمه


صمود راحت وجلست قدام الابيانو ونزلت دموعها انسدحت على الابيانو وبدت تتذكر ايام مكانت صغيره وابوها يجري وراها بهالغرفه ويضحكون ويغني وهي تردد معاه كانت تسمع صوته وهو يضحك لها مثل الصداء بدت تغني وهي تشهق وتبكي وتقول

عمود البيت ذبل صوتي ولك ناديت ونادت لك زوايا البيت وﻻ رديت يبه وكلما يبا ذابت على لساني معك غابت
يبه ماعدت أنا الطفلة رحلت وطفلتك شابت قويت وﻻ قوه النسيان ينسيني اعز انسان

هنا كان عناد رايح يشري له ولتركي من البقاله بس سمع نفس الصوت الي سمعه يوم العزاء وتاكد انها صمود قلبه فز قرب من الغرفه وتردد يدخل او ﻻ وقرر في النهايه انه يدخل دخل بشويش قرب اشوي من صمود

ووصمود كانت تكمل الغنيه على مقطع وفيني ااااه وش فيني يبه فيني الحزن بببببببببببببركانن


عناد بسم الله على قلبك من الاه وش فيك تبكين ياموده

صمود انتبهت وقامت بسرعه مسحت دموعها وتركض وتضم عناد وينك يبه وينك عننا كنت متاكده انك بترد لي ابوي اشتقتلك كتير

عناد ماقدر يسوي شيء غير انه يمسح على شعرها ويقول أنا مو ابوك أنا عناد ياموده ادعي له برحمه

صمود وخرت بسرعه من صدرعناد ع .اا عناد ؟؟!

عناد ايه عناد وشبلاك ياموده ... تكفين حاولي تسمعيني اشوي مابي اشوف دمعه من عيونك صمود أنا انتظر هاللحضه من زمان ودي اضمك واقولك أنا احبك ... أنا حبيتك غصب عني بس مالقيت الفرصه المناسبه اني اقولك.

وطلع من عندها من غير اي كلمه زياده


صمود كانت مصدومه من الي صار ومو قادره تفكر بشي وبنفسها تقول ﻻ مو معقول انه يحبك ... يمكن بس شفقان عليك ياموده ﻻتضعفين خلك قويه مثل ماكنتي قبل ..
خل اقوم اروح للبنات احسن لي



طلع عناد وراح يم البحر يمشي وكان سرحان مره وفي نفسه يقول أنا وش فيني ليه قلت لها كذا بس أنا احبها اه ياصمود لو تعرفين وش كثراحبك

اشوي وجاء تركي ودفه من وره وقاله وين الغرض الي وصيتك فيه

عناد خلاص ياتروك معليش بروح هالحين اجيبه ومشى بسرعه للبقاله من غير اي كلمه زياده


تركي غريبه وش فيه عنو موب عادته كدا يخبي علي ويسكت تجاهل الموضوع على انه اكيد بيرد ويقوله وكان داخل للشاليه إلى جات شما

شما وقلبها يدق ومومصدقه انه هذا تركي الي كان صغير كبر ماشاء الله وصار مثل القمر وحابه تتاكد اكتر وسالته ..... انت تركي ؟!( شما صديقت صمود من هم اصغار وكانت اصلا ساكنه بشاليهات )

تركي ايه انتي شما صح

شما بفرح وهي مستحيه ايه أنا شما وش اخبارك ياتركي كبرت ماشاء الله

تركي وانتي كمان كبرتي اكيد جايه علشان موده تراها داخل ادخلي تفضلي

شما بنفسها فديته وش هالجمال ماشاء الله لو دريت انك لاكبرت بتسير كدا مكان خليتك بلحضه

ودخلت داخل الشاليه

تركي اا امم قعدي هنا وانا بناديلك موده

شما اوك

تركي راح لغرفة البنات ويدق الباب موده شموه هنا تبيك

صمود من داخل الغرفة صدق .... هالحين بجي. طلعت وهي طايره فرح ووراها البنات كلهم وتروح للصاله بسرعه

شما قامت ممممممممموددده وحشتيني كتير يالخبله وينك اختفيتي وضمت صمود بقوه

صمود فديتك والله أني التهيت بدنيا حبيبتي

وجاو بعد صمود البنات كلهم يسلمون على شما

صمود تفضلي هالحين اجيب لك شيء تشربينه صبري

شما ﻻﻻ موده تكفين تعالي قعدي ابي اشوفك مابي شيء غيره

صمود فديتك حبيبتي وش مسويه وكيف امك وكل هلك

شما والله زينين الحمد لله. وبنفس الوقت كانت تطالع تركي الي كان واقف يتفرج على البنات

كمايل كانت منتبها لنظرات شما لتركي وكان قلبها يحترق قهر

تركي كان مبسطو بجيت شما مو لانه يحبها وﻻ بينهم علاقه بس قام يفتكر ايامه معاها وكيف كانو يلعبون مع بعض

الي دخل عناد ومعه اغراض من البقاله

عناد اوه مجتمعين البنات وش عندكم

تركي جات شما

عناد اها شما عندنا وش اخبارك شموه « مسوي يمون الاخ وهو مايعرفها اصلا

شما زينه الحمد لله

صمود كان قلبها يدق وﻻ تناظر في عناد ﻻنه كان يناظرها

تركي عنو جبت اغراضي وﻻﻻ

عناد ايه جبتها وش رايك يعني

تركي زين يالله امش ندخل ونخلي البنات يخذون راحتهم دخلو تركي وعناد لغرفتهم

شما تهمس لصمود موده هذا ولد خالتك صح

صمود ايه عناد

شما اها ماشاء الله كبر تروك وصار مثل القمر

صمود ههههههههه اسكتي ﻻتسمعك كمول تذبحك

شما ليه وش قايله أنا

صمود نسيتي انهم يحبون بعض ومخطوبين لبعض اصلا


شما بنفسها يابختها فيه عاد أنا ﻻزم اعرف كيف حبو بعض علشان اتعلم للمستقبل

صمود تدق شما وين وصلتي شموه


شما هاه ﻻﻻ وﻻ مكان بس أنا برد ﻻن امي ماتدري أني هنا

صمود ﻻعاد شموه مصدقت اشوفك زين وش رايك تجين بالليل ونسهر مع بعض


شما زين حبيبتي بكلم امي وبرد لك

صمود زين

طلعت شما وودعت البنات

كمايل اهفففففففففف اخخخخخخخيراا طلعت هذي

صمود شب قصري حسك ﻻتسمعك كمول وش فيك

كمايل يعني انك موب شايفه كيف تناظر في تروك عسى عيونها العمه « هههههههه الغيره وماتفعل

االبنات كلهم ضحكو على كمايل وغيرتها على تركي

كمايل ايه اضحكو ماتحسون انتم بحرقت قلبي

شهد وهي تضحك انتبهي ياكمول ﻻيطق لك عرق من القهر

كمايل اسكتي شهود وخذت مخده ورمتها على شهد وقامت ودخلت الغرفه

صمود هههههههههههههه حرامم يابنات ليه تقهروها كدا ودخلت صمود لكمايل علشان تهديها وشهد من لقافتها راحت لتركي وعلمته بسالفه وهو قام يضحك و قالها انه بيراضيها بالليل مر الوقت واذن المغرب وبعد صلاة المغرب


الكل اجتمع بره الشاليه ومعهم شما الي كانت مستانسه انها جات علشان تشوف تركي


كانو البنات والاولاد كلهم جالسين يم البحر يلعبون
اما الاخوات كانو جالسين بطاوله بره الشاليه ويسولفون كانت ام عناد تناظر عناد بنظرات عجز الكل عن تفسيرها بس مااهتمو للامر اتوقعو انها يمكن خايفه عليه بس



جاء وقت انهم يشوون ام محمد وفهد ومحمد وام خالد كانو هم الي يشوون ويشوحون اللحم اما تركي وكمايل كانو بعيد عن الكل جالسين يضحكون وﻻ همهم احد


شما موده أنا بروح عند كمول وتركي

صمود ﻻ أنا من رايي انك ماتروحين موب فاضيه لك هي مع الحب هالحين

شما ﻻ معليك بتفضى لي يالله سلام راحت شما بتجاه تركي وكمايل


كمايل اهفففففف هذي وش جابها هالحين

تركي وشبلاك على البنت كمول معليك فيها حبيبتي انتي الكل بالاكل

شما سلام غريبه مغتربين عن الكل اجلس معكم عادي

كمايل بنفسها جايه وتاخذ راينا بعد ايه ايه حبيبتي تفضلي وقلبها يحترق ودها تذبحها


شما تسلمين خبرتني موده انك تحبين تروك وتركي يحبك من جد ﻻيقين على بعض ودي اعرف كيف حبيتو بعض

كمايل بقهر ايه اكيد تركي يحبني وانا احبه حيل وﻻ احد يقدر يفرقنا واضن انه شيء خاص مااقدر اقوله لك

شما زين حبيبتي مشكوره وعساكم دوم مع بعض

كمايل امينن ياررررررببببب وعقبالك

شما انقهرت من حركات كمايل معها بس عرفت ان كمايل تغار على تركي

إلى على صوت عناد يالله ياتروك قم جاء الاكل


تركي يالله يالله جاي وقامو وراحو علشان ياكلون
اجتمعو الكل وجلسو ياكلون


ام محمد كيف حالك شموه وكيف امك عساها زينه

شما وهي منحرجه زينه ياخاله تسلم عليكم

ام محمد الله يسلمها


عناد يدق تركي وبصوت منخفض تروك هذي ليه جات عندكم وش تسوي

تركي ههههههه لو تشوف كمول كيف غيرانه منها ماتبي شيء تبي تقهر كمول بس

عناد شف شف كيف تناظرك شكلها خاقه عليك

تركي فديت كمول وبس لو تنذبح محبيتها

عناد كفو ياتروك

تركي افا عليك اعجبك أنا « صدق نفسه الولد

تولين. يمه ودنا نركب سفينه

روز ايه ياخاله ياليت نركب سفينه

ام محمد والله ماردكم ان شاء الله بكره راح تركبونها وش تبون بعد

صمود ﻻ عاد ترى نحن هنا

ام محمد وش تبين بعد انتي ياموده

صمود ﻻ يمه ابي سلامتك

عناد كان يقول بنفسه فديتك أنا يازينك زيناه بس

انتهو من الاكل وودعو شما والكل راح لغرفته للنوم

في غرفة العيال كان تركي يكلم كمول ويتغزلون في بعض والباقين نايمين ماغير عناد الي كان يفكر بصمود ويوم ضمته كان يحس ان الحياه ردت لقلبه من جديد

عناد ياربي ياموده وش سويتي فيني خبلتيني صار لي كمن شهر معرف النوم وقام يقلب بجواله لقى رقم غريب وجلس يفكر ويفكر ويفكر وتذكر انه لصمود يوم تركي طلبه الجوال بيوم زواج غرام وعطاه ....وراودته فكرت انه يرسل لها رساله. يعتذر فيها وياكد حبو لها وكتب لها اغنية راكان

تمني
يلي انتي مني حبك سكني عيشني هنا احبك طامع في قربك مسعدني حبك ريحني انا ودي اشوفك كل ليل يلي العشق يمك يميل صبري نفذ واتعبني حيل ولعتنا
ضاق المكان بغيبتك وانا اتحرى جيتك عيني تمنى شوفتك ارجع لنا تعالي واحيي اشواقي مع عمري الباقي
دام انه عنى جالك طامع في وصالك وارخص له حالك من صدقه بنى بيت تعلى للنجوم سور حجب كل الغموض وجه يعانق هالغيوم وامطرتنا انتي القمر في ليلتي ونورك يضوي عتمتي قلبك غدى لي غايتي يا نبضنا

(وكتب تحت عناد ) وحط الجوال يم راسه

في غرفة البنات كمايل مع تركي على الجوال والباقين نايمين

اما صمود كانت تفكر بعناد إلى اشوي تجيها رساله فتحتها وقرتها لين وصلت لكلمت عناد قلبها فز من مكانه وتقول أجل هذا عناد صدق مايستحي ووقفت اشوي وردة قرت الرساله وتراجعت عن كلامها ياربي ليكون أنا حبيته بسرعه هذي طيب وشعوري الي دايم احسه فيه تجاهه وش هو ..... خلني اجبر بخاطره وارسله وفعلا بدت تكتب رساله قررت انها تكمل الاغنيه وكتبت


يا احلامي وراحة منامي واجمل كلامي يا طبنا داويني
لا تجرحيني دوم اسعفيني بوصلنا يا صاحبي ضعفك قوي قلبي في حبك مرغوي ماعاد لي عقل سوي جننتنا عشقك تمكن من زمان ومصور الدنيا امان يا ضي كل هذا المكان. وكتبت مثله (صمود )

وقفلت جوالها ونامت

اما عناد الي كان منتظر اي شيء منها حتى لو سبته ....الي توصله رساله منها قراها وكان طاير فرح وكان بيتهور ويروح لتركي ويقوله بس ركد وهده حاله وجلس يقره الرساله الف مره رغم انه حافظ الغنيه وصامها بس كان فرحان انها جات من صمود الين ماحس بنفسه إلى هو نايم


نامو الجميع وفي اليوم الثاني على الساعه 12الظهر

صمود صحت وكانت مره متفائله من الي صار امس وطلعت في الصاله وكانو كل خالاتها وامها جالسين
سلمت على الكل وراحت لمها وضمتها وانسدحت بحضنها


صمود وحشتيني يمه مممممرررره

ام محمد فديتك وانتي كمان وحشتيني يالله روحي قعدي البنات ﻻننا بنركب السفينه

صمود قامت صدق يمه الله يخليك لنا يارب وقامت بسرعه تصحي البنات. وصحتهم وكريمه راحت تصحي العيال وقامو واجتمعو في الصاله


ام محمد يالله حمود وانا امك رح خذ لنا سفينه

محمد سمي يمه قم فهود انت وخلود معي

فهد زين يالله وطلعو العيال علشان يستاجرون يوم كامل بالسفينه اما البنات والاخوات جهزو اغراضهم الي يبونها معهم في السفينه

واخيرا جاء محمد وفهد وخالد وطلعو كلمهم للسفينه الي طبعا كانت خاصه لهم

وفي السفينه.

كان الكل جوعان وجلسو بطاولت الاكل بره وجلسو ياكلون كان الجو في قمة الروعه وكان غايم


عناد يكلم نفسه ويقول ليه ماالفت نظر موده لي بدل هالقساوه الي معذبتني وقال بصوت عالي عاد تصدق ياتروك أنا اممممموتتت بااغنية راكان تمني

تركي غريبه وش جاب طاريها هالحين

عناد حس باحراج وناظر لصمود ﻻ بس افتكرتها مع هاللجو الجممميل

صمود انتبهت و ابتسمت ابتسامه ناعمه وتطيح الصقر من السماء وتناظر عناد حست انه يبيها تناظر فيه وتلتفت له

يقاطعهم محمد ويقول. ياعيال وش رايكم نطب البحر


فهد ايه ياليت ونسوي مسابقه افضل غطاس

عناد ايه علشانك انت وحمود تعرفون للسباح ضامن نفسك تفوز خل نزب نسبح عادي احسن

تركي ايه وانا راي من راي عناد

فهد زين يالله قمو بس

وقامو كل العيال ونطو البحر. وكانو البنات يشجعونهم ويصفرون لهم

وفجاء وهم متحمسين والكل مبسوط غرق عناد الي الكل كان يحسبه يمزح عليهم ﻻنهم متعودين عليه يتغشمر كتير ويغوس ويرد يطلع

صمود تكلم كمايل كمو ناظري عناد شكله غرقان ﻻنه ماطلع من وقت طويل ماضن انه يمزح


كمايل ﻻﻻ ماعليك منه قاعد يمزح عليههم علشان تنتبهيله وتخافين عليه.

صمود وقلبها يدق بسرعه وباين انها مرتبكه ﻻوالله يا كمؤل قلبي مو مريحني عليه وراحت لنوري

صمود نواره تكفى كلمي العيال يشوفون عناد ﻻنه باين انه غرقان

نوري يوووووه وش هاللحب الي نزل عليك من السماء من متى ياموده وانتي تهتمين لحد اخوي واعرفه زين يحب انه احد يخاف عليه معليك

صمود اهفففففففف يانواره موب وقتك هالحين بسرعه كلميهم يشوفونه

نوري زين زين ﻻتحنين هذاني بناديهم وتنادي على محمد

نوري حمود حمممممممممود شف عناد ﻻيكون غرق صدق

محمد بستهتار ﻻ ادري انه يمزح معليك

صمود تدق نوري

نوري زيننننن ﻻتدقين ﻻ ياحمود تكفى شفه


محمد اوك رجيتيني وغطس داخل البحر وطول

صمود بنفسها يارررببببيه وش الي اخر محمد ياربب يستر بس صح ياموده انتي ليه مهتمه فيه لهدرجه خله يغرق وانا وش دخلني فيه بس ﻻيكون حبيتيه من جد ..


محمد يقاطع تفكيرها ويطلع من داخل البحر وكان خايف كتير وينادي ياعيال ياعيال مو ﻻاقي عناد ادخلو معي ندوره


ودخلو كلهم بسرعه يدورونه

هنا كانت صمود في قمة خوفها وارتباكها وللحضه حست انها بتفقد الانسان الوحيد الي قلبها حبه

اشوي وطلعو العيال كلهم ومعهم عناد وكان فاقد وعيه وبسرعه طلعوه للسفينه

ام عناد تسوي روحها مهتمه له وش فيه وش الي صاير له هذي اخر الدلع


الكل استغرب من ردة فعلها وكيف تقول كذا على ولدها

صمود كانت خايفه حححححيل بس مكانت تبين علشان ﻻ حد يشوفها

ام محمد كانت تقريبا خايفه عليه اكثر من امه ياربي وش
صار فيك ياروح خالتك والله مانقعد يوم بكره نرد بيتنا سامعيني

الكل صمت ومقدرو يردون عليها

وبهالوقت كان محمد يسوي لعناد تنفس اصطناعي


وفاق عناد من الغرق وكان يكح وكانت روحه بتطلع الكل كان حاوليه وتحمد له بسلامه ودخلوه داخل الغرفه

اذن المغرب وبعد الصلاة كان الكل بالغرفة حقت عناد


ام محمد ليه ياولدي تخوفنا عليك كدا

عناد والله ياخاله ماكنت ابي اخوفكم علي بس صار كل شيء بالحضه


صمود بنفسها ياليته أنا وﻻ انت ياروح موده

ام خالد الحمد لله اهم شيء انك بخير هالحين

ام فهد يالله قمو خل الولد يرتاح اشوي وهنا طلع الكل من الغرفة مابقى غير تركي

تركي يدق كتف عناد خوفتني عليك ياعنو

عناد ﻻ والله انت وجهك خايف علي صدق قم قم خل ارقد بس « كان عناد يتهرب خايف ان تركي يساله ليه متغير وﻻ يقدر يكذب عليه

تركي أجل هذي جزاتي ياعنو أني جاي اواسيك

عناد امزح معك ﻻتزعل علي بس ابي ارقد

تركي زين ماتبي شيء قبل ﻻ اروح

عناد ﻻ مابي شيء بس اقفل الباب وراك

تركي زين يالله سلام هنا طلع تركي من عند عناد وبقلبه يقول اه لو تدري ياعنو قد ايش اخاف عليك ان شاء الله انك بخير ومافيك شيء بس ليتني اعرف وش الي غيره كذا يالله مصيره يقولي

صمود كانت بالغرفه وكانت خايفه عليه وودها تشوفه

كمايل تهمس لصمود موده ماودك تروحين تشوفينه

صمود بسم الله قريتي افكاري ودي بس موب قادره وانا موب من عادتي ابين حبي لحد

كمايل بس أنا من راي تروحين له. وﻻ اقولك ارسلي له رساله احس انه محتاجك

صمود اوك خل افكر بالموضوع بس ودي اعرف ليه خالتو ساره(خالتو ساره هي ام عناد نفسها ) تعامل ولدها بهالقساوه

كمايل احتمال انها تبيه يعقل من الي يسويه انتي ﻻتهتمين كتير ويالله روحي له وﻻ ارسلي له رساله


دﻻل تقاطعهم بنات ماودكم ترقدون من هالمساسر ترى بكره ورانا رجعه للبيت نسيتو وﻻ ايش

كمايل بسم الله الرحمن انتي قاعده اقول مانسينه يالملقوفه نامي بس

صمود ترد تهمس لكمايل وش اكتب له

كمايل اممم تعرفين وش تكتبين له مايحتاج احد يقولك ويالله أنا ابي انام

صمود أجل كذا يالسوسه أنا اساعدك ترى مع تروك وانتي تكشميني كذا


كمايل ام سوري كمول بس فيني رقاد وﻻاني قادره اصبر

صمود زين زين ارقدي ﻻتصيحين علينا بس

هنا صمود ضلت تفكر وش تسوي وقررت انها تروح له

طلعت من الغرفه وكانت تمشي باطراف اصابعها تخاف ﻻ احد يحس فيها واخيرا وصلت لغرفة عناد لقت الباب مقفل

صمود وهي طايره من الخوف يارببيه احس اني بموت من الخوف ياربي ادخل وﻻﻻ خل ادخل وبس فتحت الباب بشويش ودخلت لقت عناد غارق في النوم وكان شكله يهبل حيل وراحت وجلست يمه ومسكت ايده بقوه


صمود اه ياعناد لو تدري قد ايش علقتني فيك وخليتني احبك غصبا عني عاد تصدق خفت عليك وحسيت فيك تكفى ﻻتروح عني ابيك بقربي دوم انت هالحين صرت كل حياتي انت صرت ابوي الي فقدته تدري ياعنو لو تروح عني انت راح اذبح نفسي


عناد بسم الله عليك ياروح عناد انتي ههههههههه اخيرا ياموده جيتي وتنازلتي عن غرورك عاد تصدقين اني بطير من الفرح انك هنا

صمود مصدومه وﻻ هي قادره تقول شيء وبنفسها تقول ياربي وش هالورطه يعني مكان نايم وش اقوله هالحين

عناد حس انها خافت وماحب يحرجها اكتر ويقاطع تفكيرها ليه للحين مارقدتي يالله قمي نامي ورانا بكره رده للبيت

صمود تفك يدها من يد عناد زين والحمد لله على سلامتك وطلعت بسرعه من الغرفه

عناد اااه ياصممممممممود رديتي لي روحي من جديد فديتك أنا ياعساني منحرم منك يوم


هنا نام الجميع وفي الصباح قامو الكل وردو للشاليه وجهزو اغراضهم وصمود ودعة شما واخيرا رد كل واحد بيته

وفي بيت ام عناد

ام عناد نواره حبيبتي أنا بطلع اخم الحوش وانتي رتبي اغراضك ﻻن راح نروح السوق بالظهر ودي اخذ لي كمن غرض


نوري زين يمه على امرك ودخلت داخل البيت

اما عناد الي كان متفاجاء من تجاهل امه له دخل للبيت وكان مضيع مفتاح سيارته توقع انه مع ابوه دخل غرفة امه وابوه وكان ابوه موب بالغرفه بس شاف على الكمدينه اوراق وكارت العايله ومفتاح سيارته كان المفتاح هناك راح عناد للكمدينه

ويقول هذاك هنا كنت متاكد انه مع ابوي وقبل ﻻ يروح حاسه الفضول انه يعرف وش هالاوراق اخذها وبداء يقراء انصدم من الي قراه وكان الي قراه مثل الصاعقه تلعثم لسانه وﻻ قدر يتكلم وعلى طول نزلت دموعه


انتهى البارت


قريبا البارت 6