اعلنت لك حبي وتالـي نسحابـي
من قلبك القاسـي وقلبـي جبرتـه
حب(ن)عفيف (ن)صادق(ن)مايعابي
حب(ن)كتمته وسط يوفي وصنتـه
علقت فيه امال عمـري وشبابـي
يامـا تمنيتـه ويامـا انتظـرتـه
حب(ن)سكن مابين جفني وهدابـي
والله ماتتخيلـه لــو وصفـتـه
(لاوعذابي)فضمـايـر صطـابـي
بيـدي حييتـه ثـم تالـي دفنتـه
انتـه معناتـي وانتـه عـذابـي
وانت الذي فرحي ونومي سرقتـه
ضحيت لعيونـك وسكـرت بابـي
عن شوف غيرك والغرام احتضرته
رسمت لك لوحه وصارت سرابـي
بينت لي خافي شعـور(ن) كتمتـه
هاذي النهايـه يامسبـب صوابـي
سامحك ربي فـي فؤاد(ن)حرقتـه
وسلامتكم
طلال العتيبي
مواقع النشر (المفضلة)