بسم الله الرحمن الرحيم

قصيدة تعال واسي دموع العين بالعين

يامُنيَةَ الصبح يآ شمسَ المحبين ِ
يامنتهى احلامِ قلبٍ مابَرى حاله
شفتك بعُتمَ الفِكر كِنِّك تِناديني
واقْبَل عليّ الفجر مازانتْ آحْواله
يقول وينه حبيبك لِيهِ مِجْفيني
من بَعدِ اخر وداعٍ قاعدِ لْحاله
قَيّد بِيَدّه اماني صاغها فيني
واقفى وانا اجرّ خلفه حِنثِ اقواله
زنزانة الحب آوَتْ ظُلمة اسْنيني
من عقب ماكان نُوري شَيِّ يِهنالَه
لامدِّ حبل الوصل في راحة يديني
ولا كَفكَفَ الدمعِ لا مَرّوْ على جَاله
احْكَم مغاليق وُدّه لأجلِ يعْصيني
وغصبٍ عليّ اتعنّى وافتح اقْفاله
بدلّي شرع الوفا والبسمَة واللِّيني
في منبر الهجر بعد الود مِنزالَه
جربت اكون الجّفا يومه يِداريني
وغصبٍ اغيِّر هَجْرِ شَرعه وآوْفَآلَه
حَسَّبت بيتَ العِشْق بالسّعْد يآويني
واثْرَه رمادٍ نِزيف الوّقت يَرثَالَه
تعالِ واسي دموع العين بالعينِ ِ
إنْ كانِ ودك تزور الموق وِاسْيَاله
إنْ كانِ قصدك طيور البُعْد تِشْقيني
للحين اغصان حُبك حيل ميّاله
غريبِ ياذا الاملْ كيفَك تِعنّيني
والاغرب انّي اشكّ انّي على باله
ومن اجل قلبٍ كبيرٍ لَه يُودِّيني
على ضِفافٍ مِنَ الذكرى تِفضّى له
وفيتُ وعيّت فصوله لِي تِوفّيني
وروحي غَدتْ مِنْ كسوفَ الحبّ همّالَه
اول خريفَ العمر واخر عناويني
وخاطرٍ طاب بَعْدَه وهز فنجاله
تعبت اكابر شُبوب الشوق تِكْويني
وتعبت ارممّ جروح بروح مِغْتالة
وتعبت اساير دروب اللي يساليني
واتْعبني جَرّ الامل مع زِيفِ منواله


وسلامتكم ...