بسم الله الرحمن الرحيم

قصيدة اسف على شح الخطأ يا المشاوير ٢٠١٤


باقي على خفّ الشقا جرح و يطير
كنّ السحاب أمه و هو محتضنها
مبطي و انا احس المسافات تبرير
كم لي اشيل خطاي و اطيح منها
يا شاحْ بي و ذنوب الاهمال تكفير
عن ديرةٍ ... ما كل واحد سكنها
أنا معك غصن و كسر ظهره الطير
و انت الخيول الليْ اتعبتني رسنها
الله وكيل المشوٓرهـ ..! و المسايير
و الله حسيب شعوب خانت وطنها
حنّيت ، لكن وش تفيد المعاذير ؟
و فيروز لو تطربك يِبكي شِجنها
عودٍ يحنّ لقهوته ! قهوة عصير
و سوالفه ( من كنت كبرك ) و عنها
ناسي تفاصيله على ضفّة البير
و فالذاكره باقي سنينه سجنها
راحوا و خلوا بالسهر ظلمة السير
و مثله قفاهم بالخفا ما طعنها
بالرغم من حولي حشود و جماهير
لو تسقط الدمعات محدٍ فطنها
كله و لا يفرح بدمعاتي الغير
أسود مناديلي و لا ابيض كفنها
ودّي أجيك و في كفوفي تباشير
و الخوف خوف إنّك ترخّص ثمنها
آسِف على شحّ الخِطا يالمشاوير
من هو يشيل خْطاي لا طحت منها ؟