بسم الله الرحمن الرحيم

قصيدة كل مافي الامر فرح ماقدرت انطق واقوله ٢٠١٤

قمت اهوجس واتذكـر طيشنـا ذيـك الليالـي
يوم كنـا صغـار تحكمنـا بـراءات الطفولـه


يوم كان اقصى طموح لنا نروح ل.. بيت خالـي
وكيف كنا ننتهي من واجب (الخـط وأصولـه)


اذكرك , يومك تجيني كنت انـا جالـس لحالـي
وآتفقد جيب ثوبـي وألعـن الفقـر وفضولـه


يوم شفتك هل دمعـي (يافهـد دور ريالـي!!)
وأنت تمسح دمعتي ب.. إيديك وأحساس الرجوله


تقطع ريالك تقـول (أمسـك ولاتبكـي قبالـي)
وكننا مـن بعـد هـذا كـل مانبغـى , ننولـه


وأذكرك , يوم انت تلبـس غترتـن ولا عقالـي
ثم تجلس في مكـان ابـوي وعيونـي ذهولـه


والله انك يا "فهد" فـي وقتهـا شكلـك خيالـي
والله انك كل مالديـت , اقـول الـزول زولـه


يافهد والخمسـه وعشريـن مـرت ياظلالـي
قدّر الله والسنيـن ب.. طبعهـا دايـم عجولـه


يا "فهد" وانت الوحيد اللي يعرف ان ضاق بالـي
قبل ماأشكي قبل ما دمعي يبـادر فـي هطولـه


يا "فهد" وان شفت دمعي يوم عرسك لا تبالـي
كل مافي الامر فرح ماقدرت انطق واقوله !!