بسم الله الرحمن الرحيم

قصيدة خاطر مدينه ٢٠١٤

( من شان خاطر عين تكرم مدينه)
وانا دخلت المنتدى لاجل خاطرك

بكتب على الصفحات ذكرى حزينه
ابيك تقرا وش كتب فيك شاعرك

اناغريبٍ ماصفت له سنينه
ظامي مشاعر واسقني من مشاعرك

طبَّق على جمر الغلا راحتينه
وجمر الغلا يحرق خفوقٍ يسايرك

كل الشوارع صامته يالمدينه
على كذا والله ماني بخابرك

قلبي على صوتك تجيه السكينه
وفي كل حاجة لازم انه يخاشرك

ياقلب لاتكشف خفايا دفينه
الناس من حولك تراها تناظرك

خلك شجاعٍ ماتخونه يمينه
ولاني عن صدوف الليالي بـ وافرك

ابيك تدحم بالجنوب المتينه
ولاّ الزمن ياقلب كاسرك كاسرك