وديبك وابيك واباك وابغاك
جمعتها لرضاك واختار فيها
شوف ويش منها يتبع حكاك وارضاك
واللي لك اسقي مسمعك لا ضميها
غديت اضر حكاي واساير حكاك
وانا تشرف لكنتي واهتويها
مضمونها ودي بشوفتك واهواك
واللي دروب اهل الردا ما تجيها
صانك ولي امرك وحبك وداراك
ولا قدر رد الحظوظ ومجيها
نفسك مهدبها وعز الله رباك
ما يدري ان جيش الهيام يغزيها
يامرك قلبك بالوفاء لي وتنهاك
ناس على لاماك تفرك ايديها
رزين عقل ومن مزايا مزاياك
نفسك تحب وعفتك تمتطيها
يا عزوة اخوانك ومطلب هذولاك
ناس محبت والدك تدعيها
ناس تخدم ابيك كله لعيناك
وهو يحسب ان الله عليه يهديها
ياجعلها تفدا على الارض ماطاك
والله ومنهو مثلها يبتليها
لكن لعب في يا وليفي تغلاك
ونفسي غلاك من الصدود يحديها
تبطي علي وانا هنا واتحراك
وكبدي لواهيب الصبر تشتويها
كانك مشكك في الغلا والفا هاك
جوالي اقر القائمه كل اللي بيها
رقمك مع الصادر ولا وارد سواك
والناس في اللي لم يرد عليها
واياك واياني واياني اياك
من غيبتاً من دون عذر يحميها
للمبدع الشاعر / محمد بن فطيس ..
قصيدة رقمك مع الصادر ولا وارد سواك ٢٠١٤
رد مع اقتباس
مواقع النشر (المفضلة)