احبك ..
[poem=font="Simplified Arabic,4,white,bold,italic" bkcolor="transparent" bkimage="backgrounds/21.gif" border="inset,4,gray" type=2 line=0 align=center use=ex num="0,black"]
احبك كيـف اوصلهـا وبابـك يالغـلا مسـدود
احبك وانت مـا تـدري عـن ابياتـي وكاتبهـا
عشقتك كيف ما ادري ولا تطلـب علـى شهـود
عشقتك عشق صافي من اقصى هالحشـا خذهـا
انـا اللـي مطمنـي اشوفـك داخلـي موجـود
احسك داخـل اعماقـي علـى كيفـك تحركهـا
واحسك في وسط عيني ورمشي لك حرس وجنود
واحسـك داخـل عروقـي تدايـرك وتعذبـهـا
و انا احسك با انفاسـي تغيـب واشهقـك وتعـود
وتحلف با اغلـظ الايمـان بأنـك مـا تكررهـا
انا ما همنـي منهـو عـزاي بعزمـي المعقـود
احـارب كـل عذالـي ولا اشـرب مشاربـهـا
انا يابنت من قحطـان مرابـع الكـرم والجـود
ولا انسـى غـلا رفيـده تعلمـت بمدارسـهـا
وانا يابنت من فخذا عزيـز يقـال لـه المسعـود
نشب النار ما تطفـي وعلـى الظالـم حرايقهـا
وانا يا بنت من ديره كبيرة وشيخهـا بـن سعـود
نبيـع النـوم بالفزعـه ولا نحسـب خسارتـهـا
كتبت الشعر ليعيونك ولا اخشـى مـن المنقـود
ولا ترهبنـي همومـي عسـى ربـي يفرجهـا
كتبت ابيـات يالغالـي عسـى ياعـل الا ياكـود
افوز بنظـرة منـك عسـى عينـي تفـوز بهـا
احبك و اكتم الوعة وشوقـي مـا تـرده حـدود
وابد ما همنـي دمعـي فـداك عيـون ساحرهـا
ابي افتح معك صفحة جديده يا رقيق العود
وعلى صدر الزمن نكتب حكايتنا ونخلـده
ابي كل الفرح يرجع وابي كل الاماني تعود
وابي كل الجراح تروح ولا نعرف منابعها
ابي نشعل مشاعرنا ابيها برق ابيها رعـود
ابيها نفوسنا تصفى مـن همومـا نكابدهـا
انا كلي تحـت امـرك تدلـل هالعيـون السـود
انـا مـا ظـن بالدنيـا خلـق منهـو يعانـدهـا
واتمني تناال اعجابكم [/poem]
رد مع اقتباس
مواقع النشر (المفضلة)