بسم الله الرحمن الرحيم
رواية عرفت تلعبها بنت اللذين كاملة ٢٠١٤ , روايه
الرواية الاولى
الرواية الاولى لي وسامحوني اذا في اغلاط وكذا ويمكن حتى بطريقة الكتابة يمكن تطلع مو حلوة واعذروني بحكم صغر سني وعدم الخبره.
التعريف بالشخصيات:
العائلة الاولى :
الاب محمد العمر 46
الام فوزيةالعمر 40
ريان العمر 20
ليان تؤام ريان 20
نورة 17
العائلة الثانية :
اشراق العمر 17
الاب خالد العمر 47
الام جواهر العمر 40
سجى العمر 20
ساره العمر 10
انس العمر 9
عبد الله العمر 7
ارجوان العمر سنه وشهرين
بكذا خلصنا اهم عائلتين والباقي بتتعرفون عليهم بعدين........................................
...............................................
(قراءة ممتعة)
في بيت ريان بالتحديد في غرفتة الساعة 1ونص
دخل الغرفة وسكر الباب وانسدح على السرير وهو يرجع شعره الناعم ورا وهو يتنهد \ اخخ ياحلاة البيت ولف على جهة اليمين ونام<<<<ريان ابوه خلاه يدرس برا بما انه ولده الوحيد ويجيهم وقت الاجازات وباقي له اربع سنتين ويخلص واخونا بالله توه راجع
الصباح الساعة 8 بالضبط
قام ريان من النوم وخذله شور ولبس له بدله عباره عن بنطلون جينز ازرق وتيشيرت ابيض ورجع شعره لورا ورش من العطر ولبس جوتي رياضي (الله يكرمكم) وطلع رغم اللبس العادي الا انه مطلعه حلووبسيط
نزل تحت بخطوات حذره لان للحين ماقال لاحد انه بيجي
طل من الدرج وشاف امه جالسة تفطر وابوه واخته ليان ببجامتها وكشتهاراح للعداد وطفا النور وبما ان غرفة الطعام داخلية ومافيها شبابيك (نافذه)صارت الغرفة ظلام وراح وطفا نور الغرفة نفسها بحيث اذا ولعو النور من العداد يصير نور الغرفة مطفي
ليان\ افففف ذا وقته ينطفي
ام ريان\سكتي خلينا نشوف شسالفته
قام ابو ريان وراح يشوف العداد حط نور الجوال عليه شافه مطفي ولعة واشتغل النور الا غرفة الطعام راح لنور الغرفة وشغله وشهق
الاخ بالله ريان بعد ماطفى النور راح وجلس على الطاولة ياكل
ام ريان\ريانوووه
ابو ريان\هذا من انس ولا جن
وريان ياكل ولا همه وهو يضحك من داخله
ليان قربت من امها بخوف
اشوي والا يلتفت لها ريان ويخز فيها بقوة ويقرب
ليان وهي شوي وبتبكي\ يمه شوفيه يقرب
ام ريان\قول اعوذ برب الفلق من شر ماخلق
اما ابو ريان يطالع المسرحية اللي يسويها ولده بعد ماشاف التاريخ اللي خبره ان في هذا الوقت ولده يوصل
ريان قرب من ليان وليان تبكي وحاضنه امها اللي تقرا المعوذات وقرب وقرب وحب راس امه ويضمها وهو يقول\يمه كيفك عساك بخير
ام ريان وهي تطقه على ظهره\ايا القليل الحيا كذا تخوفنا وترجع تضمه وبعد عتاب وصياح تركته
لف على اخته لقاها تصيح قرب منها وهو يضحك \ليون حبيبتي خلاص عاد كنت امزح وياك ويضمها
ليان وهي تمسح دموعها وتقول \بس مو كذا تخوفني
ريان \طيب اسف بس لا تصحين
ليان وهي تبتسم له\طيب خلاص مسامحتك
وفجئه قالت بقوه وهي تضمه لها اكثر \اخووووووي حبيبي
ريان\ ههههههههههههه إيه ابيك كذا
جاله ابوه وهو يقول \ وانا مالي رب تسلم علي
رااح وضم ابوه وهو يضحك \ السموحة يبة
وجلسو يسالفون شوي
ريان\ ما اشوف نويري
ام ريان\ يانايمة يابلاب
ريان يغمز لليان \ليان قومي قومي نشوف شغلنا
ليان\ههه طيب
اتفقو على خطة
خذو اكياس وعبو بلالاين ماي وحطوها فيه
ورقت ليان فوق وريان من برا الحوش
دخلت ليان الغرفة وشافت نورة جالسة على لاب حقهاومندمجة مرههه قامت وبلونة مليانه ماي وضربتها فيها
التفت لجهت ليان لما لفت قام ريان وضربها بالبلونة ونزل راسة وهو يضحك قامت ليان وضربتها مره ثانية ولما تلتفت
يضربها ريان لين قامت وشالت الفراش المليان ماي وراحت ورا وشافت ليان البلونات عشان تضربها فيه وراحت وكبت اللي في الفراش على ليان وهربت تحت وليان وراها \ ياحيوانة
نورة \احسن ليه تكبين علي
ليان \ والله مو بس انا حتى ريان
نوره \ههههه تقصين على بنقالي
ليان \والله العظيم هو وياي
نوره\ من كثر شوقك له صرتي تتخيلينه وياك يا
وطاااااااااااااااخ <<<هههههههه لزوم التأثيرات
نورة\اي اي راسي وش ذا الجدار
ريان\ايا الحماره انا جدار ???????
نورة\ ريااااااان (فيس مصدوم)
ريان\إي ريان ياقلبو
نورة\حبييييييييييبيييييييييييييي وتضمه بقوه وهو ضمها وحب راسها
ريان\هههههههه طيب فكني
فكته وجات بتسحب يده وتروح الصالة الا ليان تصفق\وااااااوواااااو على الفلم الهندي مرره يخقق
ريان ونورة\ههههههههههههه
ريان\ اقول نوير ماكنك وصختيني
نورة \ادري بالقصد <<<ترا كذابة
ريان\اها بالقصد وضربها بالبلونة وصار ركض بالبيت والحالة لايعلم بها الا الله.
والام والابو يحمدون ربهم ويتشكرونه
نترك هالبيت اشوي وننتقل إلى البيت الثاني
بيت اشراق
صحت من النوم وغسسلت وجهها وراحت للبلكونة (الشرفة) الصغيره إليي بوسط غرفتها وسقت الورود إلي من وهي صغيره تعتني فيها خذت ثلاث وحطتهم في المزهرية إلي تتوسط الغرفة وجلست على الكرسي وفتحت الاب وطالعت فلم وحاست وزهقت وسكرته فتحت الباب تشوف في احد مشافت احد وسييييييييييييييده المطبخ في طريقهها شافت ابوها
في قلبها(ياليل اللحين بيقولي بدالك فاضية نظفي البيت )ومثل ماتوقعت قالها نظفي البيت ماقدرت تعترض وراحت تاكل شئ خذت صحنها الابيض وسوت لها كورن فليكس <<<مادري عرفتوه
وتوها بتاكل الا ابوها جاي لها معصب \مو قلت لك تنظفين الصالة
اشراق وهي تاكل بهدوء\ الا
بوانس \وراك اجل مانظفتي
اشراق\ باكل وبعدين بنظفف
بوانس \انا قلت اللحين وكلمتي ما اثنيها
اشراق \اوكي
وكلمت اكلهاالا بذاك الهايج ويكب الصحن في الارض
بوانس\اناكلامي محد يغيره لا انتي ولا غيرك
اشراق رافعه حاجبها\ طيب في شئ ثاني
بوانس\ظفي وجهك وروحي نظفي
اشراق بدلع\اوكي بااااي
ورررررااحت( سوت كذا متعمده عشان تغيضة وزي ماتبي اغتاض)نظفت وخلصت ونزلت الحوش شافت الجو مغيم وحلو سمعت صوت قطوه راحت لها شافتها والد وحولها قطط صغيره مرره كانت لابسة بنطلون اسود سكني وبلوزه بيضة ساده راحت فوق وجابت سلة كانت عندها وحطت قطن وحطت مفرش عليه وشالته وراحت المطبخ وجابت حليب وراحت الحوش ماشافتهم راحت ورا البيت شافت القطط وراحت لها و ستانست لما شافتهم جالسين ويرضعون من امهم لما جات بتشيلهم بتحطهم هجمت امهم عليها طبعا>> القطة شيرازية بس هربانه من البيت وتعلمت على قطط الحاره المتشردة المهم طلع الدم من يدها بس مو واجد مع كذا مايئست قربت الحليب من الام يوم شافت الام انشغلت شالت والصغار وحطتهم في السلة وخلت الام تشرب على راحتها وتطالع الاشياء الصغار اللي كنها كور ريش كانو خمس شالت وحده بيضة صغنونة بيدها وراحت تركض فيها فوق حطتها بسله اصغر وخلتها تنام وراحت تحت تشوف الباقي شافت قطعت خشب كبيره ومتينة جاتها فكره وراحت المخزن وجابت العده وراحت بره خذت القطعة وقصتها مستطيل وسووت فتحين من الجهتين وركبت حبل طوييل بعد ماعقدته من تحت راحت عند الشجره الكبيرره إلي من وهي صغيره وهي تسقيها لين صارت بالهكبر جابت سلم وحطته على الشجره وشافت امتن جذع وربطت المرجيحة فيه ونزلت من السلم وعلى اخر درجه طاحت مسكت رجلها بألم بعدين ابتسمت ومسحت العرق بيدها وجلست تطالع المرجيحة وهي مستانسة بالانجاز إللي سوته لعبت فيها اشوي وبعدين خبتها بين الاوراق تخاف اخوانها يخربونها ولا امها تقطعهاراحت فوق وهي مستانسة وشافت القطة مفتحة عينها وجالسة مكانها راحت لها وجلست تلاعبها اشوي والا ينفتح الباب بقوة\انتي قومي اشتغلي بس جالسة لي بالغرفة ولا بالنت قومي اشتغلي
اهي خبت القطه تحت السرير وشغلت الجوال بأغنية عشان امها ماتسمع مواء القطة
اشراق\ اظن اني رتبت البيت بعد سهرة عيالك
ام انس\كلها نظفتي البيت ترا
اشراق\ اشوف بناتك سو سواتي ينظفون بعد السهره ولا يغسلون الحوش اللي وش كبره ولا يغسلون سيارات ابوهم وجدهم وخالهم عشان رضا امهم كلها جالسين بأجهزتهم ولا صرختي عليهم مو مثل صراخك علي ولا وتجين وتبين اشتغل زيادة ياخي ارحميني
ام انس \بل بل بل ترا كلكم اسوي لكم كذا
اشراق\ مره واضح
ام انس\ اففف انتي مامنك فايده
اشراق\ احسن بعد
اشراق في نفسها( لا نزلت ما تركوني في حالي وان قعدت بالغرفة جاوو ازعجوني خليني اقفل الغرفة احسن )قفلت الغرفة
وراحت للقطوة وجلست تلاعبها وقفلت الستاير وخذت المفتاح إللي على التسريحة وراحت للزواية شالت اللزقة ودخلت المفتاح فيها وفتحت الباب الصغير إلى مايدري فيه الا ههي وإليي سواا البيت ههه بقولكم السالفة اثناء تخطيط هذاالبيت راحت اشراق لمكتب المهندس وقالته تبي غرفة صغيره محد يدري فيها ويشرف عليها هو بعد مايصبغها ويعدلها من إلى وعطته بالاخير مبلغ محترم )نزلت بالدرج لمدة دقيقة ووصلت للغرفة فيها حمام ومطبخ صغير وغرفة جلست بالصالة وهي تطالع فلم وتاكل شيبس وتمسح على القطة تذكرت انها ماسبحتها راحت سبحتها ونشفتها تذكرت ان يبي لها تجيب لها اغراض خاصة قالت بكره اروح اشتري لها اغراض رقت فوق غرفتها الاساسيةورقت كل شئ مكانه وشالت القطة وياها وحطتها بسلتها وفتحت باب الغرفة ونزلت تحت نزلت شافت سجى اختها ماسكة مجلة وتناديها
سجى\ اشراق اشراوه شوفي شوفي
اشراق بتململ\نعـــم
سجى \شوفي الرسمه هاذي تخقق بس غالية وصلت للمليون المشكلة ان الاعلام مايدرون من إللي ترسمهم
وعندها لوحات واجد حتى سموها الرسامة المجهولة
جات اشراق عند سجى وشافتها وانصعقت ان الرسمه رسمتها ابتسمت بهدوء وجات بتروح الا قالت سجى
سجى\حمد لله والشكر انا اول مره اشوف وحده تحب الرسم ولا ترسم ولا بعد تشوف رسمة غيرها وتفرح
اشراق\ ووانتي وش يخصش قاعدة على قلبك انا
سجى \روحي روحي يالمتوحدة الله لا يبلانا
اشراق بلامبلاه\بروح اصلا بس بغيت اقولك تقولين لي متوحده اشوفك قاعده لحالك ولا صح فيه ناس يعيشون معانا بس ما نشوفهم
سجى قامت\من قصدك
اشراق\الجنانوه يعني مين
سجى\بلا سخافة
اشراق وهي تهز اكتافها\موانتي تقولين اني متوحدة اشوفك جالسة بالحالك بالصالة قلت اكيد متجمعة مع الجن حقها ولا ليه تقولي متوحده
وراحت رقت فوق اما سجى كانت تكره هالطاري عشان كذا راحت عند اختها ساره
عند (ريان)الساعة 1ونص
نزل تحت وراح لبس تيشيرت بني مع بنطلون بيج ورجع شعره الناعم ورا ونزل تحت شاف نورة
ريان\ نورة حبيبتي قومي جيبي لي كافي
نورة كانت قاعدة على الايباد\ طيب بس اشوي
ريان\نورة حبيبتي قومي عشاني اللحين
نورة\ طيب
ريان\ طيب بنتظرك
راحت نورة تسوي له كافي وهو خذا لايباد وقعد يحوس فيه دخل الصور وراح يحوس وشاف صورة قديمة ودخلها كانت له وليان ونورة البزره ووحده اصغر منها بالموت تذكرها وكانت إشراق راح بسرعة لليان
ريان\ ليان ليان
ورقا فوق غرفتها
ليان اللتفت علية\ نعم
ريان\تذكرين هذي وهو يأشر بيده على الصورة
ليان\ إيه إشراق شفيها
ريان\لا زالو هنا
ليان\ إيه شفيك
ريان\لا مافي شئ بس مستغرب انها كانت تجي بيتنا واجد واللحين ما اشوفها تجي
ليان وهي تمشط شعرها \هه مادريت
ريان\شنو
ليان\بعد ماكبرت ماصرت تطلع واجد حتى لما نروح لامها ماتطلع لنا ابد واخر مره شفتها اظن ان كان عمرها 9سنه واللحين مدري كم والناس يقولون انها ماتت والبعض قال متوحده والبعض نفسية والله اعلم فيها
ريان مندهش \الله الله كل هذا بس كم تتوقعين عمرها الحين
ليان تعد \اممم اشك انها 17سنه
ريان\اوب اوب وين ماظن
ليان \الا والله عمرها 17 سنه
ريان\ههههه بس كانت حركية واجد وراعية مقالب
ليان خلصت شعرها وانسحدت جنبه بالسرير\هههه تذكر الهندي حق البقالة يوم كانت تهدده بالسكين والا يعطيها حلاوة
ريان\هههههههه إيه كانت تموت بالحلاو ولا ايام العيد كلا فلوسها بالحلاو
ليان\ولا إذا راحت للبزران وتقول لهم بعد فلوسكم وتاخذ لها كم ريال
ريان\ ولما مره جات عندي وعندها مسدس كنها صدقي وتمسكني من رقبتي وتحطه براسي وتقول عطني إلي عندك ولا روح اشترلي سيارة ريموت وعاد انا خفت ورحت اشتري لها
ليان\هههههههههه بس كان عقلها كبير تذكر يوم شرت سيارتين ريموت وعروسة اطفال وجابت كميرا وركبتها بعين العروسة وشالت الاسلاك إليي في السيارة كلها وحطتها بالعروسة وصارت تحركها وتصور فيها ومحد درا عنها ههههه قسم بالله ذكية
ريان\من جد حتى خذت العروسة وحطتها عند صالح تبي تنتقم منه لأن دايم يكفخها وصورته وهو يشرب دخان وههدتته يأن تعطيه ابوه والا يوقف يدخن ويطقها وبعدين ماصارهههه يطقهاولا صار يدخن
ليان\هههههههههه والله مسكينة
ريان بستغراب \ليه
ليان\تخيل يوم اشوفها كانت طول الوقت ساكته ولا تتكلم وطول الوقت سرحانة والله انها متغيرره غييير عن قبل بقوة
ريان\وما دريتي وش فيها
ليان\لا حاولت بس لما اروح بيتهم ما اشوفها
ريان\وطيب خواتها ما قالولك
ليان\ لا كل مره نسألهم عنها يغيرون السالفة
ريان\ اها
.................................................. .................................................. ............................
هنا نشوف ابطالنا وحياتهم اليومية
هل ستتغير...؟
لماذا معاملة اشراق مع اهلها كانت سيئة؟؟
لماذا تغيرت اشراق..؟
ماقصة اشراق ؟؟؟
احداث كثيره راح تصير
رواية عرفت تلعبها بنت اللذين كاملة ٢٠١٤ , روايه
رد مع اقتباس
مواقع النشر (المفضلة)